5 verses · 80 of 326
Coming out, Shri Rama stands at Vasishtha's door and sees the people scorched by the fire of parting. He comforts them all with loving words and calls the Brahmanas. Through the guru he grants them a year's provisions. He satisfies those who ask with gifts and respect, and pleases his true friends with pure love. Then he calls the maids and servants, entrusts them to the guru, and says with joined palms: lord, care for them all as a father and mother would. Again and again, palms joined, he tells everyone gently that whoever keeps the king happy does him the greatest good. You citizens are most able; find a way that none of my mothers is broken by grief at my absence.
निकसि बसिष्ठ द्वार भये ठाढ़े । देखे लोग बिरह दव दाढ़े ॥
कहि प्रिय बचन सकल समुझाये । विप्र-बृन्द रघुबीर बोलाये ॥
nikasi basiṣṭha dvāra bhaye ṭhār̤he | dekhe loga biraha dava dār̤he ||
kahi priya bacana sakala samujhāye | vipra-bṛnda raghubīra bolāye ||
गुरु सन कहि बरषासन दीन्हे । आदर-दान-बिनय बस कीन्हे ॥
जाचक दान मान सन्तोषे । मीत पुनीत प्रेम परितोषे ॥
guru sana kahi baraṣāsana dīnhe | ādara-dāna-binaya basa kīnhe ||
jācaka dāna māna santoṣe | mīta punīta prema paritoṣe ||
दासीं दास बोलाइ बहोरी । गुरुहि सौंपि बोले कर जोरी ॥
सब के सार सँभार गोसाँई । करबि जनक-जननी की नाई ॥
dāsīṃ dāsa bolāi bahorī | guruhi sauṃpi bole kara jorī ||
saba ke sāra sam̐bhāra gosām̐ī | karabi janaka-jananī kī nāī ||
बारहिँ बार जोरि जुग पानी । कहत राम सब सन मृदु बानी ॥
सोइ सब भाँति मोर हितकारी । जेहि तेँ रहइ भुआल सुखारी ॥
bārahim̐ bāra jori juga pānī | kahata rāma saba sana mṛdu bānī ||
soi saba bhām̐ti mora hitakārī | jehi tem̐ rahai bhuāla sukhārī ||
मातु सकल मोरे बिरहँ, जेहिं न होहिं दुख दीन ।
सोइ उपाउ तुम्ह करेहु सब, पुर जन परम प्रबीन ॥
mātu sakala more biraham̐, jehiṃ na hohiṃ dukha dīna |
soi upāu tumha karehu saba, pura jana parama prabīna ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
