6 verses · 226 of 326
Slowed by love, the company covers only two kos by sunset and camps. At Chitrakoot, before dawn, Sita tells a dream: Bharata has come with all the people, burning with separation, all grieving, and her mothers-in-law looked changed. Rama, who frees others from grief, is grieved himself. Lakshmana says the dream bodes ill; someone will bring hard news. Rama bathes, worships Shiva and honours the sages. As they sit facing north, dust fills the sky and birds and deer flee. Rama wonders at the cause. Then Kols and Kiratas bring the full news, and hearing it Rama thrills, his lotus eyes brimming with tears of love.
सकल सनेह सिथिल रघुबर कें । गये कोस दुइ दिनकर ढरकें ॥
जल थल देखि बसे निसि बीतें । कीन्ह गवन रघुनाथ पिरीतें ॥
sakala saneha sithila raghubara keṃ | gaye kosa dui dinakara ḍharakeṃ ||
jala thala dekhi base nisi bīteṃ | kīnha gavana raghunātha pirīteṃ ||
उहाँ राम रजनी-अवसेखा । जागे सीयँ सपन अस देखा ॥
सहित समाज भरत जनु आये । नाथ बियोग ताप तन ताये ॥
uhām̐ rāma rajanī-avasekhā | jāge sīyam̐ sapana asa dekhā ||
sahita samāja bharata janu āye | nātha biyoga tāpa tana tāye ||
सकल मलिन मन दीन दुखारी । देखीं सासु आन अनुहारी ॥
सुनि सिय सपन भरे जल लोचन । भये सोच-बस सोच-विमोचन ॥
sakala malina mana dīna dukhārī | dekhīṃ sāsu āna anuhārī ||
suni siya sapana bhare jala locana | bhaye soca-basa soca-vimocana ||
लखन सपन यह नीक न होई । कठिन कुचाह सुनाइहि कोई ॥
अस कहि बन्धु समेत नहाने । पूजि पुरारि साधु सनमाने ॥
lakhana sapana yaha nīka na hoī | kaṭhina kucāha sunāihi koī ||
asa kahi bandhu sameta nahāne | pūji purāri sādhu sanamāne ||
सनमानि सुर मुनि-बन्दि बैठे, उत्तर दिसि देखत भये ।
नभ धूरि खग मृग भूरि भागे, बिकल प्रभु आश्रम गये ॥
तुलसी उठे अवलोकि कारन, काह चित सचकित रहे ।
सब समाचार किरात कोलन्हि, आइ तेहि अवसर कहे ॥
sanamāni sura muni-bandi baiṭhe, uttara disi dekhata bhaye |
nabha dhūri khaga mṛga bhūri bhāge, bikala prabhu āśrama gaye ||
tulasī uṭhe avaloki kārana, kāha cita sacakita rahe |
saba samācāra kirāta kolanhi, āi tehi avasara kahe ||
सुनत सुमङ्गल बैन, मन-प्रमोद तन-पुलक-भर ।
सरद सरोरुह नैन, तुलसी भरे सनेह-जल ॥
sunata sumaṅgala baina, mana-pramoda tana-pulaka-bhara |
sarada saroruha naina, tulasī bhare saneha-jala ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
