सुर ब्रह्मादि सिद्ध मुनि नाना । देखत रन नभ चढ़े बिमाना ॥
हमहूँ उमा रहे तेहि सङ्गा । देखत राम चरित रन रङ्गा ॥
sura brahmādi siddha muni nānā | dekhata rana nabha car̤he bimānā ||
hamahūm̐ umā rahe tehi saṅgā | dekhata rāma carita rana raṅgā ||
Lanka Kanda
Chapter 81: The great battle watched from the sky
7 verses · 81 of 121
What happens in this chapter
The great battle watched from the sky
Brahma, the devas, siddhas and munis watch the battle from their vimanas, and Bhagwan Shiva tells Uma: I too was there with them, watching Rama's deeds on the field. Both sides are drunk with battle, the monkeys sure of victory through Rama's strength. They challenge one another, tear open bellies, wrench off arms and dash enemies down. Bears bury rakshasas and heap sand on them. Like wrathful Death, the blood-streaked monkeys crush the host, and it looks as though the Lord of Prahlada were playing in many bodies on the field. Victory to Rama, who can turn grass into a thunderbolt and a thunderbolt into grass. Seeing his army break, Ravana, with twenty arms and ten bows, mounts his chariot and rides out shouting: turn back, turn back.
सुभट समर-रस दुहुँ दिसि माते । कपि-जयसील राम बल ताते ॥
एक एक सन भिरहिँ पचारहिं । एकन्ह एक मर्दि महि पारहिं ॥
subhaṭa samara-rasa duhum̐ disi māte | kapi-jayasīla rāma bala tāte ||
eka eka sana bhirahim̐ pacārahiṃ | ekanha eka mardi mahi pārahiṃ ||
मारहिँ काहि पाहि पछारहिं । सीस तोरि सीसन्ह सन मारहिँ ॥
उदर बिदारहिं भुजा उपारहिं । गहि पद अवनि पटकि भट डारहिं ॥
mārahim̐ kāhi pāhi pachārahiṃ | sīsa tori sīsanha sana mārahim̐ ||
udara bidārahiṃ bhujā upārahiṃ | gahi pada avani paṭaki bhaṭa ḍārahiṃ ||
निसिचर-पट महि गाड़हि भालू । ऊपर ढारि देहिँ बहु बालू ॥
बीर बलीमुख जुद्ध बिरुद्धे । देखिअत बिपुल काल जनु क्रुद्धे ॥
nisicara-paṭa mahi gār̤ahi bhālū | ūpara ḍhāri dehim̐ bahu bālū ||
bīra balīmukha juddha biruddhe | dekhiata bipula kāla janu kruddhe ||
क्रुद्धे कृतान्त समान कपि तनु, स्त्रवत सोनित राजहीं ।
मर्दहिं निसाचर-कटक भट बलवन्त घन जिमि गाजहीं ॥
मारहिँ चपेटन्हि डाटि दातन्ह, काटि लातन्ह-मीजहीं ।
चिक्करहिँ मर्कट-भालु छल-बल, करहिं जेहिं खल छीजहीं ॥
kruddhe kṛtānta samāna kapi tanu, stravata sonita rājahīṃ |
mardahiṃ nisācara-kaṭaka bhaṭa balavanta ghana jimi gājahīṃ ||
mārahim̐ capeṭanhi ḍāṭi dātanha, kāṭi lātanha-mījahīṃ |
cikkarahim̐ markaṭa-bhālu chala-bala, karahiṃ jehiṃ khala chījahīṃ ||
धरि गाल फारहिं उर बिदारहिं, गल अँतावरि मेलहीं ।
प्रहलाद-पति जनु बिबिध तनु धरि, समर-अङ्गन खेलहीं ॥
धरु मारु काटु पछारु घोर गिरा गगन महि भरि रही ।
जय राम जो तृन ते कुलिस कर कुलिस ते कर तृन सही ॥
dhari gāla phārahiṃ ura bidārahiṃ, gala am̐tāvari melahīṃ |
prahalāda-pati janu bibidha tanu dhari, samara-aṅgana khelahīṃ ||
dharu māru kāṭu pachāru ghora girā gagana mahi bhari rahī |
jaya rāma jo tṛna te kulisa kara kulisa te kara tṛna sahī ||
निज दल बिचलत देखेसि, बीस भुजाँ दस चाप ।
रथ चढ़ि चलेउ दसानन, फिरहु फिरहु करि दाप ॥
nija dala bicalata dekhesi, bīsa bhujām̐ dasa cāpa |
ratha car̤hi caleu dasānana, phirahu phirahu kari dāpa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0