एवं स्तुतस्तदा कद्र्वा भगवान्हरिवाहनः ।
नीलजीमूतसंघातैः सर्वमम्बरमावृणोत्
evaṃ stutastadā kadrvā bhagavānharivāhanaḥ |
nīlajīmūtasaṃghātaiḥ sarvamambaramāvṛṇot
Adi Parva
Chapter 26: Indra rains on the scorched serpents
इति श्रीमन्महाभारते आदिपर्वणि पौलोमपर्वणि षड्विंशोऽध्यायः ॥
8 verses · 26 of 261
What happens in this chapter
Indra rains on the scorched serpents
Praised by Kadru, Bhagwan Indra, whose mount is the bay horse, commands the clouds to pour down auspicious rain like amrita. The clouds gather and thunder at one another without pause across the sky, releasing water beyond measure with a mighty roar. Shaken by lightning and wind, rumbling with thunder, the heavens grow so thick with cloud that the rays of sun and moon vanish. The earth fills with water on every side, and the land is covered again and again by waves of rain. The short chapter is given wholly to this downpour. The colophon here names the sub-parva as Pauloma, though the account belongs to the Astika section.
सौतिरुवाच
मेघानाज्ञापयामास वर्षध्वममृतं शुभम् ।
ते मेघा मुमुचुस्तोयं प्रभूतं विद्युदुज्ज्वलाः
meghānājñāpayāmāsa varṣadhvamamṛtaṃ śubham |
te meghā mumucustoyaṃ prabhūtaṃ vidyudujjvalāḥ
परस्परमिवात्यर्थं गर्जन्तः सततं दिवि ।
संवर्तितमिवाकाशं जलदैः सुमहाद्भुतैः
parasparamivātyarthaṃ garjantaḥ satataṃ divi |
saṃvartitamivākāśaṃ jaladaiḥ sumahādbhutaiḥ
सृजद्भिरतुलं तोयमजस्रं सुमहारवैः ।
संप्रनृत्तमिवाकाशं धारोर्मिभिरनेकशः
sṛjadbhiratulaṃ toyamajasraṃ sumahāravaiḥ |
saṃpranṛttamivākāśaṃ dhārormibhiranekaśaḥ
मेघस्तनितनिर्घोषौर्विद्युत्पवनकम्पितैः ।
तैर्मेघैः सततासारं वर्षद्भिरनिशं तदा
meghastanitanirghoṣaurvidyutpavanakampitaiḥ |
tairmeghaiḥ satatāsāraṃ varṣadbhiraniśaṃ tadā
नष्टचन्द्रार्ककिरणमम्बरं समपद्यत ।
नागानामुत्तमो हर्षस्तथा वर्षति वासवे
naṣṭacandrārkakiraṇamambaraṃ samapadyata |
nāgānāmuttamo harṣastathā varṣati vāsave
आपूर्यत मही चापि सलिलेन समन्ततः ।
रसातलमनुप्राप्तं शीतलं विमलं जलम् ।
āpūryata mahī cāpi salilena samantataḥ |
rasātalamanuprāptaṃ śītalaṃ vimalaṃ jalam |
तदा भूरभवच्छन्ना जलोर्मिभिरनेकशः ।
रामणीयकमागच्छन्मात्रा सह भुजंगमाः
tadā bhūrabhavacchannā jalormibhiranekaśaḥ |
rāmaṇīyakamāgacchanmātrā saha bhujaṃgamāḥ
Text source: Wikisource · CC BY-SA 4.0 (Wikisource transcription of a public-domain text)