देखि चरित यह सो प्रभुताई । समुझत देह दसा बिसराई ॥
धरनि परेउँ मुख आव न बाता । त्राहि त्राहि आरत जन त्राता ॥
dekhi carita yaha so prabhutāī | samujhata deha dasā bisarāī ||
dharani pareum̐ mukha āva na bātā | trāhi trāhi ārata jana trātā ||
Uttara Kanda
Chapter 83: Rama's hand on the crow's head
6 verses · 83 of 130
What happens in this chapter
Rama's hand on the crow's head
Seeing this play and grasping the Lord's might, Bhushundi tells Garuda, he forgot his body and fell to the ground, unable to speak, crying only: save me, save me, protector of the afflicted! Seeing him overwhelmed by love, the Lord withdrew the power of his maya and laid his lotus hand on the crow's head, and the friend of the lowly took away all his pain. Seeing Rama's tenderness for devotees, a special love rose in him. With wet eyes, thrilling body and joined hands he prayed in many ways. Lakshmi's Lord then spoke gently: Kakbhushundi, ask a boon. Know that I am pleased. The siddhis, riches, even moksha, the mine of all joys.
प्रेमाकुल प्रभु मोहि बिलोकी । निज माया प्रभुता तब रोकी ॥
कर सरोज प्रभु मम सिर धरेऊ । दीनदयाल सकल दुख हरेऊ ॥
premākula prabhu mohi bilokī | nija māyā prabhutā taba rokī ||
kara saroja prabhu mama sira dhareū | dīnadayāla sakala dukha hareū ||
कीन्ह राम मोहि बिगत बिमोहा । सेवक सुखद कृपा सन्दोहा ॥
प्रभुता प्रथम बिचारि बिचारी । मन महँ होइ हरष अति भारी ॥
kīnha rāma mohi bigata bimohā | sevaka sukhada kṛpā sandohā ||
prabhutā prathama bicāri bicārī | mana maham̐ hoi haraṣa ati bhārī ||
भगत बछलता प्रभु कै देखी । उपजी मम उर प्रीति बिसेखी ॥
सजल नयन पुलकित कर जोरी । कीन्हिउँ बहु बिधि बिनय बहोरी ॥
bhagata bachalatā prabhu kai dekhī | upajī mama ura prīti bisekhī ||
sajala nayana pulakita kara jorī | kīnhium̐ bahu bidhi binaya bahorī ||
सुनि सप्रेम सम बानी, देखि दीन निज दास ।
बचन सुखद गंभीर मृदु, बोले रमानिवास ॥
suni saprema sama bānī, dekhi dīna nija dāsa |
bacana sukhada gaṃbhīra mṛdu, bole ramānivāsa ||
काकभसुंडि मागु बर, अति प्रसन्न मोहि जानि ।
अनिमादिक सिधि अपर रिधि, मोच्छ सकल सुख खानि ॥
kākabhasuṃḍi māgu bara, ati prasanna mohi jāni |
animādika sidhi apara ridhi, moccha sakala sukha khāni ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0