6 verses · 26 of 46
Go home and think of your clan's welfare, says Maricha. Ravana flares up and curses him: who in the world is a warrior like me? Maricha reckons in his heart that opposing nine kinds of people brings no good, such as an armed man, a master or one who knows your secrets. He sees death either way and so takes refuge in Raghunayak: if I answer, this wretch will kill me; why not die by Rama's arrow? He goes with Ravana, his love for Rama's feet unbroken, hiding his joy: today I will see my dearest. Hari, whose very anger gives nirvana, will fit an arrow and slay me. He will chase me, and I will turn again and again to see him. None is as blessed as I.
जाहु भवन कुल कुसल बिचारी । सुनत जरा दीन्हिसि बहु गारी ॥
गुरु जिमि मूढ़ करसि मम बोधा । कहु जग मोहि समान को जोधा ॥
jāhu bhavana kula kusala bicārī | sunata jarā dīnhisi bahu gārī ||
guru jimi mūr̤ha karasi mama bodhā | kahu jaga mohi samāna ko jodhā ||
तब मारीच हृदयँ अनुमाना । नवहि बिरोधें नहिँ कल्याना ॥
सस्त्री मर्मी प्रभु सठ धनी । बैद बन्दि कवि भानस-गुनी ॥
taba mārīca hṛdayam̐ anumānā | navahi birodheṃ nahim̐ kalyānā ||
sastrī marmī prabhu saṭha dhanī | baida bandi kavi bhānasa-gunī ||
उभय भाँति देखा निज मरना । तब ताकिसि रघुनायक सरना ॥
उत्तर देत मोहि बधब अभागें । कस न मरौं रघुपति-सर लागें ॥
ubhaya bhām̐ti dekhā nija maranā | taba tākisi raghunāyaka saranā ||
uttara deta mohi badhaba abhāgeṃ | kasa na marauṃ raghupati-sara lāgeṃ ||
अस जियँ जानि दसानन सङ्गा । चला राम-पद-प्रेम अभंगा ॥
मन अति हरष जनाव न तेही । आजु देखिहउँ परम सनेही ॥
asa jiyam̐ jāni dasānana saṅgā | calā rāma-pada-prema abhaṃgā ||
mana ati haraṣa janāva na tehī | āju dekhihaum̐ parama sanehī ||
निज परम प्रीतम देखि लोचन, सुफल करि सुख पाइहौं ।
श्री सहित अनुज समेत कृपानिकेत-पद मन लाइहौँ ॥
निर्बान-दायक क्रोध जा कर, भगति अबसहि बस करी ।
निज पानि सर सन्धानि सो मोहि, बधिहि सुखसागर हरी ॥
nija parama prītama dekhi locana, suphala kari sukha pāihauṃ |
śrī sahita anuja sameta kṛpāniketa-pada mana lāihaum̐ ||
nirbāna-dāyaka krodha jā kara, bhagati abasahi basa karī |
nija pāni sara sandhāni so mohi, badhihi sukhasāgara harī ||
मम पाछें धर धावत धरें सरासन बान ।
फिरि फिरि प्रभुहि बिलोकिहउँ, धन्य न मो सम आन ॥
mama pācheṃ dhara dhāvata dhareṃ sarāsana bāna |
phiri phiri prabhuhi bilokihaum̐, dhanya na mo sama āna ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
