8 verses · 116 of 121
After Shambhu leaves, Vibhishana pleads: Lord, you have slain Ravana and shown endless grace to me, low-born as I am. Now sanctify my house, rest from the battle, give my treasures to the monkeys, and take me with you to Ayodhya. The Lord's eyes fill with tears. Brother, your treasury and house are mine, he says. But when I think of Bharata, each moment passes like an age. He wears an ascetic's dress, his body is thin, he repeats my name ceaselessly. Friend, find a way for me to see him soon; if I arrive after the term is over, I will not find him alive. Rule for a kalpa, he tells Vibhishana, remember me, and then reach my abode, where all saints go.
करि बिनती जय सम्भु सिधाये । तब प्रभु निकट बिभीषन आये ॥
नाइ चरन सिर कह मृदु-बानी । बिनय सुनहु प्रभु सारंग पानी ॥
kari binatī jaya sambhu sidhāye | taba prabhu nikaṭa bibhīṣana āye ||
nāi carana sira kaha mṛdu-bānī | binaya sunahu prabhu sāraṃga pānī ||
सकुल सदल प्रभु रावन मार्यो । पावन-जस त्रिभुवन बिस्तार्यो ॥
दीन मलीन हीन-मति-जाती । जो पर कृपा कीन्हि बहु भाँती ॥
sakula sadala prabhu rāvana māryo | pāvana-jasa tribhuvana bistāryo ||
dīna malīna hīna-mati-jātī | jo para kṛpā kīnhi bahu bhām̐tī ||
अब जन गृह पुनीत प्रभु कीजै । मज्जनु करिय समर-श्रम छीजे ॥
देखि कोस मन्दिर सम्पदा । देहु कृपाल कपिन्ह कह मुदा ॥
aba jana gṛha punīta prabhu kījai | majjanu kariya samara-śrama chīje ||
dekhi kosa mandira sampadā | dehu kṛpāla kapinha kaha mudā ||
सब विधि नाथ मोहि अपनाइअ । पुनि मोहि सहित अवधपुर जाइअ ॥
सुनत बचन मृदु दीनदयाला । सजल भये दोउ नयन बिसाला ॥
saba vidhi nātha mohi apanāia | puni mohi sahita avadhapura jāia ||
sunata bacana mṛdu dīnadayālā | sajala bhaye dou nayana bisālā ||
तोर कोस-गृह मोर सब, सत्य बचन सुनु भ्रात ।
भरत दसा सुमिरत मोहि, निमिष कल्प सम जात ॥
tora kosa-gṛha mora saba, satya bacana sunu bhrāta |
bharata dasā sumirata mohi, nimiṣa kalpa sama jāta ||
तापस बेष गात कृस, जपत निरन्तर मोहि ।
देखौं बेगि सो जतन करु, सखा निहोरउँ तोहि ॥
tāpasa beṣa gāta kṛsa, japata nirantara mohi |
dekhauṃ begi so jatana karu, sakhā nihoraum̐ tohi ||
बीतें अवधि जाउँ जौँ, जियत न पावउँ बीर ।
सुमिरत अनुज प्रीति प्रभु, पुनि पुनि पुलक सरीर ॥
bīteṃ avadhi jāum̐ jaum̐, jiyata na pāvaum̐ bīra |
sumirata anuja prīti prabhu, puni puni pulaka sarīra ||
करेहु कल्प भरि राम तुम्ह, मोहि सुमिरेहु मन माहिँ ।
पुनि मम धाम पाइहहु, जहाँ सन्त सब जाहिं ॥
karehu kalpa bhari rāma tumha, mohi sumirehu mana māhim̐ |
puni mama dhāma pāihahu, jahām̐ santa saba jāhiṃ ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
