सिर भुज बाढ़ि देखि रिपु केरी । भालु कपिन्ह रिस भई घनेरी ॥
परत न मूढ़ कटेउ भुज सीसा । धाये कोपि भालु भट कीसा ॥
sira bhuja bār̤hi dekhi ripu kerī | bhālu kapinha risa bhaī ghanerī ||
parata na mūr̤ha kaṭeu bhuja sīsā | dhāye kopi bhālu bhaṭa kīsā ||
Lanka Kanda
Chapter 98: Monkeys and Jambavan batter Ravana till nightfall
10 verses · 98 of 121
What happens in this chapter
Monkeys and Jambavan batter Ravana till nightfall
Seeing Ravana's heads and arms grow back, the bears and monkeys charge in fury. Angada, Hanuman, Sugriva and others attack with trees and hills; Ravana hurls the same rocks back. Nala and Nila climb onto his heads and rip his foreheads. Bleeding, he grabs at them, but they slip over his hands like two bees roaming a lotus forest. With ten bows he wounds the monkeys and knocks Hanuman and others senseless. Then Jambavan arrives with his bears. His kick to Ravana's chest throws him from the chariot. Kicking him once more, Jambavan returns to the Lord. As night falls, the charioteer carries the unconscious Ravana away. The bears and monkeys revive and gather round the Lord, while the frightened rakshasas crowd round Ravana.
बालि-तनय मारुति नल नीला । बानरराज दुबिद बलसीला ॥
बिटप महीधर करहिं प्रहारा । सोइ गिरि तरु गहि कपिन्ह से मारा ॥
bāli-tanaya māruti nala nīlā | bānararāja dubida balasīlā ||
biṭapa mahīdhara karahiṃ prahārā | soi giri taru gahi kapinha se mārā ||
एक नखन्हि रिपु-बपुष-बिदारी । भअगि चलहिँ एक लातन्ह मारी ॥
तब नल नील सिरन्हि चढ़ि गयऊ । नखन्हि लिलार बिदारत भयऊ ॥
eka nakhanhi ripu-bapuṣa-bidārī | bhaagi calahim̐ eka lātanha mārī ||
taba nala nīla siranhi car̤hi gayaū | nakhanhi lilāra bidārata bhayaū ||
रुधिर देखि बिषाद उर भारी । तिन्हहिं धरन कहाँ भुजा पसारी ॥
गहे न जाहिँ करन्हि पर फिरहीं । जन जुग मधुप कमल बन चरहीं ॥
rudhira dekhi biṣāda ura bhārī | tinhahiṃ dharana kahām̐ bhujā pasārī ||
gahe na jāhim̐ karanhi para phirahīṃ | jana juga madhupa kamala bana carahīṃ ||
कोपि कूदि होउ धरेसि बहोरी । महि पटकत भजे भुजा मरोरी ॥
पुनि सकोप दस धनु कर लीन्हे । सरन्हि मारि घायल कपि कीन्हे ॥
kopi kūdi hou dharesi bahorī | mahi paṭakata bhaje bhujā marorī ||
puni sakopa dasa dhanu kara līnhe | saranhi māri ghāyala kapi kīnhe ||
हनुमदादि मुरुछित करि बन्दर । पाइ प्रदोष हरष दसकन्धर ॥
मुरछित देखि सकल कपि बीरा । जामवन्त धायउ रनधीरा ॥
hanumadādi muruchita kari bandara | pāi pradoṣa haraṣa dasakandhara ||
murachita dekhi sakala kapi bīrā | jāmavanta dhāyau ranadhīrā ||
सङ्ग भालु भूधर तरु धारी । मारन लगे पचारी पचारी ॥
भयउ क्रुद्ध रावन बलवाना । गहि पर महि पटकइ भट नाना ॥
saṅga bhālu bhūdhara taru dhārī | mārana lage pacārī pacārī ||
bhayau kruddha rāvana balavānā | gahi para mahi paṭakai bhaṭa nānā ||
देखि भालुपति निज दल घाता । कोपि माझ उर मारेसि लाता ॥
dekhi bhālupati nija dala ghātā | kopi mājha ura māresi lātā ||
उर लात घात प्रचंड लागत, बिकल रथ तैं सहि परा ।
गहि भालु बीसहुँ कर मनहुँ कमलन्हि बसे निसि मधुकरा ॥
मुरुछित बिलोकि बहोरि पद हति, भालुपति प्रभु पहिँ गयो ।
निसि जानि स्यन्दन घालि तेहि तब, सूत जतन करत भयो ॥
ura lāta ghāta pracaṃḍa lāgata, bikala ratha taiṃ sahi parā |
gahi bhālu bīsahum̐ kara manahum̐ kamalanhi base nisi madhukarā ||
muruchita biloki bahori pada hati, bhālupati prabhu pahim̐ gayo |
nisi jāni syandana ghāli tehi taba, sūta jatana karata bhayo ||
मुरछा बिगत भालु कपि, सब आये प्रभु पास ।
निसिचर सकल रावनहि, घेरि रहे अति-त्रास ॥
murachā bigata bhālu kapi, saba āye prabhu pāsa |
nisicara sakala rāvanahi, gheri rahe ati-trāsa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0