बिटप-बिसाल लता अरुझानी । बिबिध बितान दिये जनु तानी ॥
कदलि ताल घर धुजा पताका । देखि न मोह धीर मन जाका ॥
biṭapa-bisāla latā arujhānī | bibidha bitāna diye janu tānī ||
kadali tāla ghara dhujā patākā | dekhi na moha dhīra mana jākā ||
Aranya Kanda
Chapter 38: Kama's army and the three great foes
8 verses · 38 of 46
What happens in this chapter
Kama's army and the three great foes
Rama pictures the spring forest as Kamadeva's camp. Great trees hung with creepers are his canopies; plantain and palm his flags. Trees in many-coloured bloom are archers in their uniforms; the cuckoos are rutting elephants, peacocks and parrots his horses. Waterfalls are his kettledrums and the cool, slow, fragrant breeze his envoy. With this fourfold army he roams as if issuing a challenge. Lakshmana, those who stay steady before Kama's host keep their good name in the world. His greatest strength is woman; whoever escapes her is the true warrior. Three foes are mighty above all, lust, anger and greed, which stir even a sage's mind in an instant. Greed's strength is desire and pride, lust's is woman alone, anger's is harsh speech.
बिबिध भाँति फूले तरु नाना । जनु बानैत बने बहु बाना ॥
कहुँ कहुँ सुन्दर बिटप सुहाये । जनु भट बिलग बिलग होइ छाये ॥
bibidha bhām̐ti phūle taru nānā | janu bānaita bane bahu bānā ||
kahum̐ kahum̐ sundara biṭapa suhāye | janu bhaṭa bilaga bilaga hoi chāye ||
कूजत पिक मानहुँ गज माते । ढेक महोख ऊँट बिसराते ॥
मोर-चकोर-कीर बर बाजी । पारावत मराल सब ताजी ॥
kūjata pika mānahum̐ gaja māte | ḍheka mahokha ūm̐ṭa bisarāte ||
mora-cakora-kīra bara bājī | pārāvata marāla saba tājī ||
तीतिर लावक पदचर जूथा । बरनि न जाइ मनोज बरूथा ॥
रथ गिरि सिला दुन्दुभी झरना । चातक बन्दी गुन-गन बरना ॥
tītira lāvaka padacara jūthā | barani na jāi manoja barūthā ||
ratha giri silā dundubhī jharanā | cātaka bandī guna-gana baranā ||
मधुकर-मुखर भेरि सहनाई । त्रिबिध बयारि बसीठीं आई ॥
चतुरङ्गिनी सेन सँग लीन्हें । बिचरत मनहुँ चुनौती दीन्हें ॥
madhukara-mukhara bheri sahanāī | tribidha bayāri basīṭhīṃ āī ||
caturaṅginī sena sam̐ga līnheṃ | bicarata manahum̐ cunautī dīnheṃ ||
लछिमन देखत काम अनीका । रहहिँ धीर तिन्ह कै जग लीका ॥
एहि कें एक परम-बल नारी । तेहि तैं उबर सुभट सोइ भारी ॥
lachimana dekhata kāma anīkā | rahahim̐ dhīra tinha kai jaga līkā ||
ehi keṃ eka parama-bala nārī | tehi taiṃ ubara subhaṭa soi bhārī ||
तात तीनि अति प्रबल खल, काम क्रोध अरु लोभ ।
मुनि बिग्यान-धाम मन, करहिं निमिष महँ छोभ ॥
tāta tīni ati prabala khala, kāma krodha aru lobha |
muni bigyāna-dhāma mana, karahiṃ nimiṣa maham̐ chobha ||
लोभ कें इच्छा दम्भ बल, काम कें केवल नारि ।
क्रोध के परुष-बचन बल, मुनिबर कहहिँ बिचारि ॥
lobha keṃ icchā dambha bala, kāma keṃ kevala nāri |
krodha ke paruṣa-bacana bala, munibara kahahim̐ bicāri ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0