कहेउँ ज्ञान सिद्धान्त बुझाई । सुनहु भगति मनि कै प्रभुताई ॥
राम भगति चिन्तामनि सुन्दर । बसइ गरुड़ जाके उर अन्तर ॥
kaheum̐ jñāna siddhānta bujhāī | sunahu bhagati mani kai prabhutāī ||
rāma bhagati cintāmani sundara | basai garur̤a jāke ura antara ||
Uttara Kanda
Chapter 120: Rama-bhakti, the wish-fulfilling gem
12 verses · 120 of 130
What happens in this chapter
Rama-bhakti, the wish-fulfilling gem
Having explained jnana, Kakbhushundi tells Garuda of the gem of bhakti. Rama-bhakti is a chintamani; in whatever heart it lives it shines day and night, needing no lamp, ghee or wick. Delusion cannot come near, greed's wind cannot blow it out, ignorance vanishes, and lust and the other moths give up. Poison turns to nectar and enemies to friends. The gem lies open in the world, yet none finds it without Rama's grace. The Vedas and Puranas are its mountain, Rama's stories its mines, the saints its miners. He holds that Rama's servant is greater than Rama: Rama is the sea, the saint the cloud. Bhakti comes only through satsang.
परम प्रकास रूप दिन राती । नहिँ कछु चहिय दिआ घृत बाती ॥
मोह दरिद्र निकट नहिँ आवा । लोभ बात नहिँ ताहि बुझावा ॥
parama prakāsa rūpa dina rātī | nahim̐ kachu cahiya diā ghṛta bātī ||
moha daridra nikaṭa nahim̐ āvā | lobha bāta nahim̐ tāhi bujhāvā ||
प्रबल अबिद्या तम मिटि जाई । हारहिँ सकल सलभ समुदाई ॥
खल कामादि निकट नहिं जाहीं । बसइ भगति जाके उर माहीं ॥
prabala abidyā tama miṭi jāī | hārahim̐ sakala salabha samudāī ||
khala kāmādi nikaṭa nahiṃ jāhīṃ | basai bhagati jāke ura māhīṃ ||
गरल सुधा सम अरि हित होई । तेहि मनि बिनु सुख पाव न कोई ॥
ब्यापहिँ मानस रोग न मारा । जिन्ह के बस सब जीव दुखारी ॥
garala sudhā sama ari hita hoī | tehi mani binu sukha pāva na koī ||
byāpahim̐ mānasa roga na mārā | jinha ke basa saba jīva dukhārī ||
रामभगति भनि उर बस जाकें । दुख लवलेस न सपनेहुँ ताकें ॥
चतुर सिरोमनि तेइ जग माहीं । जे मनि लागि सुजतन कराहीं ॥
rāmabhagati bhani ura basa jākeṃ | dukha lavalesa na sapanehum̐ tākeṃ ||
catura siromani tei jaga māhīṃ | je mani lāgi sujatana karāhīṃ ||
सो मनि जदपि प्रगट जग अहई । राम कृपा बिनु नहिं कोउ लहई ॥
सुगम उपाय पाइबे केरे । नर हतभाग्य देहिँ भटमेरे ॥
so mani jadapi pragaṭa jaga ahaī | rāma kṛpā binu nahiṃ kou lahaī ||
sugama upāya pāibe kere | nara hatabhāgya dehim̐ bhaṭamere ||
पावन पर्वत बेद पुराना । राम कथा रुचिराकर नाना ॥
मर्मी सज्जन सुमति कुदारी । ज्ञान विराग नयन उरगारी ॥
pāvana parvata beda purānā | rāma kathā rucirākara nānā ||
marmī sajjana sumati kudārī | jñāna virāga nayana uragārī ||
भाव सहित खोजइ जो प्रानी । पाव भगति मनि सब सुख खानी ॥
मोरें मन प्रभु अस बिस्वासा । राम ते अधिक राम कर दासा ॥
bhāva sahita khojai jo prānī | pāva bhagati mani saba sukha khānī ||
moreṃ mana prabhu asa bisvāsā | rāma te adhika rāma kara dāsā ||
राम-सिन्धु-घन सज्जन धीरा । चन्दन तरु हरि सन्त समीरा ॥
अब कर फल हरि भगति सुहाई । सो बिनु सन्त न काहूँ पाई ॥
rāma-sindhu-ghana sajjana dhīrā | candana taru hari santa samīrā ||
aba kara phala hari bhagati suhāī | so binu santa na kāhūm̐ pāī ||
अस बिचारि जोइ कर सतसङ्गा । राम भगति तेहि सुलभ बिहङ्गा ॥
asa bicāri joi kara satasaṅgā | rāma bhagati tehi sulabha bihaṅgā ||
ब्रह्म पयोनिधि मन्दर, ज्ञान सन्त सुर आहिं ।
कथा सुधा मथि काढ़हिं, भगति मधुरता जाहिँ ॥
brahma payonidhi mandara, jñāna santa sura āhiṃ |
kathā sudhā mathi kār̤hahiṃ, bhagati madhuratā jāhim̐ ||
बिरति चर्म असि ज्ञान मद, लोभ मोह रिपु मारि ।
जय पाइय से हरिभगति, देखु खगेस बिचारि ॥
birati carma asi jñāna mada, lobha moha ripu māri |
jaya pāiya se haribhagati, dekhu khagesa bicāri ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0