तुम्ह प्रिय पाहुने बन पग धारे । सेवा जोग न भाग हमारे ॥
देव काह हम तुम्हहिँ गोसाँई । ईधन पात किरात मिताई ॥
tumha priya pāhune bana paga dhāre | sevā joga na bhāga hamāre ||
deva kāha hama tumhahim̐ gosām̐ī | īdhana pāta kirāta mitāī ||
Ayodhya Kanda
Chapter 251: The forest folk's humble words win Ayodhya's love
6 verses · 251 of 326
What happens in this chapter
The forest folk's humble words win Ayodhya's love
The forest folk go on. You are dear guests come to the forest; we are not fit to serve you. What can we give, master? Firewood, leaves and a Kirata's friendship. Our greatest service is that we do not steal your pots and clothes. We are dull, crooked folk who kill living things and sin day and night. How could we dream of dharma? This is the power of seeing Raghunandana. Since we saw the Lord's feet, our sorrows and faults are gone. The townsfolk are moved and praise their luck. Tulsidas says, by Rama's grace a gourd carries iron across. Every day the people roam the forest gladly, like frogs and peacocks plumped by the first rains.
यह हमारि अति बड़ि सेवकाई । लेहिं न बासन बसन चोराई ॥
हम जड़-जीव जीव-गन-घाती । कुटिल कुचाली कुमति कुजाती ॥
yaha hamāri ati bar̤i sevakāī | lehiṃ na bāsana basana corāī ||
hama jar̤a-jīva jīva-gana-ghātī | kuṭila kucālī kumati kujātī ||
पाप करत निसि-बासर जाहीँ । नहिँ पट कटि नहिँ पेट अघाहीं ॥
सपोनेहुँ धरम-बुद्धि कस काऊ । यह रघुनन्दन-दरस प्रभाऊ ॥
pāpa karata nisi-bāsara jāhīm̐ | nahim̐ paṭa kaṭi nahim̐ peṭa aghāhīṃ ||
saponehum̐ dharama-buddhi kasa kāū | yaha raghunandana-darasa prabhāū ||
जब तें प्रभु-पद-पदुम निहारे । मिटे दुसह-दुख-दोष हमारे ॥
बचन सुनत पुरजन अनुरागे । तिन्ह के भाग सराहन लागे ॥
jaba teṃ prabhu-pada-paduma nihāre | miṭe dusaha-dukha-doṣa hamāre ||
bacana sunata purajana anurāge | tinha ke bhāga sarāhana lāge ||
लागे सराहन भाग सब अनुराग बचन सुनावहीँ ।
बोलनि मिलनि सिय-राम-चरन सनेह लखि सुख पावहीँ ॥
नर-नारि निदरहिँ-नेह निज सुनि, कोल-भिल्लनि की गिरा ।
तुलसी कृपा रघुबंस-मनि की, लोह लै लौका तिरा ॥
lāge sarāhana bhāga saba anurāga bacana sunāvahīm̐ |
bolani milani siya-rāma-carana saneha lakhi sukha pāvahīm̐ ||
nara-nāri nidarahim̐-neha nija suni, kola-bhillani kī girā |
tulasī kṛpā raghubaṃsa-mani kī, loha lai laukā tirā ||
बिहरहिँ बन चहुँ ओर, प्रतिदिन प्रमुदित लोग सब ।
जल ज्योँ दादुर मोर, भये पीन पावस प्रथम ॥
biharahim̐ bana cahum̐ ora, pratidina pramudita loga saba |
jala jyom̐ dādura mora, bhaye pīna pāvasa prathama ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0