हरिवंशं प्रवक्ष्यामि कृष्णमाहात्म्यमुत्तमम् ।
वसुदेवात्तु देवक्यां वासुदेवो बलोऽभवत्
harivaṃśaṃ pravakṣyāmi kṛṣṇamāhātmyamuttamam |
vasudevāttu devakyāṃ vāsudevo balo'bhavat
Purva Khanda: Achara Kanda
Chapter 144: The Harivamsha: deeds of Shri Krishna
इति श्रीगारुडे महापुराणे पूर्वखण्डे प्रथमांशाख्ये आचारकाण्डे हरिवंशवर्णनं नाम चतुश्चात्वारिंशदुत्तरशततमोऽध्यायः ॥
11 verses · 144 of 241
What happens in this chapter
The Harivamsha: deeds of Shri Krishna
Brahma recounts the Harivamsha, the glory of Shri Krishna, born of Devaki with Balarama to guard dharma. As a child He drinks the life out of Putana, overturns the cart, breaks the twin Arjuna trees, subdues Kaliya and kills Dhenuka. He lifts Govardhana and is honoured by Indra. He slays Arishta and Keshi, fells the wrestlers Chanura and Mushtika and throws Kamsa from his dais. Eight chief queens, Rukmini and Satyabhama among them, and sixteen thousand other wives bear Him sons in thousands. Pradyumna kills Shambara; Aniruddha weds Usha, and in the battle of Hari and Shankara Bana's thousand arms are cut to two. Krishna kills Naraka, brings the Parijata, restores Sandipani's son and crowns Ugrasena.
ब्रह्मोवाच
धर्मादिरक्षणार्थाय ह्यधर्मादिविनष्टये ।
कृष्णः पीत्वा स्तनौ गाढं पूतनामनयत्क्षयम्
dharmādirakṣaṇārthāya hyadharmādivinaṣṭaye |
kṛṣṇaḥ pītvā stanau gāḍhaṃ pūtanāmanayatkṣayam
शकटः परिवृत्तोऽथ भग्नौ च यमलार्जुनौ ।
दमितः कालियो नागो धेनुको विनिपातितः
śakaṭaḥ parivṛtto'tha bhagnau ca yamalārjunau |
damitaḥ kāliyo nāgo dhenuko vinipātitaḥ
धृतो गोवर्धनः शैल इन्द्रेण परिपूजितः ।
भारावतरणं चक्रे प्रतिज्ञां कृतवान्हरिः
dhṛto govardhanaḥ śaila indreṇa paripūjitaḥ |
bhārāvataraṇaṃ cakre pratijñāṃ kṛtavānhariḥ
रक्षणायार्जुनादेश्च ह्यरिष्टादिर्निपातितः ।
केशी विनिहतो दैत्यो गोपाद्याः परितोषिताः
rakṣaṇāyārjunādeśca hyariṣṭādirnipātitaḥ |
keśī vinihato daityo gopādyāḥ paritoṣitāḥ
चाणूरो मुष्टिको मल्लः कंसो मञ्चान्निपातितः ।
रुक्मिणीसत्यभामाद्याः ह्यष्टौ पत्न्यो हरेः पराः
cāṇūro muṣṭiko mallaḥ kaṃso mañcānnipātitaḥ |
rukmiṇīsatyabhāmādyāḥ hyaṣṭau patnyo hareḥ parāḥ
षोढश स्त्रीसहस्राणि ह्यन्यान्यास महात्मनः ।
तासां पुत्राश्च पौत्राद्याः शतशोऽथ सहस्रशः
ṣoḍhaśa strīsahasrāṇi hyanyānyāsa mahātmanaḥ |
tāsāṃ putrāśca pautrādyāḥ śataśo'tha sahasraśaḥ
रुक्मिण्याञ्चैव प्रद्युम्नो न्यवधीच्छंबरञ्च यः ।
तस्य पुत्रोऽनिरुद्धोऽभूदुषाबाणसुतापतिः
rukmiṇyāñcaiva pradyumno nyavadhīcchaṃbarañca yaḥ |
tasya putro'niruddho'bhūduṣābāṇasutāpatiḥ
हरिशकरयोर्यत्र महायुद्धं बभूव ह ।
बाणबाहुसहस्रञ्च च्छिन्नं बाहुद्वयं ह्यभूत्
hariśakarayoryatra mahāyuddhaṃ babhūva ha |
bāṇabāhusahasrañca cchinnaṃ bāhudvayaṃ hyabhūt
नरको निहतो येन पारिजातं जहार यः ।
बलश्च शिसुपालश्च हतश्च द्विविदः कपिः
narako nihato yena pārijātaṃ jahāra yaḥ |
balaśca śisupālaśca hataśca dvividaḥ kapiḥ
अनिरुद्धादभूद्वज्रः स च राजा गते हरौ ।
सन्दीपनिं गुरुञ्चक्रे सपुत्रञ्च चकार सः ।
मथुरायां चोग्रसेनं पालनं च दिवौकसाम्
aniruddhādabhūdvajraḥ sa ca rājā gate harau |
sandīpaniṃ guruñcakre saputrañca cakāra saḥ |
mathurāyāṃ cograsenaṃ pālanaṃ ca divaukasām
Text source: Wikisource · CC BY-SA 4.0 (Wikisource transcription of a public-domain text)