Chapter 185: Mantra rites of Ganapati and attraction

आं गणपतये इति अयं गणपतेर्न्मन्त्रो धनविद्याप्रदायकः

āṃ gaṇapataye iti ayaṃ gaṇapaternmantro dhanavidyāpradāyakaḥ

इममष्टसहस्रञ्च जप्त्वा बद्ध्वा शिखां ततः ।
व्यवहारे जयः स्याच्च शतं जापान्नृणां प्रियः

imamaṣṭasahasrañca japtvā baddhvā śikhāṃ tataḥ |
vyavahāre jayaḥ syācca śataṃ jāpānnṛṇāṃ priyaḥ

तिलानां तु घृताक्तानां कृष्णानां रुद्र होमयेत् ।
अष्टोत्तरसहस्रन्तु राजा वश्यस्त्रिभिर्दिनैः

tilānāṃ tu ghṛtāktānāṃ kṛṣṇānāṃ rudra homayet |
aṣṭottarasahasrantu rājā vaśyastribhirdinaiḥ

अष्टम्याञ्च चतुर्दश्यामुपोष्याभ्यर्च्य विघ्नराट् ।
तिलाक्षतानां जुहुयादष्टोत्तरसहस्रकम् ।
अपाजितः स्याद्युद्धे च सर्वे तञ्च सिषेविरे

aṣṭamyāñca caturdaśyāmupoṣyābhyarcya vighnarāṭ |
tilākṣatānāṃ juhuyādaṣṭottarasahasrakam |
apājitaḥ syādyuddhe ca sarve tañca siṣevire

जप्त्वा चाष्टसहस्रन्तु ततश्चाष्टशतेन हि ।
शिखां बद्ध्वा राजकुले व्यवहारे जयो भवेत्

japtvā cāṣṭasahasrantu tataścāṣṭaśatena hi |
śikhāṃ baddhvā rājakule vyavahāre jayo bhavet

ह्रीङ्कारं सविसर्गञ्च प्रातः काले नरस्तु यः ।
स्त्रीणां ललाटे विन्यस्य वशतां नयति ध्रुवम्

hrīṅkāraṃ savisargañca prātaḥ kāle narastu yaḥ |
strīṇāṃ lalāṭe vinyasya vaśatāṃ nayati dhruvam

सुसमाहितचित्तेन विन्यस्य प्रमदालये ।
सोत्कामां कामिनीं कुर्यान्नात्र कार्या विचारणा

susamāhitacittena vinyasya pramadālaye |
sotkāmāṃ kāminīṃ kuryānnātra kāryā vicāraṇā

जुहुयादयुतं यस्तु शुचिः प्रयतमानसः ।
दृष्टिमात्रे सदा तस्य वश्यमायान्ति योषितः

juhuyādayutaṃ yastu śuciḥ prayatamānasaḥ |
dṛṣṭimātre sadā tasya vaśyamāyānti yoṣitaḥ

मनः शिलापत्रकञ्च सगोरोचनकुङ्कुमम् ।
कृत एभिश्च तिलके वश्यमायान्ति योषितः

manaḥ śilāpatrakañca sagorocanakuṅkumam |
kṛta ebhiśca tilake vaśyamāyānti yoṣitaḥ

भृङ्गराट्सहदेवा च वचा श्वेतापराजिता ।
तेनैव तिलकं कृत्वा त्रैलोक्यं वशतां नयेत्

bhṛṅgarāṭsahadevā ca vacā śvetāparājitā |
tenaiva tilakaṃ kṛtvā trailokyaṃ vaśatāṃ nayet

गोरोचना मीनपित्तमाभ्याञ्च कृतवर्तिकः ।
यः पुमांस्तिलकं कुर्याद्वामहस्तकनिष्ठया ।
स करोति वशे सर्वं त्रैलोक्यं नात्र संशयः

gorocanā mīnapittamābhyāñca kṛtavartikaḥ |
yaḥ pumāṃstilakaṃ kuryādvāmahastakaniṣṭhayā |
sa karoti vaśe sarvaṃ trailokyaṃ nātra saṃśayaḥ

गोरोचना महादेव धातुशोणितभाविता ।
एतैर्वैतिलकं कृत्वा सा नरं यं निरीक्षते ।
तत्क्षणात्तं वशे कुर्या न्नात्र कार्या विचारणा

gorocanā mahādeva dhātuśoṇitabhāvitā |
etairvaitilakaṃ kṛtvā sā naraṃ yaṃ nirīkṣate |
tatkṣaṇāttaṃ vaśe kuryā nnātra kāryā vicāraṇā

