चक्क चक्कि जिमि पुर-नर-नारी । चहत प्रात उर आरत भारी ॥
जागत सब निसि भयउ बिहाना । भरत बोलाये सचिव सुजाना ॥
cakka cakki jimi pura-nara-nārī | cahata prāta ura ārata bhārī ||
jāgata saba nisi bhayau bihānā | bharata bolāye saciva sujānā ||
Ayodhya Kanda
Chapter 187: The procession sets out for Chitrakoot
5 verses · 187 of 326
What happens in this chapter
The procession sets out for Chitrakoot
Like the chakwa and chakwi birds longing for daybreak, the people of the city wait anxiously for morning. Bharata calls the wise ministers and says: take all the things for the coronation; in the forest the sage will give the kingdom to Rama. The ministers bow and at once ready horses, chariots and elephants. First the great sage sets out by chariot with Arundhati and the sacred fires. Hosts of Brahmins, treasuries of tapas, follow on many carriages. The citizens prepare their vehicles and set out for Chitrakoot. The queens go in palanquins too fine to describe. Handing the city to faithful servants and sending everyone ahead with respect, the two brothers Bharata and Shatrughna set out, remembering the feet of Rama and Sita.
कहेउ लेहु सब तिलक-समाजू । बनहिं देव मुनि रामहिं राजू ॥
बेगि चलहु सुनि सचिव जोहारे । तुरत तुरग रथ नाग सँवारे ॥
kaheu lehu saba tilaka-samājū | banahiṃ deva muni rāmahiṃ rājū ||
begi calahu suni saciva johāre | turata turaga ratha nāga sam̐vāre ||
अरुन्धती अरु अगिनि समाऊ । रथ चढ़ि चले प्रथम मुनिराऊ ॥
बिप्र बृन्द चढ़ि बाहन नाना । चले सकल तप तेज निधाना ॥
arundhatī aru agini samāū | ratha car̤hi cale prathama munirāū ||
bipra bṛnda car̤hi bāhana nānā | cale sakala tapa teja nidhānā ||
नगर लोग सब सजि सजि जाना । चित्रकूट कहँ कीन्ह पयाना ॥
सिबिका सुभग न जाहिँ बखानी । चढ़ि चढ़ि चलत भई सब रानी ॥
nagara loga saba saji saji jānā | citrakūṭa kaham̐ kīnha payānā ||
sibikā subhaga na jāhim̐ bakhānī | car̤hi car̤hi calata bhaī saba rānī ||
सौंपि नगर सुचि सेवकनि, सादर सबहि चलाइ ।
सुमिरि राम सिय चरन तब, चले भरत दोउ भाइ ॥
sauṃpi nagara suci sevakani, sādara sabahi calāi |
sumiri rāma siya carana taba, cale bharata dou bhāi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0