गरुडः पक्षिणां श्रेष्ठ इति पूर्वं पितामह ।
उक्तस्त्वया महाबाहो श्वेतवाहं प्रशंसता
garuḍaḥ pakṣiṇāṃ śreṣṭha iti pūrvaṃ pitāmaha |
uktastvayā mahābāho śvetavāhaṃ praśaṃsatā
Anushasana Parva
Chapter 19: Bhishma seeks Shri Krishna's leave to tell of Garuda
इति श्रीमन्महाभारते अनुशासनपर्वणि दानधर्मपर्वणि एकोनविंशोऽध्यायः ॥
8 verses · 19 of 274
What happens in this chapter
Bhishma seeks Shri Krishna's leave to tell of Garuda
A short adhyaya that opens the Garuda account. Yudhishthira recalls that Bhishma, while praising Arjuna, once called Garuda the best of birds. How did Garutman win that primacy, and why is Suparna, son of Vinata, the foe of serpents? Bhishma turns first to Shri Krishna and calls Devaki blessed in such a son. He will speak of Suparna only at Krishna's command, he says, for from time without beginning Keshava himself is called Suparna and Garuda. Shri Krishna answers that Yudhishthira knows him as well as Bhishma does, and bids Bhishma tell the true account of Garuda's birth.
युधिष्ठिर उवाच
अत्र कौतूहल इति श्रवणे जायते मतिः ।
कथं गरुत्मान्पक्षीणां श्रैष्ठ्यं प्राप परन्तप
atra kautūhala iti śravaṇe jāyate matiḥ |
kathaṃ garutmānpakṣīṇāṃ śraiṣṭhyaṃ prāpa parantapa
सुपर्णो वैनतेयश्च केन शत्रुश्च भोगिनाम् ।
किंवीर्यः किंबलश्चासौ वक्तुमर्हसि भारत
suparṇo vainateyaśca kena śatruśca bhoginām |
kiṃvīryaḥ kiṃbalaścāsau vaktumarhasi bhārata
भीष्म उवाच
वासुदेव महाबाहो देवकी सुप्रजास्त्वया ।
श्रुतं ते धर्मराजस्य मम हर्षविवर्धन
vāsudeva mahābāho devakī suprajāstvayā |
śrutaṃ te dharmarājasya mama harṣavivardhana
सुपर्णं शंस इत्येव मामाह कुरुनन्दनः ।
अस्य प्रवक्तुमिच्छामि त्वयाऽज्ञप्तो महाद्युते
suparṇaṃ śaṃsa ityeva māmāha kurunandanaḥ |
asya pravaktumicchāmi tvayā'jñapto mahādyute
त्वं हि शौरे महाबाहो सुपर्णः प्रोच्यसे पुरा ।
अनादिनिधने काले गरुडश्चासि केशव
tvaṃ hi śaure mahābāho suparṇaḥ procyase purā |
anādinidhane kāle garuḍaścāsi keśava
तस्मात्पूर्वं प्रसाद्य त्वां धर्मपुत्राय धीमते ।
गरुडं पततांश्रेष्ठं वक्तुमिच्छामि माधव
tasmātpūrvaṃ prasādya tvāṃ dharmaputrāya dhīmate |
garuḍaṃ patatāṃśreṣṭhaṃ vaktumicchāmi mādhava
वासुदेव उवाच
यथैव मां भवान्वेद तथा वेद युधिष्ठिरः ।
यथा च गरुडो जातस्तथाऽस्मै ब्रूहि तत्वतः
yathaiva māṃ bhavānveda tathā veda yudhiṣṭhiraḥ |
yathā ca garuḍo jātastathā'smai brūhi tatvataḥ
Text source: Wikisource · CC BY-SA 4.0 (Wikisource transcription of a public-domain text)