सुनहु नील अङ्गद हनुमाना । जामवन्त मतिधीर सुजाना ॥
सकल सुभट मिलि दच्छिन जाहू । सीता सुधि पूँछेउ सब काहू ॥
sunahu nīla aṅgada hanumānā | jāmavanta matidhīra sujānā ||
sakala subhaṭa mili dacchina jāhū | sītā sudhi pūm̐cheu saba kāhū ||
Kishkindha Kanda
Chapter 23: The southern party; Rama's ring for Hanuman
8 verses · 23 of 30
What happens in this chapter
The southern party; Rama's ring for Hanuman
Sugriva sends his best southward: Nila, Angada, Hanuman and the wise, steady Jambavan. Ask all for news of Sita. Serve the sun with your back, fire with your chest, and the master with your whole being, without guile. The fruit of a human body is to drop every desire and worship Rama. They go, remembering Raghurai. Hanuman bows last; knowing the work will be his, Rama calls him close, touches his head with His lotus hand and gives him His signet ring. Comfort Sita, tell her of My strength and longing, and come back soon. The Lord knows all, yet keeps the ways of statecraft. Lost in Rama's work, the monkeys search rivers, lakes, hills and caves, forgetting their own bodies.
मन क्रम बचन सो जतन बिचारेहु । रामचन्द्र कर काज सँवारेहु ॥
भानु पीठि सेइअ उर आगी । स्वामिहि सर्व भाव छल त्यागी ॥
mana krama bacana so jatana bicārehu | rāmacandra kara kāja sam̐vārehu ||
bhānu pīṭhi seia ura āgī | svāmihi sarva bhāva chala tyāgī ||
तजि माया सेइअ परलोका । मिटहिं सकल भव-सम्भव-सोका ॥
देह धरे कर यह फल भाई । भजिअ राम सब काम बिहाई ॥
taji māyā seia paralokā | miṭahiṃ sakala bhava-sambhava-sokā ||
deha dhare kara yaha phala bhāī | bhajia rāma saba kāma bihāī ||
सोइ गुनज्ञ साई बड़ भागी । जो रघुबीर-चरन-अनुरागी ॥
आयसु माँगि चरन सिर नाई । चले हरषि सुमिरत रघुराई ॥
soi gunajña sāī bar̤a bhāgī | jo raghubīra-carana-anurāgī ||
āyasu mām̐gi carana sira nāī | cale haraṣi sumirata raghurāī ||
पाछें पवन-तनय सिर नावा । जानि काज प्रभु निकट बोलावा ॥
परसा सीस सरोरुह-पानी । कर-मुद्रिका दीन्हि जन जानी ॥
pācheṃ pavana-tanaya sira nāvā | jāni kāja prabhu nikaṭa bolāvā ||
parasā sīsa saroruha-pānī | kara-mudrikā dīnhi jana jānī ||
बहु प्रकार सीतहि समुझाएहु । कहि बल बिरह बेगि तुम्ह आएहु ॥
हनुमत जनम सुफल करि माना । चलेउ हृदयँ धरि कृपानिधाना ॥
bahu prakāra sītahi samujhāehu | kahi bala biraha begi tumha āehu ||
hanumata janama suphala kari mānā | caleu hṛdayam̐ dhari kṛpānidhānā ||
जद्यपि प्रभु जानत सब बाता । राजनीति राखत सुर-त्राता ॥
jadyapi prabhu jānata saba bātā | rājanīti rākhata sura-trātā ||
चले सकल बन खोजत, सरिता सर गिरि खोह ।
राम-काज लयलीन मन, बिसरा तन कर छोह ॥
cale sakala bana khojata, saritā sara giri khoha |
rāma-kāja layalīna mana, bisarā tana kara choha ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0