गिरिजा सुनहु बिसद यह कथा । मैं सब कही मोरि मति जथा ॥
राम चरित सत कोटि अपारा । श्रुति सारदा न बरनइ पारा ॥
girijā sunahu bisada yaha kathā | maiṃ saba kahī mori mati jathā ||
rāma carita sata koṭi apārā | śruti sāradā na baranai pārā ||
Uttara Kanda
Chapter 52: Shiva closes the katha, Uma rejoices
7 verses · 52 of 130
What happens in this chapter
Shiva closes the katha, Uma rejoices
Bhagwan Shiva now speaks to Girija about the katha itself. I have told it as far as my understanding goes, he says, but Rama's deeds number a hundred crore and neither Shruti nor Sharada reaches their end. Rama is endless, and so are his qualities, births, acts and names. Drops of water and specks of dust could be counted sooner. Hearing this katha brings unshakable bhakti. Shiva says he has told it as Bhushundi told it to Garuda, and asks what more she wishes. Uma answers humbly: blessed am I, Tripurari. By your grace my delusion is gone. The nectar of the katha flows from your face, and my ears drink and are never full.
राम अनन्त अनन्त गुनानी । जनम करम अनन्त नामानी ॥
जल सीकर महि रज गनि जाहीं । रघुपति चरित न बरनि सिराहीं ॥
rāma ananta ananta gunānī | janama karama ananta nāmānī ||
jala sīkara mahi raja gani jāhīṃ | raghupati carita na barani sirāhīṃ ||
बिमल कथा हरि-पद-दायनी । भगति होइ सुनि अनपायनी ॥
उमा कहिउँ सब कथा सुहाई । जो भुसुंडि खगपतिहि सुनाई ॥
bimala kathā hari-pada-dāyanī | bhagati hoi suni anapāyanī ||
umā kahium̐ saba kathā suhāī | jo bhusuṃḍi khagapatihi sunāī ||
कछुक राम गुन कहेउँ बखानी । अब का कहउँ से कहहु भवानी ॥
सुनि सुभ कथा उमा हरषानी । बोली अति बिनीत मृदु-बानी ॥
kachuka rāma guna kaheum̐ bakhānī | aba kā kahaum̐ se kahahu bhavānī ||
suni subha kathā umā haraṣānī | bolī ati binīta mṛdu-bānī ||
धन्य धन्य मैं धन्य पुरारी । सुनेउँ राम गुन भव-भय हारी ॥
dhanya dhanya maiṃ dhanya purārī | suneum̐ rāma guna bhava-bhaya hārī ||
तुम्हरी कृपाँ कृपायतन, अब कृतकृत्य न मोह ।
जानेउँ राम प्रताप, प्रभु चिदानन्द सन्दोह ॥
tumharī kṛpām̐ kṛpāyatana, aba kṛtakṛtya na moha |
jāneum̐ rāma pratāpa, prabhu cidānanda sandoha ||
नाथ तवानन ससि स्रवत, कथा सुधा रघुबीर ।
श्रवन पुटन्हि बन पान करि, नहिँ अघात मति-धीरं ॥
nātha tavānana sasi sravata, kathā sudhā raghubīra |
śravana puṭanhi bana pāna kari, nahim̐ aghāta mati-dhīraṃ ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0