नागेश्वरञ्च शैलेयं त्वक्पत्रञ्च हरीतकी ।
चन्दनं कुष्ठसूक्ष्मैलारक्तशालिसमन्विता

nāgeśvarañca śaileyaṃ tvakpatrañca harītakī |
candanaṃ kuṣṭhasūkṣmailāraktaśālisamanvitā

एतैर्धूपो वशकरः स्मरबाणैः स्मारार्दनः ।
रतिकाले महादेव पार्वतीप्रिय शङ्कर

etairdhūpo vaśakaraḥ smarabāṇaiḥ smārārdanaḥ |
ratikāle mahādeva pārvatīpriya śaṅkara

निजशुक्रं गृही त्वा तु वामहस्तेन यः पुमान् ।
कामिनीचरणं वामं लिंपेत्स स्यात्स्त्रियाः प्रियः

nijaśukraṃ gṛhī tvā tu vāmahastena yaḥ pumān |
kāminīcaraṇaṃ vāmaṃ liṃpetsa syātstriyāḥ priyaḥ

सैन्धवञ्च महादेव पारावतमलं मधु ।
एभिर्लिप्ते तु लिङ्गे वै कामिनीवशकृद्भवेत्

saindhavañca mahādeva pārāvatamalaṃ madhu |
ebhirlipte tu liṅge vai kāminīvaśakṛdbhavet

पुष्पाणि पञ्चरक्तानि गृहीत्वा यानि कानि च ।
तत्तुल्यञ्च प्रियङ्गुञ्च पेषयेदेकयोगतः ।
अनेन लिप्तलिङ्गस्य कामिनीवशतामियात्

puṣpāṇi pañcaraktāni gṛhītvā yāni kāni ca |
tattulyañca priyaṅguñca peṣayedekayogataḥ |
anena liptaliṅgasya kāminīvaśatāmiyāt

हयगन्धा च मञ्जिष्ठा मालतीकुसुमानि च ।
श्वेतसषर्प एतैश्च लिप्तलिङ्गः स्त्रियाः प्रियः

hayagandhā ca mañjiṣṭhā mālatīkusumāni ca |
śvetasaṣarpa etaiśca liptaliṅgaḥ striyāḥ priyaḥ

मूलन्तु काकजङ्घाया दुग्धपीतन्तु शोषनुत् ।
अश्वगन्धानागबलागुडमाषनिषेविणः ।
रूपं भवेद्यथा तद्वन्नवयौवनचारिणाम्

mūlantu kākajaṅghāyā dugdhapītantu śoṣanut |
aśvagandhānāgabalāguḍamāṣaniṣeviṇaḥ |
rūpaṃ bhavedyathā tadvannavayauvanacāriṇām

लौहचूर्णसमायुक्तं त्रिफलाचूर्णमेव वा ।
मधुना सेवितं रुद्र परिणामाख्यशूलनुत्

lauhacūrṇasamāyuktaṃ triphalācūrṇameva vā |
madhunā sevitaṃ rudra pariṇāmākhyaśūlanut

क्वथितोदकपानन्तु शम्बूकक्षारकं तथा ।
मृगशृङ्गं ह्यग्निदग्धं गव्याज्येन समन्वितम् ।
पीत हृत्पृष्ठशूलानां भवेन्नाशकरं शिव

kvathitodakapānantu śambūkakṣārakaṃ tathā |
mṛgaśṛṅgaṃ hyagnidagdhaṃ gavyājyena samanvitam |
pīta hṛtpṛṣṭhaśūlānāṃ bhavennāśakaraṃ śiva

हिङ्गु सौवर्चलं शुण्ठी वृषध्वज महौषधम् ।
एभिस्तु क्वथितं वारि पीतं वै सर्वशूलनुत्

hiṅgu sauvarcalaṃ śuṇṭhī vṛṣadhvaja mahauṣadham |
ebhistu kvathitaṃ vāri pītaṃ vai sarvaśūlanut

अपामार्गस्य वै मूलं सामुद्रलवणान्वितम् ।
आस्वादि तमजीर्णस्य शूलस्य स्याद्विमर्दनम्

apāmārgasya vai mūlaṃ sāmudralavaṇānvitam |
āsvādi tamajīrṇasya śūlasya syādvimardanam

वटरोहाङ्कुरो रुद्र तण्डुलोदकघर्षितः ।
पीतः सतक्रोऽतीसारं क्षयं नयति शङ्कर

vaṭarohāṅkuro rudra taṇḍulodakagharṣitaḥ |
pītaḥ satakro'tīsāraṃ kṣayaṃ nayati śaṅkara

अङ्कोटमूलं कर्षार्धं पिष्टं तण्डुलवारिणा ।
सर्वातीसारग्रहणीं पीतं हरति भूतप

aṅkoṭamūlaṃ karṣārdhaṃ piṣṭaṃ taṇḍulavāriṇā |
sarvātīsāragrahaṇīṃ pītaṃ harati bhūtapa

