8 verses · 36 of 121
Mandodari says: give up this folly, husband; war with Raghupati does not suit you. You could not cross the small line Lakshmana drew. Will you beat one whose envoy crossed the sea in play, wrecked the grove, killed Akshaya before your eyes and burned the city? Do not think Raghupati a mere king; he is lord of all that moves and stands. Maricha knew his arrow, yet you ignored him. At Janaka's court he broke the bow and won Janaki; why did you not defeat him then? Indra's son knows his strength. You saw Shurpanakha's fate. He killed Viradha, Khara, Dushana and Kabandha, and Bali with one arrow.
कन्त समुझि मन तजहु कुमतिही । सोह न समर तुम्हहिँ रघुपतिही ॥
रामानुज लघु रेख खचाई । सोउ नहिँ नाघेहु असि मनुसाई ॥
kanta samujhi mana tajahu kumatihī | soha na samara tumhahim̐ raghupatihī ||
rāmānuja laghu rekha khacāī | sou nahim̐ nāghehu asi manusāī ||
पिय तुम्ह ताहि जितब संग्रामा । जाके दूत केर अस कामा ॥
कौतुक सिन्धु नाघी तब लङ्का । आयउ कपि-केहरी असङ्का ॥
piya tumha tāhi jitaba saṃgrāmā | jāke dūta kera asa kāmā ||
kautuka sindhu nāghī taba laṅkā | āyau kapi-keharī asaṅkā ||
रखवारे हति विपिन उजारा । देखत तोहि अच्छ तेहिं मारा ॥
जारि सकल पुर कीन्हेसि छारा । कहाँ रहा बल-गर्ब तुम्हारा ॥
rakhavāre hati vipina ujārā | dekhata tohi accha tehiṃ mārā ||
jāri sakala pura kīnhesi chārā | kahām̐ rahā bala-garba tumhārā ||
अब पति मृषा गाल जनि मारहु । मोर कहा कछु हृदयँ विचारहु ॥
पति रघुपतिहि नृपति जनि मानहु । अग-जग-नाथ अतुल-बल-जानहु ॥
aba pati mṛṣā gāla jani mārahu | mora kahā kachu hṛdayam̐ vicārahu ||
pati raghupatihi nṛpati jani mānahu | aga-jaga-nātha atula-bala-jānahu ||
बान प्रताप जान मारीचा । तासु कहा नहिं मानेहि नीचा ॥
जनक सभाँ अगनित भूपाला । रहे तुम्हउ बल अतुल बिसाला ॥
bāna pratāpa jāna mārīcā | tāsu kahā nahiṃ mānehi nīcā ||
janaka sabhām̐ aganita bhūpālā | rahe tumhau bala atula bisālā ||
भंजि धनुष जानकी बिआही । तब संग्राम जितेहु किन ताही ॥
सुरपति-सुत जानइ बल थोरा । राखा जियत आँखि गहि फोरा ॥
bhaṃji dhanuṣa jānakī biāhī | taba saṃgrāma jitehu kina tāhī ||
surapati-suta jānai bala thorā | rākhā jiyata ām̐khi gahi phorā ||
सूपनखा कै गति तुम्ह देखी । तदपि हृदयँ नहिँ लाज बिसेखी ॥
sūpanakhā kai gati tumha dekhī | tadapi hṛdayam̐ nahim̐ lāja bisekhī ||
बधि बिराध-खर-दूषनहि, लीला-हतेउ-कबन्ध ।
बालि एक सर मारयो, तेहि जानहु दसकंध ॥
badhi birādha-khara-dūṣanahi, līlā-hateu-kabandha |
bāli eka sara mārayo, tehi jānahu dasakaṃdha ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
