महिष खाइ करि मदिरा पाना । गर्जा बज्राघात, समाना ॥
कुम्भकरन दुर्मद रन रङ्गा । चला दुर्ग तजि सेन न सङ्गा ॥
mahiṣa khāi kari madirā pānā | garjā bajrāghāta, samānā ||
kumbhakarana durmada rana raṅgā | calā durga taji sena na saṅgā ||
Lanka Kanda
Chapter 64: Vibhishana meets Kumbhakarna before the battle
6 verses · 64 of 121
What happens in this chapter
Vibhishana meets Kumbhakarna before the battle
Kumbhakarna eats the buffaloes, drinks the liquor and roars like a thunderbolt. Drunk with battle, he leaves the fort alone. Vibhishana comes forward, falls at his feet and tells his name. Kumbhakarna lifts and embraces him, glad to see a devotee of Rama. Vibhishana explains that Ravana kicked him for giving sound counsel, and in that shame he went to Rama, who received him kindly. Kumbhakarna answers: Ravana is in the grip of Death and will heed no advice now. Blessed are you, Vibhishana, ornament of the rakshasa race; by worshipping Rama you have brought honour to our family. Worship him without deceit in word, deed and mind. Go now. I am bound to Death and no longer know friend from foe.
देखि बिभीषन आगें आयउ । परेउ चरन निज नाम सुनायउ ॥
अनुज उठाइ हृदयँ तेहि लायो । रघुपति भगत जानि मन भावा ॥
dekhi bibhīṣana āgeṃ āyau | pareu carana nija nāma sunāyau ||
anuja uṭhāi hṛdayam̐ tehi lāyo | raghupati bhagata jāni mana bhāvā ||
तात लात रावन मोहि मारा । कहत परम-हित मन्त्र-बिचारा ॥
तेहिं गलानि रघुपति पहिँ आयउँ । देखि दीन प्रभु के मन भायउँ ॥
tāta lāta rāvana mohi mārā | kahata parama-hita mantra-bicārā ||
tehiṃ galāni raghupati pahim̐ āyaum̐ | dekhi dīna prabhu ke mana bhāyaum̐ ||
सुनु सुत भयउ कालबस रावन । सो कि मान अब परम सिखावन ॥
धन्य धन्य तें धन्य बिभीषन । भयहु तात निसिचर-कुल-भूषन ॥
sunu suta bhayau kālabasa rāvana | so ki māna aba parama sikhāvana ||
dhanya dhanya teṃ dhanya bibhīṣana | bhayahu tāta nisicara-kula-bhūṣana ||
बन्धु बंस ते कीन्ह उजागर । भजेहु राम सोभा-सुख-सागर ॥
bandhu baṃsa te kīnha ujāgara | bhajehu rāma sobhā-sukha-sāgara ||
बचन करम मन कपट तजि, भजेहु राम रनधीर ।
जाहु न निज पर सूझ मोहि, भयउँ कालबस बीर ॥
bacana karama mana kapaṭa taji, bhajehu rāma ranadhīra |
jāhu na nija para sūjha mohi, bhayaum̐ kālabasa bīra ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0