देखि राम छबि अति अनुरागीं । प्रेम-विवस पुनि पुनि पद लागीँ ॥
रही न लाज प्रीति उर छाई । सहज सनेह बरनि किमि जाई ॥
dekhi rāma chabi ati anurāgīṃ | prema-vivasa puni puni pada lāgīm̐ ||
rahī na lāja prīti ura chāī | sahaja saneha barani kimi jāī ||
Bala Kanda
Chapter 336: Rama asks leave, Sunayana entrusts Sita
6 verses · 336 of 361
What happens in this chapter
Rama asks leave, Sunayana entrusts Sita
The queens, seeing Rama's beauty, fall at his feet again and again, love driving out all reserve. They bathe the brothers and feed them lovingly. Then Rama, seeing the moment, speaks in words full of courtesy, love and modesty: the king wishes to go to Ayodhya and has sent us to take leave; mother, give us your blessing gladly, and think of us always as your children. The women of the palace break down; the mothers cannot speak. They embrace their daughters and give them to their husbands. Sita's mother, with folded hands, gives Sita to Rama: you know everyone's heart; know Sita as dearer than life to all of us, and treat her as your own handmaid. You lack nothing, Rama, and you prize devotion.
भाइन्ह सहित उबटि अन्हवाये । छरस असन अति हेतु जेवाँए ॥
बोले राम सुअवसर जानी । सील-सनेह-सकुचमय बानी ॥
bhāinha sahita ubaṭi anhavāye | charasa asana ati hetu jevām̐e ||
bole rāma suavasara jānī | sīla-saneha-sakucamaya bānī ||
राउ अवधपुर चहत सिधाये । विदा होन हम इहाँ पठाये ॥
मातु मुदित-मन आयसु देहू । बालक जानि करब नित नेहू ॥
rāu avadhapura cahata sidhāye | vidā hona hama ihām̐ paṭhāye ||
mātu mudita-mana āyasu dehū | bālaka jāni karaba nita nehū ||
सुनत बचन बिलखेउ रनिवासू । बोलि न सकहिँ प्रेम-बस सासू ॥
हृदयँ लगाइ कुँअरि सब लीन्ही । पतिन्ह सौंपि बिनती अति कीन्ही ॥
sunata bacana bilakheu ranivāsū | boli na sakahim̐ prema-basa sāsū ||
hṛdayam̐ lagāi kum̐ari saba līnhī | patinha sauṃpi binatī ati kīnhī ||
करि बिनय सिय रामहि समरपी, जोरि कर पुनि पुनि कहै ।
बलि जाँउ तात सुजान तुम्ह कहँ, बिदित गति सब की अहै ॥
परिवार पुरजन मोहि राजहि, प्रान प्रिय सिय जानिबी ।
तुलसी सुसील सनेह लखि निज,-किङ्करी करि मानिबी ॥
kari binaya siya rāmahi samarapī, jori kara puni puni kahai |
bali jām̐u tāta sujāna tumha kaham̐, bidita gati saba kī ahai ||
parivāra purajana mohi rājahi, prāna priya siya jānibī |
tulasī susīla saneha lakhi nija,-kiṅkarī kari mānibī ||
तुम्ह परिपूरन-काम, जान-सिरोमनि भाव प्रिय ।
जन-गुन-गाहक राम, दोष-दलन करुनायतन ॥
tumha paripūrana-kāma, jāna-siromani bhāva priya |
jana-guna-gāhaka rāma, doṣa-dalana karunāyatana ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0