Chapter 131: Names of Dhritarashtra's hundred sons

ज्येष्ठाऽनुज्येष्ठतां तेषां नामानि च पृथक्पृथक् ।
धृतराष्ट्रस्य पुत्राणामानुपूर्व्यात्प्रकीर्तय

jyeṣṭhā'nujyeṣṭhatāṃ teṣāṃ nāmāni ca pṛthakpṛthak |
dhṛtarāṣṭrasya putrāṇāmānupūrvyātprakīrtaya

दुर्योधनो युयुत्सुश्च राजन्दुःशासनस्तथा ।
दुःसहो दुःशलश्चैव जलसन्धः समः सहः

duryodhano yuyutsuśca rājanduḥśāsanastathā |
duḥsaho duḥśalaścaiva jalasandhaḥ samaḥ sahaḥ

विन्दानुविन्दौ दुर्धर्षः सुबाहुर्दुष्प्रधर्षणः ।
दुर्मर्षणो दुर्मुखश्च दुष्कर्णः कर्ण एव च

vindānuvindau durdharṣaḥ subāhurduṣpradharṣaṇaḥ |
durmarṣaṇo durmukhaśca duṣkarṇaḥ karṇa eva ca

विविंशतिर्विकर्णश्च शलः सत्वः सुलोचनः ।
चित्रोपचित्रौ चित्राक्षश्चारुचित्रः शरासनः

viviṃśatirvikarṇaśca śalaḥ satvaḥ sulocanaḥ |
citropacitrau citrākṣaścārucitraḥ śarāsanaḥ

दुर्मदो दुर्विगाहश्च विवित्सुर्विकटाननः ।
ऊर्णनाभः सुनाभश्च तथा नन्दोपनन्दकौ

durmado durvigāhaśca vivitsurvikaṭānanaḥ |
ūrṇanābhaḥ sunābhaśca tathā nandopanandakau

चित्रबाणश्चित्रवर्मा सुवर्मा दुर्विमोचनः ।
अयोबाहुर्महाबाहुश्चित्राङ्गश्चित्रकुण्डलः

citrabāṇaścitravarmā suvarmā durvimocanaḥ |
ayobāhurmahābāhuścitrāṅgaścitrakuṇḍalaḥ

भीमवेगो भीमबलो बलाकी बलवर्धनः ।
उग्रायुधः सुषेणश्च कुण्डधारो महोदरः

bhīmavego bhīmabalo balākī balavardhanaḥ |
ugrāyudhaḥ suṣeṇaśca kuṇḍadhāro mahodaraḥ

चित्रायुधो निषङ्गी च पाशी वृन्दारकस्तथा ।
दृढवर्मा दृढक्षत्रः सोमकीर्तिरनूदरः

citrāyudho niṣaṅgī ca pāśī vṛndārakastathā |
dṛḍhavarmā dṛḍhakṣatraḥ somakīrtiranūdaraḥ

दृढसन्धो जरासन्धः सत्यसन्धः सदः सुवाक् ।
उग्रश्रवा उग्रसेनः सेनानीर्दुष्पराजयः

dṛḍhasandho jarāsandhaḥ satyasandhaḥ sadaḥ suvāk |
ugraśravā ugrasenaḥ senānīrduṣparājayaḥ

अपराजितः कुण्डशायी विशालाक्षो दुराधरः ।
दृढहस्तः सुहस्तश्च वातवेगसुवर्चसौ

aparājitaḥ kuṇḍaśāyī viśālākṣo durādharaḥ |
dṛḍhahastaḥ suhastaśca vātavegasuvarcasau

आदित्यकेतुर्बह्वाशी नागदत्तोऽग्रयाय्यपि ।
कवची क्रथनः कुण्डी कुण्डधारो धनुर्धरः

ādityaketurbahvāśī nāgadatto'grayāyyapi |
kavacī krathanaḥ kuṇḍī kuṇḍadhāro dhanurdharaḥ

उग्रभीमरथौ वीरौ वीरबाहुरलोलुपः ।
अभयो रौद्रकर्मा च तथा दृढरथाश्रयः

ugrabhīmarathau vīrau vīrabāhuralolupaḥ |
abhayo raudrakarmā ca tathā dṛḍharathāśrayaḥ

अनाधृष्यः कुण्डभेदी विरावी चित्रकुण्डलः ।
प्रमथश्च प्रमाथी च दीर्घरोमश्च वीर्यवान्

anādhṛṣyaḥ kuṇḍabhedī virāvī citrakuṇḍalaḥ |
pramathaśca pramāthī ca dīrgharomaśca vīryavān

दीर्घबाहुर्महाबाहुर्व्यूढोराः कनकध्वजः ।
कुण्डाशी विराजाश्चैव दुःशला च शताधिका

dīrghabāhurmahābāhurvyūḍhorāḥ kanakadhvajaḥ |
kuṇḍāśī virājāścaiva duḥśalā ca śatādhikā

इति पुत्रशतं राजन्कन्या चैव शताधिका ।
नामधेयानुपूर्व्येण विद्धि जन्मक्रमं नृप

iti putraśataṃ rājankanyā caiva śatādhikā |
nāmadheyānupūrvyeṇa viddhi janmakramaṃ nṛpa

सर्वे त्वतिरथाः शूराः सर्वे युद्धविशारदाः ।
सर्वे वेदविदश्चैव सर्वे सर्वास्त्रकोविदाः

sarve tvatirathāḥ śūrāḥ sarve yuddhaviśāradāḥ |
sarve vedavidaścaiva sarve sarvāstrakovidāḥ

सर्वेषामनुरूपाश्च कृता दारा महीपते ।
धृतराष्ट्रेण समये परीक्ष्य विविवन्नृप

sarveṣāmanurūpāśca kṛtā dārā mahīpate |
dhṛtarāṣṭreṇa samaye parīkṣya vivivannṛpa

दुःशलां चापि समये धृतराष्ट्रो नराधिपः ।
जयद्रथाय प्रददौ विधिना भरतर्षभ

duḥśalāṃ cāpi samaye dhṛtarāṣṭro narādhipaḥ |
jayadrathāya pradadau vidhinā bharatarṣabha

इति पुत्रशतं राजन्युयुत्सुश्च शताधिकः ।
कन्यका दुःशला चैव यथावत्कीर्तितं मया

iti putraśataṃ rājanyuyutsuśca śatādhikaḥ |
kanyakā duḥśalā caiva yathāvatkīrtitaṃ mayā