प्रभु पद-पङ्कज नावहिं सीसा । गरजहिं भालु महाबल कीसा ॥
देखी राम सकल कपि सेना । चितइ कृपा करि राजिव-नैना ॥
prabhu pada-paṅkaja nāvahiṃ sīsā | garajahiṃ bhālu mahābala kīsā ||
dekhī rāma sakala kapi senā | citai kṛpā kari rājiva-nainā ||
Sundara Kanda
Chapter 35: The army marches to the sea
8 verses · 35 of 60
What happens in this chapter
The army marches to the sea
Bears and monkeys bow and roar. Rama looks over the host with merciful lotus eyes, and by His grace the monkey chiefs seem like winged mountains. He sets out amid fine omens. Vaidehi's left side throbs, telling her He has marched, and every good omen for her is a bad one for Ravana. The army goes by sky and earth, armed with claws, rocks and trees. Two chhands: the elephants of the quarters trumpet, mountains shake, the seas churn, devas and munis rejoice; Shesha, barely bearing the weight, grips the tortoise's shell with his teeth as if engraving the march there. The Lord reaches the shore, and the warriors eat fruit everywhere.
राम कृपा बल पाइ कपिन्दा । भये पच्छजुत मनहुँ गिरिन्दा ॥
हरषि राम तब कीन्ह पयाना । सगुन भये सुन्दर सुभ नाना ॥
rāma kṛpā bala pāi kapindā | bhaye pacchajuta manahum̐ girindā ||
haraṣi rāma taba kīnha payānā | saguna bhaye sundara subha nānā ||
जासु सकल मङ्गल-मय कीती । तासु पयान सगुन यह नीती ॥
प्रभु पयान जाना बैदेहीं । फरकि बाम अँग जनु कहि देहीं ॥
jāsu sakala maṅgala-maya kītī | tāsu payāna saguna yaha nītī ||
prabhu payāna jānā baidehīṃ | pharaki bāma am̐ga janu kahi dehīṃ ||
जोइ जोइ सगुन जानकिहि होई । असगुन भयउ रावनहिँ सोई ॥
चला कटक को बरनइ पारा । गर्जहिँ बानर भालु अपारा ॥
joi joi saguna jānakihi hoī | asaguna bhayau rāvanahim̐ soī ||
calā kaṭaka ko baranai pārā | garjahim̐ bānara bhālu apārā ||
नख आयुध गिरि पादप धारी । चले गगन महि इच्छाचारी ॥
केहरिनाद भालु कपि करहीं । डगमगाहिं दिग्गज चिक्करहीं ॥
nakha āyudha giri pādapa dhārī | cale gagana mahi icchācārī ||
keharināda bhālu kapi karahīṃ | ḍagamagāhiṃ diggaja cikkarahīṃ ||
चिक्करहिँ दिग्गज डोल महि गिरि, लोल सागर खरभरे ।
मन हरष दिनकर सोम सुर मुनि, नाग किन्नर दुख टरे ॥
कटकटहिँ मर्कट बिकट भट बहु, कोटि कोटिन्ह धावहीं ।
जय राम प्रबल प्रताप कोसल, नाथ गुन गन गावहीं ॥
cikkarahim̐ diggaja ḍola mahi giri, lola sāgara kharabhare |
mana haraṣa dinakara soma sura muni, nāga kinnara dukha ṭare ||
kaṭakaṭahim̐ markaṭa bikaṭa bhaṭa bahu, koṭi koṭinha dhāvahīṃ |
jaya rāma prabala pratāpa kosala, nātha guna gana gāvahīṃ ||
सहि सक न बार उदार अहिपति बार बारहिँ मोहई ।
गह दसन पुनि पुनि कमठ-पृष्ट, कठोर सो किमि सोहई ॥
रघुबीर रुचिर प्रयान प्रस्थिति, जानि परम सुहावनी ।
जनु कमठ-खर्पर सर्पराज सो, लिखत अबिचल पावनी ॥
sahi saka na bāra udāra ahipati bāra bārahim̐ mohaī |
gaha dasana puni puni kamaṭha-pṛṣṭa, kaṭhora so kimi sohaī ||
raghubīra rucira prayāna prasthiti, jāni parama suhāvanī |
janu kamaṭha-kharpara sarparāja so, likhata abicala pāvanī ||
एहि बिधि जाइ कृपानिधि, उतरे सागर तीर ।
जहँ तहँ लागे खान फल, भालु बिपुल कपि बीर ॥
ehi bidhi jāi kṛpānidhi, utare sāgara tīra |
jaham̐ taham̐ lāge khāna phala, bhālu bipula kapi bīra ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0