सुनत राम अति कोमल बानी । बालि सीस परसेउ निज पानी ॥
अचल करउँ तनु राखहु प्राना । बालि कहा सुनु कृपानिधाना ॥
sunata rāma ati komala bānī | bāli sīsa paraseu nija pānī ||
acala karaum̐ tanu rākhahu prānā | bāli kahā sunu kṛpānidhānā ||
Kishkindha Kanda
Chapter 10: Bali's prayer and his peaceful death
6 verses · 10 of 30
What happens in this chapter
Bali's prayer and his peaceful death
Moved, Shri Rama lays His hand on Bali's head and offers to keep him alive. Bali declines. Sages strive for lives and still cannot say Rama at the end; by that Name Shankara grants liberation to all in Kashi, and now He stands before my eyes. In a chhand he asks: who would cut down the wish-tree to fence an acacia? He begs one boon, that in whatever birth karma brings, he may love Rama's feet, and entrusts his son Angada, asking Rama to take him by the arm as His servant. With firm love for those feet Bali leaves his body, as an elephant never notices a garland slipping from its neck.
जनम जनम मुनि जतन कराहीँ । अन्त राम कहि आवत नाहीँ ॥
जासु नाम बल सङ्कर कासी । देत सबहि सम गति अबिनासी ॥
janama janama muni jatana karāhīm̐ | anta rāma kahi āvata nāhīm̐ ||
jāsu nāma bala saṅkara kāsī | deta sabahi sama gati abināsī ||
मम लोचन गोचर सोइ आवा । बहुरि कि प्रभु अस बनिहि बनावा ॥
mama locana gocara soi āvā | bahuri ki prabhu asa banihi banāvā ||
सो नयन गोचर जासु गुन नित, नेति कहि श्रुति गावहीं ।
जिति पवन मन गो निरस करि मुनि, ध्यान कबहुँक पावहीं ॥
मोहि जानि अति अभिमान बस, प्रभु कहेहु राखु सरीरही ।
अस कवन सठ हठि काटि सुरतरु, बारि करहि बबूरही ॥
so nayana gocara jāsu guna nita, neti kahi śruti gāvahīṃ |
jiti pavana mana go nirasa kari muni, dhyāna kabahum̐ka pāvahīṃ ||
mohi jāni ati abhimāna basa, prabhu kahehu rākhu sarīrahī |
asa kavana saṭha haṭhi kāṭi surataru, bāri karahi babūrahī ||
अब नाथ करि करुना बिलोकहु, देहु जो बर मागऊँ ।
जेहिं जोनि जन्मौं कर्म बस, तहँ राम-पद अनुरागऊँ ॥
यह तनय मम सम बिनय बल कल्यान प्रद प्रभु लीजिऐ ।
गहि बाहँ सुर-नर नाह आपन, दास अङ्गद कीजिऐ ॥
aba nātha kari karunā bilokahu, dehu jo bara māgaūm̐ |
jehiṃ joni janmauṃ karma basa, taham̐ rāma-pada anurāgaūm̐ ||
yaha tanaya mama sama binaya bala kalyāna prada prabhu lījiai |
gahi bāham̐ sura-nara nāha āpana, dāsa aṅgada kījiai ||
राम चरन दृढ़ प्रीति करि, बालि कीन्ह तनु त्याग ।
सुमन-माल जिमि कंठ तें, गिरत न जानइ नाग ॥
rāma carana dṛr̤ha prīti kari, bāli kīnha tanu tyāga |
sumana-māla jimi kaṃṭha teṃ, girata na jānai nāga ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0