काम कोटि छबि स्याम सरीरा । नील कञ्ज बारिद गम्भीरा ॥
अरुन चरन-पङ्कज नख जोती । कमल दलन्हि बैठे जनु मोती ॥
kāma koṭi chabi syāma sarīrā | nīla kañja bārida gambhīrā ||
aruna carana-paṅkaja nakha jotī | kamala dalanhi baiṭhe janu motī ||
Bala Kanda
Chapter 199: The beauty of the child Rama
7 verses · 199 of 361
What happens in this chapter
The beauty of the child Rama
The poet describes the child from foot to crown. His dark body holds the beauty of millions of Kamadevas. His rosy feet bear nails like pearls on lotus petals and the marks of thunderbolt, banner and goad, and His anklets enchant the munis. A girdle of bells, three folds on the belly, a deep navel; long arms with ornaments, a tiger-claw charm and gems on His chest. Two little teeth in each red lip, sweet lisping words, soft curls His mother dresses, a yellow frock, and crawling on knees and hands. Neither Veda nor Shesha can describe this form; only those who have seen it, even in dreams, know it.
रेख कुलिस ध्वज अङ्कुस सोहे । नूपुर धुनि सुनि मुनि मन मोहे ॥
कटि किङ्किनी उदर त्रय रेखा । नाभि गँभीर जान जेहि देखा ॥
rekha kulisa dhvaja aṅkusa sohe | nūpura dhuni suni muni mana mohe ||
kaṭi kiṅkinī udara traya rekhā | nābhi gam̐bhīra jāna jehi dekhā ||
भुज बिसाल भूषन जुत भूरी । हियँ हरि-नख अति सोभा रूरी ॥
उर मनि-हार-पदिक की सोभा । बिप्र-चरन देखत मन लोभा ॥
bhuja bisāla bhūṣana juta bhūrī | hiyam̐ hari-nakha ati sobhā rūrī ||
ura mani-hāra-padika kī sobhā | bipra-carana dekhata mana lobhā ||
कम्बु कंठ अति चिबुक सुहाई । आनन अमित मदन-छबि छाई ॥
दुइ दुइ दसन अधर अरुनारे । नासा तिलक को बरनइ पारे ॥
kambu kaṃṭha ati cibuka suhāī | ānana amita madana-chabi chāī ||
dui dui dasana adhara arunāre | nāsā tilaka ko baranai pāre ||
सुन्दर स्रवन सुचारु कपोला । अति प्रिय मधुर तोतरे बोला ॥
चिक्कन कच कुञ्चित गभुआरे । बहु प्रकार रचि मातु सँवारे ॥
sundara sravana sucāru kapolā | ati priya madhura totare bolā ||
cikkana kaca kuñcita gabhuāre | bahu prakāra raci mātu sam̐vāre ||
पीत झगुलिआ तनु पहिराई । जानु-पानि विचरनि मोहि भाई ॥
रूप सकहिँ नहिँ कहि स्रुति सेखा । सो जानहिँ सपनेहुँ जिन्ह देखा ॥
pīta jhaguliā tanu pahirāī | jānu-pāni vicarani mohi bhāī ||
rūpa sakahim̐ nahim̐ kahi sruti sekhā | so jānahim̐ sapanehum̐ jinha dekhā ||
सुख सन्दोह मोह पर, ज्ञान-गिरा-गोतीत ।
दम्पति परम प्रेम-बस, कर सिसु चरित पुनीत ॥
sukha sandoha moha para, jñāna-girā-gotīta |
dampati parama prema-basa, kara sisu carita punīta ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0