इति श्रीगारुडे महापुराणे पूर्वखण्डे प्रथमांशाख्ये आचारकाण्डे अशीत्यधिकशततमोऽध्यायः ॥
12 verses · 180 of 241
Hari gives Shiva more charms of attraction, most of them for husband and wife. A fumigation of vacha, jatamansi, bilva, tagara and nagakesara, and a paste of camphor and devadaru with honey, are said to win a woman's love. A mantra to Rakta Chamunda, om rakta-chamunde, recited ten thousand times and worn as a tilaka, is given for the same end, and a paste of salts, fish bile, honey and ghee is said to keep a husband from going to any other woman. Pills of shankhapushpi, vacha, jatamansi and buffalo butter are said to restore a woman's body even after many births. A fumigation of mustard, vacha, madana fruit and datura drives off quartan fever and fever caused by dakinis; another smoke kills snakes, lice, flies and mosquitoes.
हरिरुवाच
वचा मांसी च बिल्वञ्च तगरं पद्मकेसरम् ।
नागपुष्पं प्रियङ्गुञ्च समभागानि चूर्णयेत् ।
अनेन धूपितो मर्त्यः कामवद्विचरेन्महीम्
vacā māṃsī ca bilvañca tagaraṃ padmakesaram |
nāgapuṣpaṃ priyaṅguñca samabhāgāni cūrṇayet |
anena dhūpito martyaḥ kāmavadvicarenmahīm
कर्पूरं देवदारुञ्च मधुना सह योजयेत् ।
लिङ्गलेपाच्च तेनैव वशीकुर्यात्स्त्रियं किल
karpūraṃ devadāruñca madhunā saha yojayet |
liṅgalepācca tenaiva vaśīkuryātstriyaṃ kila
मैथुनं पुरुषो गच्छेद्गृह्णीयात्स्वकमिन्द्रियम् ।
वामहस्तेन वामञ्च हस्तं लिंपेत्तु यत्स्त्रियाः ।
आलिप्ता स्त्री वशं याति नान्यं पुरुषमिच्छति
maithunaṃ puruṣo gacchedgṛhṇīyātsvakamindriyam |
vāmahastena vāmañca hastaṃ liṃpettu yatstriyāḥ |
āliptā strī vaśaṃ yāti nānyaṃ puruṣamicchati
ओं रक्तचामुण्डे अमुकं मे वशमानय आनय ओं ह्रीं ह्रैं ह्रः फट् ।
इमं जप्त्वायुतं मन्त्रं तिलकेन च शङ्कर ।
गोरोचनासंयुतेन स्वरक्तेन वशी भवेत्
oṃ raktacāmuṇḍe amukaṃ me vaśamānaya ānaya oṃ hrīṃ hraiṃ hraḥ phaṭ |
imaṃ japtvāyutaṃ mantraṃ tilakena ca śaṅkara |
gorocanāsaṃyutena svaraktena vaśī bhavet
सैन्धवं कृष्णलवणं सौवीरं मत्स्यपित्तकम् ।
मधु सर्पिः सितायुक्तं स्त्रीणां तद्भगलेपनात्
saindhavaṃ kṛṣṇalavaṇaṃ sauvīraṃ matsyapittakam |
madhu sarpiḥ sitāyuktaṃ strīṇāṃ tadbhagalepanāt
यः पुमान्मैथुनं गच्छेन्नान्यां नारीं गमिष्यति ।
शङ्कपुष्पी वचा मांसी सोम राजी च फल्गुकम्
yaḥ pumānmaithunaṃ gacchennānyāṃ nārīṃ gamiṣyati |
śaṅkapuṣpī vacā māṃsī soma rājī ca phalgukam
माहिषं नवनीतञ्च त्वकीकृत्य भिषग्वरः ।
समूलानि स पत्राणि क्षीरेणाज्येन पेषयेत्
māhiṣaṃ navanītañca tvakīkṛtya bhiṣagvaraḥ |
samūlāni sa patrāṇi kṣīreṇājyena peṣayet
गुटिकां शोधितां कृत्वा नारीयोन्या प्रवेशयेत् ।
दशवारं प्रसूतापि पुनः कन्या भविष्यति
guṭikāṃ śodhitāṃ kṛtvā nārīyonyā praveśayet |
daśavāraṃ prasūtāpi punaḥ kanyā bhaviṣyati
सर्षपाश्च वचा चैव मदनस्य फलानि च ।
मार्जारविष्ठा धत्तुर स्त्रीकेशेन समन्वितः
sarṣapāśca vacā caiva madanasya phalāni ca |
mārjāraviṣṭhā dhattura strīkeśena samanvitaḥ
चातुर्थिकहरो धूपो डाकिनीज्वरनाशकः ।
अर्जुनस्य च पुष्पाणि भल्लातकविडङ्गके
cāturthikaharo dhūpo ḍākinījvaranāśakaḥ |
arjunasya ca puṣpāṇi bhallātakaviḍaṅgake
बला चैव सर्जरसं सौवीरसर्षपास्तथा ।
सर्पयूकामक्षिकाणां धूमो मशकनाशनः
balā caiva sarjarasaṃ sauvīrasarṣapāstathā |
sarpayūkāmakṣikāṇāṃ dhūmo maśakanāśanaḥ
भूतलायाश्च चूर्णेन स्तम्भः स्याद्योनिपूरणात् ।
तेन लेपनतो योनौ भगस्तम्भस्तु जायते
bhūtalāyāśca cūrṇena stambhaḥ syādyonipūraṇāt |
tena lepanato yonau bhagastambhastu jāyate
Text source: Wikisource · CC BY-SA 4.0 (Wikisource transcription of a public-domain text)
