आनहु रामहि बेगि बोलाई । समाचार तब पूँछेहु आई ॥
चलेउ सुमन्त्र राय रुख जानी । लखी कुचालि कीन्हि कछु रानी ॥
ānahu rāmahi begi bolāī | samācāra taba pūm̐chehu āī ||
caleu sumantra rāya rukha jānī | lakhī kucāli kīnhi kachu rānī ||
Ayodhya Kanda
Chapter 39: Sumantra brings Rama to his father
5 verses · 39 of 326
What happens in this chapter
Sumantra brings Rama to his father
Bring Rama here quickly, says Kaikeyi; then ask for the news. Reading the king's look, Sumantra goes, sensing that the queen has done some evil. Distraught, he can barely walk. Steadying himself he reaches the door, where everyone, seeing him downcast, questions him. He calms them all and goes to Rama, the tilak of the solar line. Rama sees Sumantra coming and honours him as he would his father. Looking at his face, Sumantra gives the king's command and leads the lamp of the Raghus away. People everywhere grieve to see Rama walking in such a manner with the minister. Arriving, the jewel of the Raghu line sees the king in utter distress, like an old elephant king cowering before a lioness.
सोच बिकल मग परइ न पाऊ । रामहिं बोलि कहहिं का राऊ ॥
उर धरि धीरज गयउ दुआरें । पूछँहिं सकल देखि मन मारें ॥
soca bikala maga parai na pāū | rāmahiṃ boli kahahiṃ kā rāū ||
ura dhari dhīraja gayau duāreṃ | pūcham̐hiṃ sakala dekhi mana māreṃ ||
समाधान करि सो सबही का । गयउ जहाँ दिन-कर-कुल टीका ॥
राम सुमन्त्रहि आवत देखा । आदर कीन्ह पिता सम लेखा ॥
samādhāna kari so sabahī kā | gayau jahām̐ dina-kara-kula ṭīkā ||
rāma sumantrahi āvata dekhā | ādara kīnha pitā sama lekhā ||
निरखि बदन कहि भूप-रजाई । रघुकुल-दीपहि चलेउ लेवाई ॥
राम कुभाँति सचिव सँग जाहीं । देखि लोग जहँ तहँ बिलखाहीं ॥
nirakhi badana kahi bhūpa-rajāī | raghukula-dīpahi caleu levāī ||
rāma kubhām̐ti saciva sam̐ga jāhīṃ | dekhi loga jaham̐ taham̐ bilakhāhīṃ ||
जाइ दीख रघुबंस-मनि, नरपति निपट कुसाज ।
सहमि परेउ लखि सिंघिनिहि, मनहुँ बृद्ध गजराज ॥
jāi dīkha raghubaṃsa-mani, narapati nipaṭa kusāja |
sahami pareu lakhi siṃghinihi, manahum̐ bṛddha gajarāja ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0