एक कलस भरि आनहिँ पानी । अँचइअ नाथ कहहिँ मृदु बानी ॥
सुनि प्रिय बचन प्रीति अति देखी । राम कृपाल सुसील बिसेषी ॥
eka kalasa bhari ānahim̐ pānī | am̐caia nātha kahahim̐ mṛdu bānī ||
suni priya bacana prīti ati dekhī | rāma kṛpāla susīla biseṣī ||
Ayodhya Kanda
Chapter 115: Rest under the banyan; the brothers' beauty
5 verses · 115 of 326
What happens in this chapter
Rest under the banyan; the brothers' beauty
Someone brings a pitcher of water and says gently: sip, lord. Hearing these kind words and seeing such love, gracious Rama, knowing in his heart that Sita is tired, rests a while in the banyan's shade. Men and women joyfully look on, their eyes and minds captivated by his matchless form. They stand all around with unblinking gaze, like chakora birds before the moon of Ramachandra's face. His body has the hue of a young tamala tree, enchanting a million Kamadevas. Lakshmana, the colour of lightning, is lovely from head to toe. Both wear munis' bark cloth with quivers tied at the waist, bow and arrows in their lotus hands, crowns of matted hair, broad chests, arms and eyes, faces like the autumn full moon, sparkling with beads of sweat.
जानी श्रमित सीय मन माहीं । घरिक बिलम्ब कीन्ह बट-छाहीं ॥
मुदित नारि नर देखहिँ सोभा । रूप अनूप नयन मन लोभा ॥
jānī śramita sīya mana māhīṃ | gharika bilamba kīnha baṭa-chāhīṃ ||
mudita nāri nara dekhahim̐ sobhā | rūpa anūpa nayana mana lobhā ||
एकटक-टक सोहहिं चहुँ ओरा । रामचन्द्र-मुख-चन्द चकोरा ॥
तरुन-तमाल-बरन तनु सोहा । देखत कोटि मदन मन मोहा ॥
ekaṭaka-ṭaka sohahiṃ cahum̐ orā | rāmacandra-mukha-canda cakorā ||
taruna-tamāla-barana tanu sohā | dekhata koṭi madana mana mohā ||
दामिनि-बरन लखन सुठि नीके । नख सिख सुभग भावते जी के ॥
मुनि-पट कटिन्ह कसें तूनीरा । सोहहिं कर-कमलिनि धनु तीरा ॥
dāmini-barana lakhana suṭhi nīke | nakha sikha subhaga bhāvate jī ke ||
muni-paṭa kaṭinha kaseṃ tūnīrā | sohahiṃ kara-kamalini dhanu tīrā ||
जटा मुकुट सीसनि सुभग, उर-भुज-नयन-बिसाल ।
सरद-परब-बिधु-बदन बर, लसत स्वेद-कन-जाल ॥
jaṭā mukuṭa sīsani subhaga, ura-bhuja-nayana-bisāla |
sarada-paraba-bidhu-badana bara, lasata sveda-kana-jāla ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0