मातु मोहि दीजै कछु चीन्हा । जैसें रघुनायक मोहि दीन्हा ॥
चूड़ामनि उतारि तब दयऊ । हरष समेत पवन-सुत लयऊ ॥
mātu mohi dījai kachu cīnhā | jaiseṃ raghunāyaka mohi dīnhā ||
cūr̤āmani utāri taba dayaū | haraṣa sameta pavana-suta layaū ||
Sundara Kanda
Chapter 27: The crest-jewel and Sita's message
5 verses · 27 of 60
What happens in this chapter
The crest-jewel and Sita's message
Give me a token, mother, as Raghunayak gave me one. Sita takes off her crest-jewel, and Hanuman receives it with joy. Give the Lord my pranam, she says. He wants for nothing, but let Him remember His title, Friend of the Lowly, and remove my heavy trouble. Remind Him of the katha of Indra's son and the power of His arrow. If He does not come within the month, He will not find me alive. Seeing you my heart was cooled; now you speak of going, and the same days and nights return. Hanuman comforts her, bows at her feet and sets off for Rama.
कहेउ तात अस मोर प्रनामा । सब प्रकार प्रभु पूरनकामा ॥
दीन दयाल बिरिदु सँभारी । हरहु नाथ मम सङ्कट भारी ॥
kaheu tāta asa mora pranāmā | saba prakāra prabhu pūranakāmā ||
dīna dayāla biridu sam̐bhārī | harahu nātha mama saṅkaṭa bhārī ||
तात सक्र-सुत कथा सुनाएहु । बान प्रताप प्रभुहि समुझाएहु ॥
मास दिवस महँ नाथ न आवा । तौ पुनि मोहि जियत नहिं पावा ॥
tāta sakra-suta kathā sunāehu | bāna pratāpa prabhuhi samujhāehu ||
māsa divasa maham̐ nātha na āvā | tau puni mohi jiyata nahiṃ pāvā ||
कहु कपि केहि बिधि राखौं प्राना । तुम्हहूँ तात कहत अब जाना ॥
तोहि देखि सीतलि भइ छाती । पुनि मो कहँ सो दिन सोइ राती ॥
kahu kapi kehi bidhi rākhauṃ prānā | tumhahūm̐ tāta kahata aba jānā ||
tohi dekhi sītali bhai chātī | puni mo kaham̐ so dina soi rātī ||
जनक-सुतहि समुझाइ करि, बहु बिधि धीरज दीन्ह ।
चरन-कमल सिर नाइ कपि, गवन राम पहिँ कीन्ह ॥
janaka-sutahi samujhāi kari, bahu bidhi dhīraja dīnha |
carana-kamala sira nāi kapi, gavana rāma pahim̐ kīnha ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0