सुनत सभासद उठे अकुलाई । समुझाई गहि बाहँ उठाई ॥
कह लङ्केस कहसि किन बाता । केइ तब नासा कान निपाता ॥
sunata sabhāsada uṭhe akulāī | samujhāī gahi bāham̐ uṭhāī ||
kaha laṅkesa kahasi kina bātā | kei taba nāsā kāna nipātā ||
Aranya Kanda
Chapter 22: Ravana hears of Rama and loses sleep
7 verses · 22 of 46
What happens in this chapter
Ravana hears of Rama and loses sleep
The courtiers rise in alarm and lift her by the arm. Ravana asks: who cut your nose and ears? She answers: the sons of Dasharatha, king of Avadh, lions among men, have come to the forest as if to play. I understand their purpose: they will rid the earth of rakshasas. They look like boys but are like Kala, matchless archers. The elder is named Rama, a home of beauty, and with him is a young woman, a hundred million Ratis are nothing beside her. His brother cut my ears and nose when he heard I was your sister. Hearing that Khara, Dushana and Trishira are slain, Ravana burns in every limb, comforts her, and goes home unable to sleep.
अवध-नृपति-दसरथ के जाये । पुरुष सिंघ बन खेलन आये ॥
समुझि परी मोहि उन्ह कै करनी । रहित निसाचर करिहहिँ धरनी ॥
avadha-nṛpati-dasaratha ke jāye | puruṣa siṃgha bana khelana āye ||
samujhi parī mohi unha kai karanī | rahita nisācara karihahim̐ dharanī ||
जिन्ह कर भुज-बल पाइ दसानन । अभय भये विचरत मुनि कानन ॥
देखत बालक काल समाना । परम धीर धन्वी गुन नाना ॥
jinha kara bhuja-bala pāi dasānana | abhaya bhaye vicarata muni kānana ||
dekhata bālaka kāla samānā | parama dhīra dhanvī guna nānā ||
अतुलित बल प्रताप द्वौ भ्राता । खल-बध रत सुर-मुनि-सुख-दाता ॥
सोभा-धाम राम अस नामा । तिन्ह के संग नारि एक स्यामा ॥
atulita bala pratāpa dvau bhrātā | khala-badha rata sura-muni-sukha-dātā ||
sobhā-dhāma rāma asa nāmā | tinha ke saṃga nāri eka syāmā ||
रूप-रासि बिधि नारि सँवारी । रति सत कोटि तासु बलिहारी ॥
तासु अनुज काटे श्रुति नासा । सुनि तव भगिनि करहिँ परिहासा ॥
rūpa-rāsi bidhi nāri sam̐vārī | rati sata koṭi tāsu balihārī ||
tāsu anuja kāṭe śruti nāsā | suni tava bhagini karahim̐ parihāsā ||
खर-दूषन सुनि लगे पुकारा । छन महँ सकल कटक, उन्ह मारा ॥
खर-दूषन-तिसिरा कर घाता । सुनि दससीस जरे सब गाता ॥
khara-dūṣana suni lage pukārā | chana maham̐ sakala kaṭaka, unha mārā ||
khara-dūṣana-tisirā kara ghātā | suni dasasīsa jare saba gātā ||
सूपनखहि समुझाइ करि, अल बोलेसि बहु भाँति ।
गयउ भवन अति सोच बस, नींद परइ नहिँ राति ॥
sūpanakhahi samujhāi kari, ala bolesi bahu bhām̐ti |
gayau bhavana ati soca basa, nīṃda parai nahim̐ rāti ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0