5 verses · 192 of 361
These four chhands are the famous hymn of the birth. The compassionate Lord appears for Kausalya's good. She gazes in joy at His wondrous form: dark as a rain-cloud, lovely eyes, four arms bearing His weapons, the vanamala on His chest. With joined palms she asks how she can praise the Infinite, beyond maya and the gunas, on each of whose hairs hang countless worlds, yet who lay in her womb. The Lord smiles and tells her the earlier katha so she may love Him as a son. Her mind turns; she asks Him to leave this form and play as a child, and He at once cries like a newborn.
भये प्रगट कृपाला, दीनदयाला, कौसल्या-हितकारी ।
हरषित महँतारी, मुनि-मन-हारी, अदभुत रूप बिचारी ॥
लोचन अभिरामा, तनु-घनस्यामा, निज आयुध भुज चारी ।
भूषन बनमाला, नयन बिसाला, सोभा-सिन्धु खरारी ॥
bhaye pragaṭa kṛpālā, dīnadayālā, kausalyā-hitakārī |
haraṣita maham̐tārī, muni-mana-hārī, adabhuta rūpa bicārī ||
locana abhirāmā, tanu-ghanasyāmā, nija āyudha bhuja cārī |
bhūṣana banamālā, nayana bisālā, sobhā-sindhu kharārī ||
कह दुइ कर जोरी, अस्तुति तोरी, केहि बिधि करउँ अनन्ता ।
माया-गुन-ज्ञाना,-तीत अमाना, बेद पुरान भनन्ता ॥
करुना-सुख-सागर, सब गुन आगर, जेहि गावहिँ स्त्रुति सन्ता ।
सो मम-हित-लागी, जन-अनुरागी, भयउ प्रगट श्रीकन्ता ॥
kaha dui kara jorī, astuti torī, kehi bidhi karaum̐ anantā |
māyā-guna-jñānā,-tīta amānā, beda purāna bhanantā ||
karunā-sukha-sāgara, saba guna āgara, jehi gāvahim̐ struti santā |
so mama-hita-lāgī, jana-anurāgī, bhayau pragaṭa śrīkantā ||
ब्रह्मांड निकाया, निर्मित-माया, रोम रोम प्रति, बेद कहै ।
मम उर सो बासी, यह उपहासी, सुनत धीर मति, थिर न रहै ॥
उपजा जब ज्ञाना, प्रभु मुसकाना, चरित बहुत बिधि, कीन्ह चहै ।
कहि कथा सुहाई, मातु बुझाई, जेहि प्रकार सुत, प्रेम लहै ॥
brahmāṃḍa nikāyā, nirmita-māyā, roma roma prati, beda kahai |
mama ura so bāsī, yaha upahāsī, sunata dhīra mati, thira na rahai ||
upajā jaba jñānā, prabhu musakānā, carita bahuta bidhi, kīnha cahai |
kahi kathā suhāī, mātu bujhāī, jehi prakāra suta, prema lahai ||
माता पुनि बोली, सो मति डौली, तजहु तात यह रूपा ।
कीजिय सिसुलीला, अति प्रिय-सोला, यह सुख परम अनूपा ॥
सुनि बचन सुजाना, रोदन ठाना, होइ बालक सुर-भूपा ।
यह चरित जे गावहिँ, हरि पद पावहिँ, ते न परहिँ भव-कूपा ॥
mātā puni bolī, so mati ḍaulī, tajahu tāta yaha rūpā |
kījiya sisulīlā, ati priya-solā, yaha sukha parama anūpā ||
suni bacana sujānā, rodana ṭhānā, hoi bālaka sura-bhūpā |
yaha carita je gāvahim̐, hari pada pāvahim̐, te na parahim̐ bhava-kūpā ||
बिप्र-धेनु-सुर-सन्त हित, लीन्ह मनुज-अवतार ।
निज-इच्छा निर्मित-तनु, माया-गुन-गो पार ॥
bipra-dhenu-sura-santa hita, līnha manuja-avatāra |
nija-icchā nirmita-tanu, māyā-guna-go pāra ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
