नाथ बालि अरु मैं दोउ भाई । प्रीति रही कछु बरनि न जाई ॥
मय-सुत मायाबी तेहि नाऊँ । आवा सो प्रभु हमरें गाऊँ ॥
nātha bāli aru maiṃ dou bhāī | prīti rahī kachu barani na jāī ||
maya-suta māyābī tehi nāūm̐ | āvā so prabhu hamareṃ gāūm̐ ||
Kishkindha Kanda
Chapter 6: Sugriva's grievance and Rama's vow on Bali
8 verses · 6 of 30
What happens in this chapter
Sugriva's grievance and Rama's vow on Bali
Sugriva tells his story. Bali and I were brothers whose love was beyond words. At midnight the demon Mayavi roared at our gate and fled into a mountain cave, Bali and I behind him. Bali told me to wait a fortnight and then count him dead. I waited a month; then a heavy stream of blood flowed out. Thinking Bali slain, I blocked the cave with a rock and fled. The ministers forced the kingdom on me. Bali came home, took me for an enemy, beat me, and seized all I had and my wife. I wandered every world in fear; a curse keeps him off this hill. Rama's arms throb, and He vows to kill Bali with one arrow; refuge with Brahma or Rudra will not save him.
अर्ध राति पुर-द्वार पुकारा । बाली रिपु-बल सहै न पारा ॥
धावा बालि देखि सो भागा । मैं पुनि गयउँ बन्धु सँग लागा ॥
ardha rāti pura-dvāra pukārā | bālī ripu-bala sahai na pārā ||
dhāvā bāli dekhi so bhāgā | maiṃ puni gayaum̐ bandhu sam̐ga lāgā ||
गिरिबर-गुहाँ पैठ सो जाई । तब बालीं मोहि कहा बुझाई ॥
परिखेसु मोहि एक पखवारा । नहिं आवउँ तब जानेसु मारा ॥
giribara-guhām̐ paiṭha so jāī | taba bālīṃ mohi kahā bujhāī ||
parikhesu mohi eka pakhavārā | nahiṃ āvaum̐ taba jānesu mārā ||
मास दिवस तहँ रहेउँ खरारी । निसरी रुधिर धार तहँ भारी ॥
बालि हतेसि मोहि मारिहि आई । सिला देइ तहँ चलेउँ पराई ॥
māsa divasa taham̐ raheum̐ kharārī | nisarī rudhira dhāra taham̐ bhārī ||
bāli hatesi mohi mārihi āī | silā dei taham̐ caleum̐ parāī ||
मन्त्रिन्ह पुर देखा बिनु साईं । दीन्हेउ मोहि राज बरिआई ॥
बाली ताहि मारि गृह आवा । देखि मोहि जियँ भेद बढ़ावा ॥
mantrinha pura dekhā binu sāīṃ | dīnheu mohi rāja bariāī ||
bālī tāhi māri gṛha āvā | dekhi mohi jiyam̐ bheda bar̤hāvā ||
रिपु सम मोहि मारेसि अति भारी । हरि लीन्हेसि सर्वस अरु नारी ॥
ता के भय रघुबीर कृपाला । सकल भुवन मैं फिरेउँ बिहाला ॥
ripu sama mohi māresi ati bhārī | hari līnhesi sarvasa aru nārī ||
tā ke bhaya raghubīra kṛpālā | sakala bhuvana maiṃ phireum̐ bihālā ||
इहाँ साप बस आवत नाहीँ । तदपि सभीत रहउँ मन माहीं ॥
सुनि सेवक दुख दीनदयाला । फरकि उठीं द्वै भुजा बिसाला ॥
ihām̐ sāpa basa āvata nāhīm̐ | tadapi sabhīta rahaum̐ mana māhīṃ ||
suni sevaka dukha dīnadayālā | pharaki uṭhīṃ dvai bhujā bisālā ||
सुनु सुग्रीव मारिहउँ, बालिहि एकहिं बान ।
ब्रह्म-रुद्र सरनागत, गये न उबरिहिं प्रान ॥
sunu sugrīva mārihaum̐, bālihi ekahiṃ bāna |
brahma-rudra saranāgata, gaye na ubarihiṃ prāna ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0