5 verses · 96 of 326
Rama tells Sumantra he is dear as a father and begs him to do all he can so the king does not suffer on their account. Hearing this, the Nishada and his people are distraught. Lakshmana then speaks some bitter words; the Lord checks him, knowing them improper, and makes Sumantra swear not to repeat them. Sumantra gives the king's further message: Sita cannot bear the forest's hardships. Raghubara and you must find a way to bring her back, or I will be left without support and will not live, like a fish without water. At her father's or her in-laws' home there is every comfort; she may stay wherever she wishes until the trouble passes.
तुम्ह पुनि पितु सम अति हित मेरे । बिनती करउँ तात कर जोरें ॥
सब विधि सोइ करतव्य तुम्हारें । दुख न पाव पितु सोच हमारें ॥
tumha puni pitu sama ati hita mere | binatī karaum̐ tāta kara joreṃ ||
saba vidhi soi karatavya tumhāreṃ | dukha na pāva pitu soca hamāreṃ ||
सुनि रघुनाथ सचिव संबादू । भयउ सपरिजन विकल निषादू ॥
पुनि कछु लखन कही कटु बानी । प्रभु बरजे बड़ अनुचित जानी ॥
suni raghunātha saciva saṃbādū | bhayau saparijana vikala niṣādū ||
puni kachu lakhana kahī kaṭu bānī | prabhu baraje bar̤a anucita jānī ||
सकुचि राम निज सपथ देवाई । लखन सँदेस कहिय जनि जाई ॥
कह सुमन्त्र पुनि भूप सँदेसू । सहि न सकिहि सिय बिपिन कलेसू ॥
sakuci rāma nija sapatha devāī | lakhana sam̐desa kahiya jani jāī ||
kaha sumantra puni bhūpa sam̐desū | sahi na sakihi siya bipina kalesū ||
जेहि बिधि अवध आव फिरि सीया । सोइ रघुबरहि तुम्हहिँ करनीया ॥
नतरु निपट अवलम्ब बिहीना । मैं न जिअब जिमि जल बिनु मीना ॥
jehi bidhi avadha āva phiri sīyā | soi raghubarahi tumhahim̐ karanīyā ||
nataru nipaṭa avalamba bihīnā | maiṃ na jiaba jimi jala binu mīnā ||
मइकें ससरें सकल सुख, जबहिँ जहाँ मन मान ।
तह तब रहिहि सुखेन सिय, जब लगि बिपति-बिहान ॥
maikeṃ sasareṃ sakala sukha, jabahim̐ jahām̐ mana māna |
taha taba rahihi sukhena siya, jaba lagi bipati-bihāna ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