मरीचशुण्ठिकुटजत्वक्चूर्णञ्च गुडान्वितम् ।
क्रमात्तद्द्विगुणं पीतं ग्रहणीव्याधिनाशनम्

marīcaśuṇṭhikuṭajatvakcūrṇañca guḍānvitam |
kramāttaddviguṇaṃ pītaṃ grahaṇīvyādhināśanam

श्वेतापराजितामूलं हरिद्रासिक्थतण्डुलाः ।
अपामार्गत्रिकटुकमेषाञ्च वटिका शिव ।
विषूचिकामहाव्याधिं हरत्येव न संशयः

śvetāparājitāmūlaṃ haridrāsikthataṇḍulāḥ |
apāmārgatrikaṭukameṣāñca vaṭikā śiva |
viṣūcikāmahāvyādhiṃ haratyeva na saṃśayaḥ

त्रिफलागुरु भूतेश शिलाजतु हरीतकी ।
एकैकमेषां चूर्णन्तु मधुना च विमिश्रितम् ।
पीतं सर्वञ्च मेहन्तु क्षयं नयति शङ्कर

triphalāguru bhūteśa śilājatu harītakī |
ekaikameṣāṃ cūrṇantu madhunā ca vimiśritam |
pītaṃ sarvañca mehantu kṣayaṃ nayati śaṅkara

अर्कक्षीरप्रस्थमेकं तिलतैलं तथैव च ।
मनः शिलामरीचानां सिन्दूरस्य पलं पलम्

arkakṣīraprasthamekaṃ tilatailaṃ tathaiva ca |
manaḥ śilāmarīcānāṃ sindūrasya palaṃ palam

चूर्णं कृत्वा ताम्रपात्रे त्वातपैः शोषयेत्ततः ।
पीतं स्नुहीगतं दुग्धं सैन्धवं शूलनुद्भवेत्

cūrṇaṃ kṛtvā tāmrapātre tvātapaiḥ śoṣayettataḥ |
pītaṃ snuhīgataṃ dugdhaṃ saindhavaṃ śūlanudbhavet

त्रिकटुत्रिफलानक्तं तिलतैलं तथैव च ।
मनः शिला निम्बपत्रं जातीपुष्पमजापयः

trikaṭutriphalānaktaṃ tilatailaṃ tathaiva ca |
manaḥ śilā nimbapatraṃ jātīpuṣpamajāpayaḥ

तन्मूत्रं सङ्खनाभिश्च चन्दनं घर्षयेत्ततः ।
एभिश्च वर्तिकां कृत्वा त्वक्षिणी चाञ्जयेत्ततः

tanmūtraṃ saṅkhanābhiśca candanaṃ gharṣayettataḥ |
ebhiśca vartikāṃ kṛtvā tvakṣiṇī cāñjayettataḥ

नश्यते पटलं काचं पुष्पञ्च तिमिरादिकम् ।
विभीतकस्य वै चूर्णं समधु श्वासनाशनम्

naśyate paṭalaṃ kācaṃ puṣpañca timirādikam |
vibhītakasya vai cūrṇaṃ samadhu śvāsanāśanam

पिप्पलीत्रिफलाचूर्णं मधुसैन्धवसंयुतम् ।
सर्वरोगज्वरश्वासशोषपीनसहृद्भवेत्

pippalītriphalācūrṇaṃ madhusaindhavasaṃyutam |
sarvarogajvaraśvāsaśoṣapīnasahṛdbhavet

देवदारोश्च वै चूर्णं अजामत्रेण भावयेत् ।
एकविंशतिवारंवैत्वक्षिणी तेन चाञ्जयेत् ।
रात्र्यन्धता पटलता नश्येन्निर्लोमता तथा

devadārośca vai cūrṇaṃ ajāmatreṇa bhāvayet |
ekaviṃśativāraṃvaitvakṣiṇī tena cāñjayet |
rātryandhatā paṭalatā naśyennirlomatā tathā

पिप्पलीकेतकं रुद्र हरिद्रामलकं वचा ।
सर्वाक्षिरोगा नश्येयुः सक्षीरादञ्जनात्ततः

pippalīketakaṃ rudra haridrāmalakaṃ vacā |
sarvākṣirogā naśyeyuḥ sakṣīrādañjanāttataḥ

काकजङ्घाशिग्रुमूले मुखेन विधृते शिव ।
चर्वित्वा दन्तकीटानां विनाशो हि भवेद्धर

kākajaṅghāśigrumūle mukhena vidhṛte śiva |
carvitvā dantakīṭānāṃ vināśo hi bhaveddhara