ॐ श्रीगणेशाय नमः ।
अस्य श्रीरामरक्षास्तोत्रमन्त्रस्य बुधकौशिक ऋषिः ।
श्रीसीतारामचन्द्रो देवता । अनुष्टुप् छन्दः । सीता शक्तिः ।
श्रीमद्धनुमान् कीलकम् । श्रीरामचन्द्रप्रीत्यर्थे जपे विनियोगः ॥
अथ ध्यानम् ।
ध्यायेदाजानुबाहुं धृतशरधनुषं बद्धपद्मासनस्थं
पीतं वासो वसानं नवकमलदलस्पर्धिनेत्रं प्रसन्नम् ।
वामाङ्कारूढसीतामुखकमलमिलल्लोचनं नीरदाभं
नानालङ्कारदीप्तं दधतमुरुजटामण्डनं रामचन्द्रम् ॥
इति ध्यानम् ।
चरितं रघुनाथस्य शतकोटिप्रविस्तरम् ।
एकैकमक्षरं पुंसां महापातकनाशनम् ॥१॥
ध्यात्वा नीलोत्पलश्यामं रामं राजीवलोचनम् ।
जानकीलक्ष्मणोपेतं जटामुकुटमण्डितम् ