5 verses · 186 of 361
This group is Brahma's hymn in chhand metre, sung for the frightened devas and the Earth. Victory to the Lord of the devas, protector of those who bow, friend of cows and Brahmanas, slayer of asuras, beloved of Lakshmi; no one knows the secret of Your deeds. Victory to the imperishable one who lives in every heart, free of maya, on whom sages meditate day and night. You made the threefold creation with no helper; we know neither bhakti nor worship, so take our care upon Yourself. Even Sharada, the Vedas and Shesha cannot know You; melt for us, Lord who loves the humble. Hearing this prayer, a deep voice speaks from the sky that removes grief and doubt.
जय जय सुर-नायक, जन सुख-दायक, प्रनतपाल भगवन्ता ।
गो-द्विज-हितकारी, जय असुरारी, सिन्धु-सुता प्रिय कन्ता ॥
पालन सुर धरनी, अदभुत-करनी, मरम न जानइ कोई ।
जो सहज कृपाला, दीनदयाला, करहु अनुग्रह सोई ॥
jaya jaya sura-nāyaka, jana sukha-dāyaka, pranatapāla bhagavantā |
go-dvija-hitakārī, jaya asurārī, sindhu-sutā priya kantā ||
pālana sura dharanī, adabhuta-karanī, marama na jānai koī |
jo sahaja kṛpālā, dīnadayālā, karahu anugraha soī ||
जय जय अबिनासी, सन घट बासी, व्यापक परमानन्दा ।
अबिगत गोतीतं, चरित पुनीतं, मायारहित मुकुंदा ॥
जेहि लागि बिरागी, अति अनुरागी, बिगतमोह मुनिवृन्दा ।
निसि बासर ध्यावहिँ, गुन गन गावहिँ, जयति सच्चिदानन्दा ॥
jaya jaya abināsī, sana ghaṭa bāsī, vyāpaka paramānandā |
abigata gotītaṃ, carita punītaṃ, māyārahita mukuṃdā ||
jehi lāgi birāgī, ati anurāgī, bigatamoha munivṛndā |
nisi bāsara dhyāvahim̐, guna gana gāvahim̐, jayati saccidānandā ||
जेहिं सृष्टि उपाई, त्रिबिधि बनाई, सङ्ग सहाय न दूजा ।
सो करउ अघारी, चिन्त हमारी, जानिय भगति न पूजा ॥
जो भव-भय भज्जन, मुनि-मन रञ्जन, गञ्जन बिपति बरूथा ।
मन बच क्रम बानी, छाड़ि सयानी, सरन सकल-सुर-जूथा ॥
jehiṃ sṛṣṭi upāī, tribidhi banāī, saṅga sahāya na dūjā |
so karau aghārī, cinta hamārī, jāniya bhagati na pūjā ||
jo bhava-bhaya bhajjana, muni-mana rañjana, gañjana bipati barūthā |
mana baca krama bānī, chār̤i sayānī, sarana sakala-sura-jūthā ||
सारद स्त्रुति सेषा, रिषय असेषा, जा कहँ कोउ नहिँ जाना ।
जेहि दीन पिआरे, बेद पुकारे, द्रवउ सो श्रीभगवाना ॥
भव-बारिधि-मन्दर, सब निधि सुन्दर, गुनमंदिर सुखपुंजा ।
मुनि सिद्ध सकल सुर, परम भयातुर, नमत नाथ-पद-कञ्जा ॥
sārada struti seṣā, riṣaya aseṣā, jā kaham̐ kou nahim̐ jānā |
jehi dīna piāre, beda pukāre, dravau so śrībhagavānā ||
bhava-bāridhi-mandara, saba nidhi sundara, gunamaṃdira sukhapuṃjā |
muni siddha sakala sura, parama bhayātura, namata nātha-pada-kañjā ||
जानि सभय सुर-भूमि सुनि, बचन समेत सनेह ।
गगन-गिरा गम्भीर भइ, हरनि सोक-सन्देह ॥
jāni sabhaya sura-bhūmi suni, bacana sameta saneha |
gagana-girā gambhīra bhai, harani soka-sandeha ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
