5 verses · 30 of 326
The king grieves silently, and seeing it the evil-minded queen grows angry. Is Bharata not your son? Did you buy me at a price? If my words strike you like arrows, why did you not speak with care? Answer: yes or no. You are the keeper of truth in the Raghu line. You promised the boons; now do not give them, abandon truth and take the world's disgrace. You praised truth and offered boons, thinking I would ask for a handful of parched grain! Shibi, Dadhichi and Bali gave up body and wealth to keep their word. Kaikeyi's bitter words are like salt on a burn. Holding firm, the upholder of dharma opens his eyes, beats his head, and sighs: she has struck me in a mortal place.
एहि बिधि राउ मनहिँ मन झाँखा । देखि कुभाँति कुमति मन माखा ॥
भरत कि राउर पूत न होहीँ । आनेहु मोल बेसाहि कि मोहीँ ॥
ehi bidhi rāu manahim̐ mana jhām̐khā | dekhi kubhām̐ti kumati mana mākhā ||
bharata ki rāura pūta na hohīm̐ | ānehu mola besāhi ki mohīm̐ ||
जो सुनि सर अस लाग तुम्हारें । काहे न बोलहु बचन सँभारे ॥
देहु उत्तर अरू करहु कि नाहीँ । सत्य सन्ध तुम्ह रघुकुल माहीँ ॥
jo suni sara asa lāga tumhāreṃ | kāhe na bolahu bacana sam̐bhāre ||
dehu uttara arū karahu ki nāhīm̐ | satya sandha tumha raghukula māhīm̐ ||
देन कहेहु अब जनि बरु देहू । तजहु सत्य जग अपजस लेहू ॥
सत्य सराहि कहेहु बर देना । जानेहु लेइहि माँगि चबेना ॥
dena kahehu aba jani baru dehū | tajahu satya jaga apajasa lehū ||
satya sarāhi kahehu bara denā | jānehu leihi mām̐gi cabenā ||
सिबि दधीचि बलि जो कछु भाखा । तनु धन तजेउ बचन पन राखा ॥
अति कटु-बचन कहति कैकेई । मानहुँ लोन जरे पर देई ॥
sibi dadhīci bali jo kachu bhākhā | tanu dhana tajeu bacana pana rākhā ||
ati kaṭu-bacana kahati kaikeī | mānahum̐ lona jare para deī ||
धरम-धुरन्धर धीर धरि, नयन उघारे रायँ ।
सिर धुनि लीन्हि उसास असि, मारेसि मोहि कुठायँ ॥
dharama-dhurandhara dhīra dhari, nayana ughāre rāyam̐ |
sira dhuni līnhi usāsa asi, māresi mohi kuṭhāyam̐ ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
