अस बिचारि उर छाड़हु कोहू । सोक कलङ्क कोठि जनि होहू ॥
भरतहि अवसि देहु जुबराजू । कानन काह राम कर काजू ॥
asa bicāri ura chār̤ahu kohū | soka kalaṅka koṭhi jani hohū ||
bharatahi avasi dehu jubarājū | kānana kāha rāma kara kājū ||
Ayodhya Kanda
Chapter 50: Wise counsel falls on deaf ears
6 verses · 50 of 326
What happens in this chapter
Wise counsel falls on deaf ears
The women go on: give up your anger and do not become a storehouse of grief and infamy. Give Bharata the crown, but what business has Rama in the forest? He does not hunger for a kingdom; he bears the yoke of dharma and has no taste for pleasures. Let him live at the guru's house; ask that as your second boon. If you will not heed us, nothing will come into your hands. If this was a jest, say so openly. What will people say of you? Turn Rama back, for Avadh without him is a day without the sun, a body without breath, a night without the moon. Their advice was sweet and wholesome, but Kaikeyi, schooled by the crooked hunchback Manthara, paid it no heed.
नाहिँ न राम राज के भूखे । धरम-धुरीन, विषय-रस रूखे ॥
गुरु गृह बसहुँ राम तजि गेहू । नृप सन अस बर दूसर लेहू ॥
nāhim̐ na rāma rāja ke bhūkhe | dharama-dhurīna, viṣaya-rasa rūkhe ||
guru gṛha basahum̐ rāma taji gehū | nṛpa sana asa bara dūsara lehū ||
जौँ नहिँ लगिहहु कहें हमारे । नहिँ लागिहि कछु हाथ तुम्हारे ॥
जौँ परिहास कीन्हि कछु होई । तो कहि प्रगट जनावहु सोई ॥
jaum̐ nahim̐ lagihahu kaheṃ hamāre | nahim̐ lāgihi kachu hātha tumhāre ||
jaum̐ parihāsa kīnhi kachu hoī | to kahi pragaṭa janāvahu soī ||
राम सरिस सुत कानन जोगू । काह कहिहि सुनि तुम्ह कहँ लोगू ॥
उठहु बेगि सोइ करहु उपाई । जेहि बिधि सोक-कलंक नसाई ॥
rāma sarisa suta kānana jogū | kāha kahihi suni tumha kaham̐ logū ||
uṭhahu begi soi karahu upāī | jehi bidhi soka-kalaṃka nasāī ||
जेहि भाँति सोक कलङ्क जाइ, उपाय करि कुल पालही ।
हठि फेरु रामहिँ जात बन, जनि बात दूसरि चालही ॥
जिमि भानु बिनु दिनु प्रान बिनु तनु चन्द बिनु, जिमि जामिनी ।
तिमि अवध तुलसीदास-प्रभु बिनु, समुझि धौँ जियँ भामिनी ॥
jehi bhām̐ti soka kalaṅka jāi, upāya kari kula pālahī |
haṭhi pheru rāmahim̐ jāta bana, jani bāta dūsari cālahī ||
jimi bhānu binu dinu prāna binu tanu canda binu, jimi jāminī |
timi avadha tulasīdāsa-prabhu binu, samujhi dhaum̐ jiyam̐ bhāminī ||
सखिन्ह सिखावन दीन्ह, सुनत मधुर परिनाम हित ।
तेइँ कछु कान न कीन्ह, कुटिल प्रबोधी कूबरी ॥
sakhinha sikhāvana dīnha, sunata madhura parināma hita |
teim̐ kachu kāna na kīnha, kuṭila prabodhī kūbarī ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0