अङ्गद कहइ जाउँ मैं पारा । जियँ संसय कछु फिरती बारा ॥
जामवन्त कह तुम्ह सब लायक । पठइअ किमि सब ही कर नायक ॥
aṅgada kahai jāum̐ maiṃ pārā | jiyam̐ saṃsaya kachu phiratī bārā ||
jāmavanta kaha tumha saba lāyaka | paṭhaia kimi saba hī kara nāyaka ||
Kishkindha Kanda
Chapter 30: Jambavan wakes Hanuman's strength
इति श्रीरामचरितमानसे सकल कलिकलुष विध्वंसने विशुद्ध सन्तोष सम्पादनो नाम चतुर्थः सोपानः समाप्तः ।
9 verses · 30 of 30
What happens in this chapter
Jambavan wakes Hanuman's strength
Angada offers to cross but doubts he could return, and Jambavan will not send the leader. He turns to Hanuman: why so silent, mighty one? Son of the Wind, your strength is the wind's; what is too hard for you? You were born for Rama's work. At once Hanuman swells to a mountain, golden and blazing. Roaring again and again, he says he could leap the ocean in play, kill Ravana and bring Trikuta here; but what should he do? Only see Sita and bring news, says Jambavan; lotus-eyed Rama will slay the rakshasas and bring her home. Tulsidas closes the fourth sopana: Raghunatha's glory heals worldly sorrow, and Shiva fulfils the wishes of all who hear it.
कहइ रीछपति सुनु हनुमाना । का चुप साधि रहेहु बलवाना ॥
पवन-तनय बल पवन समाना । बुधि-बिबेक-बिज्ञान-निधाना ॥
kahai rīchapati sunu hanumānā | kā cupa sādhi rahehu balavānā ||
pavana-tanaya bala pavana samānā | budhi-bibeka-bijñāna-nidhānā ||
कवन से काज कठिन जग माहीं । जो नहिँ होइ तात तुम्ह पाहीं ॥
राम-काज-लगि तव अवतारा । सुनतहिं भयउ पर्वताकारा ॥
kavana se kāja kaṭhina jaga māhīṃ | jo nahim̐ hoi tāta tumha pāhīṃ ||
rāma-kāja-lagi tava avatārā | sunatahiṃ bhayau parvatākārā ||
कनक-बरन-तन तेज बिराजा । मानहुँ अपर गिरिन्ह, कर राजा ॥
सिंहनाद करि बारहिँ-बारा । लीलहि नाषउँ जलधि खारा ॥
kanaka-barana-tana teja birājā | mānahum̐ apara girinha, kara rājā ||
siṃhanāda kari bārahim̐-bārā | līlahi nāṣaum̐ jaladhi khārā ||
सहित सहाय रावनहि मारी । आनउँ इहाँ त्रिकूट उपारी ॥
जामवन्त मैं पूछउँ तोही । उचित सिखावन दीजहु मोही ॥
sahita sahāya rāvanahi mārī | ānaum̐ ihām̐ trikūṭa upārī ||
jāmavanta maiṃ pūchaum̐ tohī | ucita sikhāvana dījahu mohī ||
एतना करहु तात तुम्ह जाई । सीतहि देखि कहहु सुधि आई ॥
तब निज-भुज-बल राजिव नैना । कौतुक लागि सङ्ग कपि-सेना ॥
etanā karahu tāta tumha jāī | sītahi dekhi kahahu sudhi āī ||
taba nija-bhuja-bala rājiva nainā | kautuka lāgi saṅga kapi-senā ||
कपि सेन सङ्ग सँघारि निसिचर, राम सीतहि आनिहैं ।
त्रैलोक पावन सुजस सुर मुनि, नारदादि बखानिहैं ॥
जो सुनत गावत कहत समुझत, परम पद नर पावई ।
रघुबीर पद पाथोज मधुकर, दास तुलसी गावई ॥
kapi sena saṅga sam̐ghāri nisicara, rāma sītahi ānihaiṃ |
trailoka pāvana sujasa sura muni, nāradādi bakhānihaiṃ ||
jo sunata gāvata kahata samujhata, parama pada nara pāvaī |
raghubīra pada pāthoja madhukara, dāsa tulasī gāvaī ||
भव-भेषज रघुनाथ-जस, सुनहिँ जे नर अरु नारि ।
तिन्ह कर सकल मनोरथ, सिद्ध करहिं त्रिसिरारि ॥
bhava-bheṣaja raghunātha-jasa, sunahim̐ je nara aru nāri |
tinha kara sakala manoratha, siddha karahiṃ trisirāri ||
नीलोत्पल-तन-स्याम, काम-कोटि-सोभा अधिक ।
सुनिय तासु गुन-ग्राम, जासु नाम अघ-खग-बधिक ॥
nīlotpala-tana-syāma, kāma-koṭi-sobhā adhika |
suniya tāsu guna-grāma, jāsu nāma agha-khaga-badhika ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0