जासु बियोग बिकल पसु ऐसे । प्रजा मातु पितु जीहहिँ कैसें ॥
बरबस राम सुमन्त्र पठाये । सुरसरि-तीर आपु तब आये ॥
jāsu biyoga bikala pasu aise | prajā mātu pitu jīhahim̐ kaiseṃ ||
barabasa rāma sumantra paṭhāye | surasari-tīra āpu taba āye ||
Ayodhya Kanda
Chapter 100: The boatman will first wash Rama's feet
6 verses · 100 of 326
What happens in this chapter
The boatman will first wash Rama's feet
If beasts grieve so, how will his people and parents live? Rama sends Sumantra back and comes to the Ganga. He asks for the boat, but the boatman will not bring it. I know your secret, he says: there is some herb in the dust of your feet that turns things into people. A rock became a lovely woman at its touch, and wood is no harder than stone. My boat may become a sage's wife and fly off, and it feeds my family. If you must cross, let me wash your lotus feet. I want no fare, I swear by you and Dasharatha; let Lakshmana shoot me, but I will not ferry you first. Hearing his loving, odd words, the Lord smiles and glances at Janaki and Lakshmana.
मागी नाव न केवट आना । कहइ तुम्हार मरम में जाना ॥
चरन कमल रज कहुँ सब कहई । मानुष-करनि मूरि-कछु अहई ॥
māgī nāva na kevaṭa ānā | kahai tumhāra marama meṃ jānā ||
carana kamala raja kahum̐ saba kahaī | mānuṣa-karani mūri-kachu ahaī ||
छुअत सिला भइ नारि सुहाई । पाहन तेँ न काठ कठिनाई ॥
तरनिउँ मुनि घरिनि होइ जाई । बाट परइ मोरि नाव उड़ाई ॥
chuata silā bhai nāri suhāī | pāhana tem̐ na kāṭha kaṭhināī ||
taranium̐ muni gharini hoi jāī | bāṭa parai mori nāva ur̤āī ||
एहिं प्रतिपालउँ सब परिवारू । नहिं जानउँ कछु अउर कबारू ॥
जौ प्रभु पार अवसि गा चहहू । मोहि पद-पदुम पखारन कहहू ॥
ehiṃ pratipālaum̐ saba parivārū | nahiṃ jānaum̐ kachu aura kabārū ||
jau prabhu pāra avasi gā cahahū | mohi pada-paduma pakhārana kahahū ||
पद-कमल धोइ चढाइ नाव न, नाथ उतराई चहौं ।
मोहि राम राउरि-आन दसरथ, सपथ सब साँची कहाँ ॥
बरु तीर मारहुँ लखन पै जब, लगि न पाय पखारिहौँ ।
तब लगि न तुलसीदास-नाथ, कृपाल पार उतारिहौं ॥
pada-kamala dhoi caḍhāi nāva na, nātha utarāī cahauṃ |
mohi rāma rāuri-āna dasaratha, sapatha saba sām̐cī kahām̐ ||
baru tīra mārahum̐ lakhana pai jaba, lagi na pāya pakhārihaum̐ |
taba lagi na tulasīdāsa-nātha, kṛpāla pāra utārihauṃ ||
सुनि केवट के बैन, प्रेम लपेटे अटपटे ।
बिहसे करुनाऐन, चितइ जानकी लखन-तन ॥
suni kevaṭa ke baina, prema lapeṭe aṭapaṭe |
bihase karunāaina, citai jānakī lakhana-tana ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0