जेहिं बर बाजि राम असवारा । तेहि सारदउ न बरनइ पारा ॥
सङ्कर राम-रूप अनुरागे । नयन पञ्चदस अति प्रिय लागे ॥
jehiṃ bara bāji rāma asavārā | tehi sāradau na baranai pārā ||
saṅkara rāma-rūpa anurāge | nayana pañcadasa ati priya lāge ||
Bala Kanda
Chapter 317: Devas gaze at Rama, the queens prepare
6 verses · 317 of 361
What happens in this chapter
Devas gaze at Rama, the queens prepare
Not even Sharada can describe the horse Rama rides. The devas each count their eyes as their good fortune. Shankara, with fifteen eyes across his five faces, finds them dear. Vishnu and Lakshmi are charmed. Brahma rejoices, yet regrets he has only eight. Kartikeya, with twelve, has half again as many as Brahma, and Indra, with a thousand, now counts Gautama's curse a blessing. The other devas envy Indra. Drums sound on both sides, flowers rain down with cries of victory to the jewel of the Raghus. Knowing the wedding party is near, the queen calls the married women of the palace, and they set out with lamps for the welcoming rite of parachhan.
हरि हित सहित राम जब जोहे । रमा समेत रमापति मोहे ॥
निरखि राम छबि बिधि हरषाने । आठइ नयन जानि पछिताने ॥
hari hita sahita rāma jaba johe | ramā sameta ramāpati mohe ||
nirakhi rāma chabi bidhi haraṣāne | āṭhai nayana jāni pachitāne ||
सुर सेनप उर अधिक उछाहू । बिधि तैं डेवढ़ लोचन लाहू ॥
रामहि चितव सुरेस सुजाना । गौतम श्रापु परम हित माना ॥
sura senapa ura adhika uchāhū | bidhi taiṃ ḍevar̤ha locana lāhū ||
rāmahi citava suresa sujānā | gautama śrāpu parama hita mānā ||
देव सकल सुरपतिहि सिहाहीँ । आजु पुरन्दर सम कोउ नाहीं ॥
मुदित देव गन रामहि देखी । नृप समाज दुहुँ हरष बिसेखी ॥
deva sakala surapatihi sihāhīm̐ | āju purandara sama kou nāhīṃ ||
mudita deva gana rāmahi dekhī | nṛpa samāja duhum̐ haraṣa bisekhī ||
अति हरष राज-समाज दुहुँ दिसि, दुंदुभीं बाजहिं घनी ।
बरषहिँ सुमन सुर हरषि कहि जय, जयति जय रघुकुलमनी ॥
एहि भाँति जानि बरात आवत, बाजने बहु बाजहीं ।
रानी सुआसिनि बोलि परिछनि हेतु मङ्गल साजहीं ॥
ati haraṣa rāja-samāja duhum̐ disi, duṃdubhīṃ bājahiṃ ghanī |
baraṣahim̐ sumana sura haraṣi kahi jaya, jayati jaya raghukulamanī ||
ehi bhām̐ti jāni barāta āvata, bājane bahu bājahīṃ |
rānī suāsini boli parichani hetu maṅgala sājahīṃ ||
सजि आरती अनेक विधि, मङ्गल सकल सँवारि ।
चलीँ मुदित परिछनि करन, गज-गामिनि बर नारि ॥
saji āratī aneka vidhi, maṅgala sakala sam̐vāri |
calīm̐ mudita parichani karana, gaja-gāmini bara nāri ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0