प्रवक्ष्याम्यधुना ह्येतद्वैष्णवं पंजरं शुभम् ।
नमो नमस्ते गोविदं चक्रं गृह्य सुदर्शनम्
pravakṣyāmyadhunā hyetadvaiṣṇavaṃ paṃjaraṃ śubham |
namo namaste govidaṃ cakraṃ gṛhya sudarśanam
Purva Khanda: Achara Kanda
Chapter 13: The Vishnu Panjara, a cage of protection
इति श्रीगारुडे पूर्वखण्डे प्रथमांशाख्ये आचारकाण्डे विष्णुपंजरस्तोत्रं नाम त्रयोदशोऽध्यायः ॥
14 verses · 13 of 241
What happens in this chapter
The Vishnu Panjara, a cage of protection
Hari recites the Vaishnava Panjara, a hymn that builds a cage of Vishnu's weapons around the devotee. Each verse turns to a direction and asks for refuge. Govinda with the Sudarshana discus guards the east, Padmanabha with the Kaumodaki mace the south, Purushottama with the plough Saunanda the west, Pundarikaksha with the pestle the north. Sword and shield guard the north-east, and the great conch Panchajanya and the lotus follow. Below, in Rasatala, the devotee calls on Hari as the great tortoise and the great fish. Hari says he once taught this hymn to Shankara to protect Katyayani, and by it she slew Mahishasura, Raktabija and the other enemies of the devas. Whoever recites it with devotion conquers his foes.
हरिरुवाच
प्राच्यां रक्षस्व मां विष्णो त्वामहं शरणं गतः ।
गदां कौमोदकीं गृह्ण पद्मनाभ नमोऽस्त ते
prācyāṃ rakṣasva māṃ viṣṇo tvāmahaṃ śaraṇaṃ gataḥ |
gadāṃ kaumodakīṃ gṛhṇa padmanābha namo'sta te
याम्यां रक्षस्व मां विष्णो त्वामहं शरणं गतः ।
हलमादाय सौनन्दे नमस्ते पुरुषोत्तम
yāmyāṃ rakṣasva māṃ viṣṇo tvāmahaṃ śaraṇaṃ gataḥ |
halamādāya saunande namaste puruṣottama
प्रतीच्यां रक्ष मां विष्णो त्वामहं शरणं गतः ।
मुसलं शातनं गृह्य पुण्डरीकाक्ष रक्ष माम्
pratīcyāṃ rakṣa māṃ viṣṇo tvāmahaṃ śaraṇaṃ gataḥ |
musalaṃ śātanaṃ gṛhya puṇḍarīkākṣa rakṣa mām
उत्तरस्यां जगन्नाथ भवन्तं शरणं गतः ।
खड्गमादाय चर्म्माथ अस्त्रशास्त्रादिकं हरे
uttarasyāṃ jagannātha bhavantaṃ śaraṇaṃ gataḥ |
khaḍgamādāya carmmātha astraśāstrādikaṃ hare
नमस्ते रक्ष रक्षोघ्न ऐशान्यां शरणं गतः ।
पांचजन्यं महाशंखमनुघोष्यं च पंकजम्
namaste rakṣa rakṣoghna aiśānyāṃ śaraṇaṃ gataḥ |
pāṃcajanyaṃ mahāśaṃkhamanughoṣyaṃ ca paṃkajam
प्रगृह्य रक्ष मां विष्णो आग्न्येय्यां रक्ष शूकर ।
चन्द्रसूर्य्यं समागृह्य खड्गं चान्द्रमसं तथा
pragṛhya rakṣa māṃ viṣṇo āgnyeyyāṃ rakṣa śūkara |
candrasūryyaṃ samāgṛhya khaḍgaṃ cāndramasaṃ tathā
नैर्ऋत्यां मां च रक्षस्व दिव्यमूर्त्ते नृकेशरिन् ।
वैजयन्तीं स्मप्रगृह्य श्रीवत्सं कण्ठभूषणम्
nairṛtyāṃ māṃ ca rakṣasva divyamūrtte nṛkeśarin |
vaijayantīṃ smapragṛhya śrīvatsaṃ kaṇṭhabhūṣaṇam
वायव्यां रक्ष मां देव हयग्रीव नमोऽस्तु ते ।
वैनतेयं समारुह्य त्वंतरिक्षे जनार्दन
vāyavyāṃ rakṣa māṃ deva hayagrīva namo'stu te |
vainateyaṃ samāruhya tvaṃtarikṣe janārdana
मां रक्षस्वाजित सदा नमस्तेऽस्त्वपराजित ।
विशालाक्षं समारुह्य रक्ष मां त्वं रसातले
māṃ rakṣasvājita sadā namaste'stvaparājita |
viśālākṣaṃ samāruhya rakṣa māṃ tvaṃ rasātale
अकूपार नमस्तुभ्यं महामीन नमोऽस्तु ते ।
करशीर्षाद्यंगुलेषु सत्य त्वं बाहुपंजरम्
akūpāra namastubhyaṃ mahāmīna namo'stu te |
karaśīrṣādyaṃguleṣu satya tvaṃ bāhupaṃjaram
कृत्वा रक्षस्व मां विष्णो नमस्ते पुरुषोत्तम ।
एतदुक्तं शंकराय वैष्णवं पंजरं महत्
kṛtvā rakṣasva māṃ viṣṇo namaste puruṣottama |
etaduktaṃ śaṃkarāya vaiṣṇavaṃ paṃjaraṃ mahat
पुरा रक्षार्थमीशान्याः कात्यायन्या वृषध्वज ।
नाशायामास सा येन चामरान्महिषासुरम्
purā rakṣārthamīśānyāḥ kātyāyanyā vṛṣadhvaja |
nāśāyāmāsa sā yena cāmarānmahiṣāsuram
दानवं रक्तबीजं च अन्याँश्च सुरकण्टकान् ।
एतज्जपन्नरो भक्त्या शत्रून्विजयते सदा
dānavaṃ raktabījaṃ ca anyām̐śca surakaṇṭakān |
etajjapannaro bhaktyā śatrūnvijayate sadā
Text source: Wikisource · CC BY-SA 4.0 (Wikisource transcription of a public-domain text)