श्रीकामः शान्तिकामो वा ग्रहदृष्ट्यभिचारवान् ।
ग्रहयंज्ञं समं कुर्य्याद्ग्रहाश्चैते बुधैः स्मृताः
śrīkāmaḥ śāntikāmo vā grahadṛṣṭyabhicāravān |
grahayaṃjñaṃ samaṃ kuryyādgrahāścaite budhaiḥ smṛtāḥ
Purva Khanda: Achara Kanda
Chapter 101: Graha yajna for the nine planets
इति श्रीगारुडे महापुराणे पूर्वखण्डे प्रथमांशाख्ये आचारकाण्डे याज्ञवल्क्योक्तग्रहशान्तिनिरूपणं नामैकोत्तरशततमोऽध्यायः ॥
12 verses · 101 of 241
What happens in this chapter
Graha yajna for the nine planets
One who seeks prosperity or peace, or suffers under a graha's gaze, should perform the graha yajna. The nine grahas are Surya, Soma, Mangala, Budha, Brihaspati, Shukra, Shani, Rahu and Ketu. Their images are made of copper, crystal, red sandal, gold, silver, iron, lead and bronze, and their colours are red, white, red, yellow, yellow, white, black and black. Each is bathed, worshipped with gold, cloth, flowers, perfume, guggulu incense and a charu of rice. The samidh for each in turn is arka, palasha, khadira, apamarga, pippala, udumbara, shami, durva and kusha, offered with honey, ghee and curd. Each graha has its food, and its dakshina: a cow, a conch, a bull, gold, cloth, a horse, a black cow, iron and a goat.
याज्ञवल्क्य उवाच
सूर्य्यः सोमो मङ्गलश्च बुधश्चैव बृहस्पतिः ।
शुक्रः शनैश्चरो राहुः केतुर्ग्रहगणाः स्मृताः
sūryyaḥ somo maṅgalaśca budhaścaiva bṛhaspatiḥ |
śukraḥ śanaiścaro rāhuḥ keturgrahagaṇāḥ smṛtāḥ
ताम्रकांस्यस्फाटिकाद्रक्तचन्दनात्स्वर्णकादुभौ ।
रजतादयसः सीसात्कांस्याद्वर्णान्निबोधत
tāmrakāṃsyasphāṭikādraktacandanātsvarṇakādubhau |
rajatādayasaḥ sīsātkāṃsyādvarṇānnibodhata
रक्तः शुक्लस्तथा रक्तः पीतः पीतः सितोसितः ।
कृष्णः कृष्णः क्रमाद्वर्णा द्रव्याणि मुनयस्ततः
raktaḥ śuklastathā raktaḥ pītaḥ pītaḥ sitositaḥ |
kṛṣṇaḥ kṛṣṇaḥ kramādvarṇā dravyāṇi munayastataḥ
स्थापयेद्गहवर्णानि होमार्थं प्रलिखेत्पटे ।
स्नापयेद्धोमयेच्चैव ग्रहद्रव्यैर्विधानतः ।
सुवर्णानि प्रदेयानि वासांसि सुसुमानि च
sthāpayedgahavarṇāni homārthaṃ pralikhetpaṭe |
snāpayeddhomayeccaiva grahadravyairvidhānataḥ |
suvarṇāni pradeyāni vāsāṃsi susumāni ca
गन्धाश्च बलयश्चैव धूपो देयश्चगुग्गुलुः ।
कर्त्तव्यास्तत्र मन्त्रैश्च चरवः प्रतिदैवतम्
gandhāśca balayaścaiva dhūpo deyaścagugguluḥ |
karttavyāstatra mantraiśca caravaḥ pratidaivatam
आकृष्णेन इमंदेवा अग्निर्मूर्द्धादिवः ककुत् ।
उब्दुध्यस्वेति जुहुयादेभिरेव यथाक्रमम्
ākṛṣṇena imaṃdevā agnirmūrddhādivaḥ kakut |
ubdudhyasveti juhuyādebhireva yathākramam
बृहस्पतेपरिदीयेति सर्वे अन्नात्परिसुतम् ।
शन्नोदेवी कयानश्च केतुंक्रण्वन्निति क्रमात्
bṛhaspateparidīyeti sarve annātparisutam |
śannodevī kayānaśca ketuṃkraṇvanniti kramāt
अर्कः पलाशः खदिरस्त्वपामार्गोऽथ पिप्पलः ।
औदुम्बरः शमी दूर्वा कुशाश्च समिधः क्रमात्
arkaḥ palāśaḥ khadirastvapāmārgo'tha pippalaḥ |
audumbaraḥ śamī dūrvā kuśāśca samidhaḥ kramāt
होतव्या मधुसर्पिर्भ्यां दध्ना चैव समन्वितः ।
गुडौदनं पायसं च हविष्यं क्षीरषाष्टिकम्
hotavyā madhusarpirbhyāṃ dadhnā caiva samanvitaḥ |
guḍaudanaṃ pāyasaṃ ca haviṣyaṃ kṣīraṣāṣṭikam
दध्योदनं हविः पूपान्मांसं चित्रान्नमेव च ।
दद्याद्गहक्रमादेतान् ग्रहेभ्यो भोजनं ततः
dadhyodanaṃ haviḥ pūpānmāṃsaṃ citrānnameva ca |
dadyādgahakramādetān grahebhyo bhojanaṃ tataḥ
धेनुः शङ्खस्तथानड्वान्हेम वासो हयस्तथा ।
कृष्णा गौरायसं छाग एता वै दक्षिणाः क्रमात् ।
ग्रहाः पूज्याः सदा यस्माद्रज्यादि प्राप्यते फलम्
dhenuḥ śaṅkhastathānaḍvānhema vāso hayastathā |
kṛṣṇā gaurāyasaṃ chāga etā vai dakṣiṇāḥ kramāt |
grahāḥ pūjyāḥ sadā yasmādrajyādi prāpyate phalam
Text source: Wikisource · CC BY-SA 4.0 (Wikisource transcription of a public-domain text)