कोपभवन सुनि सकुचेउ राऊ । भय-बस अगहुड़ परइ न पाऊ ॥
सुरपति बसइ बाँह-चल जाके । नरपति सकल रहहिँ रुख ताकें ॥
kopabhavana suni sakuceu rāū | bhaya-basa agahur̤a parai na pāū ||
surapati basai bām̐ha-cala jāke | narapati sakala rahahim̐ rukha tākeṃ ||
Ayodhya Kanda
Chapter 25: Dasharatha finds Kaikeyi in anger
6 verses · 25 of 326
What happens in this chapter
Dasharatha finds Kaikeyi in anger
Hearing she is in the chamber of anger, the king shrinks; his feet falter. He on whose arm Indra relies, whose look all kings watch, dries up at a woman's anger: such is Kama's power, whose flower arrows fell those who withstood thunderbolt and sword. He finds her lying on the floor in a coarse old cloth, ornaments flung off, as if foretelling widowhood. When he asks gently why she is angry, she pushes his hand away and glares like an enraged she-serpent, her two desires a forked tongue, the boons her fangs, seeking the vital spot. Driven by destiny, he takes it for love's play and begs her again and again to tell him the cause.
सो सुनि तिय रिस गयउ सुखाई । देखहु काम प्रताप बड़ाई ॥
सूल कुलिस असि अंगवनिहारे । ते रतिनाथ सुमन-सर मारे ॥
so suni tiya risa gayau sukhāī | dekhahu kāma pratāpa bar̤āī ||
sūla kulisa asi aṃgavanihāre | te ratinātha sumana-sara māre ||
सभय नरेस प्रिया पहिँ गयऊ । देखि दसा दुख दारुन भयऊ ॥
भूमि-सयन पट मोट पुराना । दिये डारि तन भूषन नाना ॥
sabhaya naresa priyā pahim̐ gayaū | dekhi dasā dukha dāruna bhayaū ||
bhūmi-sayana paṭa moṭa purānā | diye ḍāri tana bhūṣana nānā ||
कुमतिहि कसि कुबेषता फाबी । अन-अहिवात सूच जनु भाबी ॥
जाइ निकट नृप कह मृदु बानी । प्रान-प्रिया केहि हेतु रिसानी ॥
kumatihi kasi kubeṣatā phābī | ana-ahivāta sūca janu bhābī ||
jāi nikaṭa nṛpa kaha mṛdu bānī | prāna-priyā kehi hetu risānī ||
केहि हेतु रानि रिसानि परसत, पानि पतिहि नेवारई ।
मानहुँ सरोष भुअङ्ग-भामिनि, बिषम भाँति निहारई ॥
दोउ बासना-रसना दसन बर, मरम ठाहर देखई ।
तुलसी नृपति भवतब्यता-बस, काम-कौतुक लेखई ॥
kehi hetu rāni risāni parasata, pāni patihi nevāraī |
mānahum̐ saroṣa bhuaṅga-bhāmini, biṣama bhām̐ti nihāraī ||
dou bāsanā-rasanā dasana bara, marama ṭhāhara dekhaī |
tulasī nṛpati bhavatabyatā-basa, kāma-kautuka lekhaī ||
बार बार कह राउ, सुमुखि सुलोचिनि पिकबचनि ।
कारन मोहि सुनाउ, गज-गामिनि निज कोप कर ॥
bāra bāra kaha rāu, sumukhi sulocini pikabacani |
kārana mohi sunāu, gaja-gāmini nija kopa kara ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0