जनक-पाटमहिषी जग जानी । सीय मातु किमि जाइ बखानी ॥
सुजस सुकृत सुख सुन्दरताई । सब समेटि विधि रची बनाई ॥
janaka-pāṭamahiṣī jaga jānī | sīya mātu kimi jāi bakhānī ||
sujasa sukṛta sukha sundaratāī | saba sameṭi vidhi racī banāī ||
Bala Kanda
Chapter 324: Janaka washes Rama's feet, gives Sita
9 verses · 324 of 361
What happens in this chapter
Janaka washes Rama's feet, gives Sita
Sunayana, Janaka's chief queen, is called at the right moment and sits at his left like Mena beside Himavan. The king and queen set golden pitchers of fragrant water before Rama and, as the munis chant and flowers fall, begin to wash his feet, their bodies thrilling with love. Tulsidas names those feet: they live always in Shiva's heart, a single remembrance of them drives off the stain of Kali, their touch freed the sage's wife Ahalya, and their water Shiva bears on his head. All hail Janaka's fortune. The two family gurus recite the lineages, the hands are joined, and Janaka gives Sita to Rama as Himavan gave Girija to Mahesha and the Ocean gave Shri to Hari. After the homa the knot is tied and the circling begins.
समउ जानि मुनिबरन्ह बोलाई । सुनत सुआसिनि सादर ल्याई ॥
जनक बाम-दिसि सोह सुनयना । हिम-गिरि सङ्ग बनी जनु मयना ॥
samau jāni munibaranha bolāī | sunata suāsini sādara lyāī ||
janaka bāma-disi soha sunayanā | hima-giri saṅga banī janu mayanā ||
कनक-कलस मनि-कोपर रूरे । सुचि-सुगन्ध-मङ्गल-जल पूरे ॥
निज कर मुदित रायँ अरु रानी । धरे राम के आगें आनी ॥
kanaka-kalasa mani-kopara rūre | suci-sugandha-maṅgala-jala pūre ||
nija kara mudita rāyam̐ aru rānī | dhare rāma ke āgeṃ ānī ||
पढ़हिँ बेद मुनि मङ्गल बानी । गगन सुमन झरि अवसरु जानी ॥
बर बिलोकि दम्पति अनुरागे । पाय पुनीत पखारन लागे ॥
par̤hahim̐ beda muni maṅgala bānī | gagana sumana jhari avasaru jānī ||
bara biloki dampati anurāge | pāya punīta pakhārana lāge ||
लागे पखारन पाय-पङ्कज, प्रेम तनु पुलकावली ।
नभ नगर गान-निसान-जय धुनि, उमगि जनु चहुँ दिसि चली ॥
जे पद-सरोज मनोज अरि उर,-सर सदैव बिराजहीं ।
जे सकृत सुमिरत बिमलता मन, सकल कलि मल भाजहीं ॥
lāge pakhārana pāya-paṅkaja, prema tanu pulakāvalī |
nabha nagara gāna-nisāna-jaya dhuni, umagi janu cahum̐ disi calī ||
je pada-saroja manoja ari ura,-sara sadaiva birājahīṃ |
je sakṛta sumirata bimalatā mana, sakala kali mala bhājahīṃ ||
जे परसि मुनि-बनिता लही गति, रही जो पातक-मई ।
मकरन्द जिन्ह को सम्भु सिर सुचिता, अवधि सुर बरनई ॥
करि मधुप मन मुनि मन जोगि-जन जे, सेइ अभिमत गति लहैं ।
ते पद पखारत भाग्य-भाजन, जनक जय जय सब कहै ॥
je parasi muni-banitā lahī gati, rahī jo pātaka-maī |
makaranda jinha ko sambhu sira sucitā, avadhi sura baranaī ||
kari madhupa mana muni mana jogi-jana je, sei abhimata gati lahaiṃ |
te pada pakhārata bhāgya-bhājana, janaka jaya jaya saba kahai ||
बर-कुँअरि करतल जोरि साखोचारु दोउ कुलगुर करैं ।
भयो पानि-गहन बिलोकि बिधि-सुर-मनुज-मुनि आनँद भएँ ॥
सुख-मूल-दूलह देखि दम्पति, पुलक तनु हुलस्यो हियो ।
करि लोक-बेद-विधान कन्यादान नृप-भूषन किया ॥
bara-kum̐ari karatala jori sākhocāru dou kulagura karaiṃ |
bhayo pāni-gahana biloki bidhi-sura-manuja-muni ānam̐da bhaem̐ ||
sukha-mūla-dūlaha dekhi dampati, pulaka tanu hulasyo hiyo |
kari loka-beda-vidhāna kanyādāna nṛpa-bhūṣana kiyā ||
हिमवन्त जिमि गिरिजा महेसहि, हरिहि श्री सागर दई ।
तिमि जनक रामहि सिय समरपी, बिस्व कल कीरति नई ॥
क्यों करइ बिनय बिदेह कियो बिदेह मूरति सावँरी ।
करि होम बिधिवत गाँठि जोरी, होन लागी भावँरी ॥
himavanta jimi girijā mahesahi, harihi śrī sāgara daī |
timi janaka rāmahi siya samarapī, bisva kala kīrati naī ||
kyoṃ karai binaya bideha kiyo bideha mūrati sāvam̐rī |
kari homa bidhivata gām̐ṭhi jorī, hona lāgī bhāvam̐rī ||
जय-धुनि बन्दी-बेद-धुनि, मङ्गल-गान निसान ।
सुनि हरषहिँ बरषहिँ बिबुध, सुरतरु-सुमन सुजान ॥
jaya-dhuni bandī-beda-dhuni, maṅgala-gāna nisāna |
suni haraṣahim̐ baraṣahim̐ bibudha, surataru-sumana sujāna ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0