6 verses · 113 of 121
Indra sings: victory to Rama, home of beauty, slayer of Khara and Dushana. You have killed this wicked one, and all the devas have their protector again. Proud of his strength, the lord of Lanka had subdued and harassed devas, munis and men; delighting in harming others, the sinner got his due. Now hear me, lotus-eyed friend of the lowly: I was full of pride and thought no one my equal; seeing your lotus feet, that pride and its sorrows are gone. Some meditate on the formless Brahman; I love the King of Kosala, Shri Rama with form. Dwell in my heart with Vaidehi and your brother; know me as your servant and give me bhakti. Now, merciful one, tell me what I may do.
जय राम सोभा-धाम । दायक प्रनत बिस्राम ।
धृत त्रोन बर सर चाप । भुजदंड प्रबल प्रताप ॥
जय दूषनारि खरारि । मर्दन-निसाचर-धारि ।
यह दुष्ट मारेउ नाथ । भये देव सकल सनाथ ॥
jaya rāma sobhā-dhāma | dāyaka pranata bisrāma |
dhṛta trona bara sara cāpa | bhujadaṃḍa prabala pratāpa ||
jaya dūṣanāri kharāri | mardana-nisācara-dhāri |
yaha duṣṭa māreu nātha | bhaye deva sakala sanātha ||
जय हरन धरनी भार । महिमा उदार अपार ।
जय रावनारि कृपाल । किए जातुधान बिहाल ॥
लंकेस अति बल गर्ब । किए बस्य सुर गंधर्ब ।
मुनि सिद्ध नर खग नाग । हठि पन्थ सब कें लाग ॥
jaya harana dharanī bhāra | mahimā udāra apāra |
jaya rāvanāri kṛpāla | kie jātudhāna bihāla ||
laṃkesa ati bala garba | kie basya sura gaṃdharba |
muni siddha nara khaga nāga | haṭhi pantha saba keṃ lāga ||
घर-द्रोह-रत अति दुष्ट । पायो से फल पापिष्ट ।
अब सुनहु दीन दयाल । राजीव नयन-बिसाल ॥
मोहि रहा अति अभिमान । नहिँ कोउ मोहि समान ।
अब देखि प्रभु-पद-कञ्ज । गत मान-प्रद-दुख-पुञ्ज ॥
ghara-droha-rata ati duṣṭa | pāyo se phala pāpiṣṭa |
aba sunahu dīna dayāla | rājīva nayana-bisāla ||
mohi rahā ati abhimāna | nahim̐ kou mohi samāna |
aba dekhi prabhu-pada-kañja | gata māna-prada-dukha-puñja ||
कोउ ब्रह्म निर्गुन ध्याव । अव्यक्त जेहि श्रुति गाव ।
मोहि भाव कोसल भूप । श्रीराम सगुन सरूप ॥
बैदेहि अनुज समेत । मम हृदयँ करहु निकेत ।
मोहि जानिये निज दास । दे भक्ति रमा-निवास ॥
kou brahma nirguna dhyāva | avyakta jehi śruti gāva |
mohi bhāva kosala bhūpa | śrīrāma saguna sarūpa ||
baidehi anuja sameta | mama hṛdayam̐ karahu niketa |
mohi jāniye nija dāsa | de bhakti ramā-nivāsa ||
दे भक्ति रमानिवास त्रास हरन सरन सुख दायकं ।
सुख-धाम राम नमामि काम अनेक छबि रघुनायकं ॥
सुर-वृन्द-रञ्जन द्वन्द भञ्जन, मनुज तनु अतुलितबलं ।
ब्रह्मादि सङ्कर सेब्य राम नमामि करुना-कोमलं ॥
de bhakti ramānivāsa trāsa harana sarana sukha dāyakaṃ |
sukha-dhāma rāma namāmi kāma aneka chabi raghunāyakaṃ ||
sura-vṛnda-rañjana dvanda bhañjana, manuja tanu atulitabalaṃ |
brahmādi saṅkara sebya rāma namāmi karunā-komalaṃ ||
अब करि कृपा बिलोकि मोहि, आयसु देहु कृपाल ।
काह करउँ सुनि प्रिय बचन, बोले दीनदयाल ॥
aba kari kṛpā biloki mohi, āyasu dehu kṛpāla |
kāha karaum̐ suni priya bacana, bole dīnadayāla ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
