5 verses · 26 of 130
At dawn Rama bathes in the Sarayu and sits in the assembly with Brahmins and good men. Vasishtha expounds the Vedas and Puranas, and Rama listens, though he knows it all. He eats with his brothers, to the mothers' delight. Bharata and Shatrughna go with Hanuman to the gardens and ask about Rama's virtues; Hanuman tells them, and they beg him to tell it again and again. In every house the Puranas and the Rama charita are recited. Men and women sing Rama's praise and the days pass unnoticed. Not a thousand Sheshas could describe the joy of Avadhpuri, where King Rama reigns.
प्रातकाल सरजू करि मज्जन । बैठहिँ सभाँ सङ्ग द्विज सज्जन ॥
बेद पुरान बसिष्ठ बखानहिं । सुनहिं राम जद्यपि सब जानहिँ ॥
prātakāla sarajū kari majjana | baiṭhahim̐ sabhām̐ saṅga dvija sajjana ||
beda purāna basiṣṭha bakhānahiṃ | sunahiṃ rāma jadyapi saba jānahim̐ ||
अनुजन्ह संजुत भोजन करहीं । देखि सकल जननीं सुख भरहीं ॥
भरत सत्रुहन दोनउ भाई । सहित पवनसुत उपबन जाई ॥
anujanha saṃjuta bhojana karahīṃ | dekhi sakala jananīṃ sukha bharahīṃ ||
bharata satruhana donau bhāī | sahita pavanasuta upabana jāī ||
बुझहिँ बैठि राम गुन गाहा । कह हनुमान सुमति अवगाहा ॥
सुनत बिमल गुन अति सुख पावहिँ । बहुरि बहुरि करि बिनय कहावहिं ॥
bujhahim̐ baiṭhi rāma guna gāhā | kaha hanumāna sumati avagāhā ||
sunata bimala guna ati sukha pāvahim̐ | bahuri bahuri kari binaya kahāvahiṃ ||
सब कें गृह गृह होहिं पुराना । रामचरित पावन विधि नाना ॥
नर अरु नारि राम गुन गानहिँ । करहिँ दिवस निसि जात न जान ॥
saba keṃ gṛha gṛha hohiṃ purānā | rāmacarita pāvana vidhi nānā ||
nara aru nāri rāma guna gānahim̐ | karahim̐ divasa nisi jāta na jāna ||
अवधपुरी बासिन्ह कर, सुख सम्पदा समाज ।
सहस सेष नहिँ कहि सकहिं, जहँ नृप राम बिराज ॥
avadhapurī bāsinha kara, sukha sampadā samāja |
sahasa seṣa nahim̐ kahi sakahiṃ, jaham̐ nṛpa rāma birāja ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
