मज्जन फल पेखिअ ततकाला । काक होहिं पिक बकउ मराला ॥
सुनि आचरज करइ जनि कोई । सत-सङ्गति-महिमा नहिँ गोई ॥
majjana phala pekhia tatakālā | kāka hohiṃ pika bakau marālā ||
suni ācaraja karai jani koī | sata-saṅgati-mahimā nahim̐ goī ||
Bala Kanda
Chapter 3: The power of satsang and the saints
8 verses · 3 of 361
What happens in this chapter
The power of satsang and the saints
The fruit of bathing in the saints' Prayag shows at once: crows become cuckoos and herons swans. Let no one wonder, Tulsidas says; Valmiki, Narada and Agastya told how it changed their own lives. Whatever wisdom, fame or welfare any creature has gained came by satsang, and neither world nor Veda knows another way. Without satsang there is no discernment, and without Rama's grace satsang is hard to find. The wicked are reformed by it as iron turns to gold at the touchstone, while the good in bad company keep their virtue like the gem on a serpent's hood. Even Brahma, Vishnu and Shiva falter in praising saints. The two dohas bow to the even-minded saints and ask them for love of Rama's feet.
बालमीक नारद घटजोनी । निज निज मुखनि कही निज होनी ॥
जलचर थलचर नभचर नाना । जे जड़-चेतन जीव जहाना ॥
bālamīka nārada ghaṭajonī | nija nija mukhani kahī nija honī ||
jalacara thalacara nabhacara nānā | je jar̤a-cetana jīva jahānā ||
मति कीरति गति भूति भलाई । जब जेहिं जतन जहाँ जेहिं पाई ॥
सो जानब सतसङ्ग प्रभाऊ । लोकहु बेद न आन उपाऊ ॥
mati kīrati gati bhūti bhalāī | jaba jehiṃ jatana jahām̐ jehiṃ pāī ||
so jānaba satasaṅga prabhāū | lokahu beda na āna upāū ||
बिनु सतसङ्ग बिबेक न होई । राम-कृपा-बिनु सुलभ न सोई ॥
सतसंगत मुद-मङ्गल मूला । सोइ फल सिधि सब साधन फूला ॥
binu satasaṅga bibeka na hoī | rāma-kṛpā-binu sulabha na soī ||
satasaṃgata muda-maṅgala mūlā | soi phala sidhi saba sādhana phūlā ||
सठ सुधरहिँ सतसङ्गति पाई । पारस परस कुधातु सुहाई ॥
विधि बस सुजन कुसङ्गति परहीं । फनि मनि सम निज गुन अनुसरहीँ ॥
saṭha sudharahim̐ satasaṅgati pāī | pārasa parasa kudhātu suhāī ||
vidhi basa sujana kusaṅgati parahīṃ | phani mani sama nija guna anusarahīm̐ ||
बिधि हरि हर कबि कोबिद बानी । कहत साधु-महिमा सकुचानी ॥
सो मो सन कहि जात न कैसें । साक-बनिक मनि-गुन गन-गुन जैसें ॥
bidhi hari hara kabi kobida bānī | kahata sādhu-mahimā sakucānī ||
so mo sana kahi jāta na kaiseṃ | sāka-banika mani-guna gana-guna jaiseṃ ||
बन्दउँ सन्त समान चित, हित अनहित नहिं कोउ ।
अञ्जलि-गत सुभ-सुमन जिमि, सम सुगन्ध कर दोउ ॥
bandaum̐ santa samāna cita, hita anahita nahiṃ kou |
añjali-gata subha-sumana jimi, sama sugandha kara dou ||
सन्त सरल चित जगत हित, जानि सुभाउ सनेहु ।
बाल बिनय सुनि सुरुचि लखि, राम-चरन-रति देहु ॥
santa sarala cita jagata hita, jāni subhāu sanehu |
bāla binaya suni suruci lakhi, rāma-carana-rati dehu ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0