5 verses · 195 of 326
No wonder in this, for it has gone on age after age; whom has Raghubir not raised to greatness? Bharata meets Rama's friend with love and asks after his welfare. Shyness, affection and joy swell in him, and he stands gazing at Bharata unblinking. Then, steadying himself, he bows at Bharata's feet again and pleads with joined palms. Having seen the lotus feet that are the root of all welfare, I count myself well in all three times. Now by your supreme grace, lord, my line for ten million generations is blessed. Knowing my deeds and my birth, and seeing the Lord's greatness, whoever does not worship Raghubir's feet is cheated by fate.
नहिँ अचरज जुग जुग चलि आई । केहि न दीन्हि रघुबीर बड़ाई ॥
राम-नाम महिमा सुर कहहीॅ । सुनि सुनि अवधलोग सुखु लहहीं ॥
nahim̐ acaraja juga juga cali āī | kehi na dīnhi raghubīra bar̤āī ||
rāma-nāma mahimā sura kahahīॅ | suni suni avadhaloga sukhu lahahīṃ ||
रामसखहि मिलि भरत सप्रेमा । पूछी कुसल सुमङ्गल खेमा ॥
देखि भरत कर सील-सनेहू । भा निषाद तेहि समय विदेहू ॥
rāmasakhahi mili bharata sapremā | pūchī kusala sumaṅgala khemā ||
dekhi bharata kara sīla-sanehū | bhā niṣāda tehi samaya videhū ||
सकुच सनेह मोदु मन बाढ़ा । भरतहि चितवत एकटक ठाढ़ा ॥
धरि धीरज पद बन्दि बहोरी । बिनय सप्रेम करत कर जोरी ॥
sakuca saneha modu mana bār̤hā | bharatahi citavata ekaṭaka ṭhār̤hā ||
dhari dhīraja pada bandi bahorī | binaya saprema karata kara jorī ||
कुसल-मूल पद-पङ्कज पेखी । मैं तिहुँ-काल कुसल निज लेखी ॥
अब प्रभु परम-अनुग्रह तोरें । सहित कोटि-कुल-मङ्गल मोरें ॥
kusala-mūla pada-paṅkaja pekhī | maiṃ tihum̐-kāla kusala nija lekhī ||
aba prabhu parama-anugraha toreṃ | sahita koṭi-kula-maṅgala moreṃ ||
समुझि मोरि करतूति कुल, प्रभु महिमा जियँ जोइ ।
जो न भजइ रघुबीर-पद, जग बिधि बञ्चित सोइ ॥
samujhi mori karatūti kula, prabhu mahimā jiyam̐ joi |
jo na bhajai raghubīra-pada, jaga bidhi bañcita soi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
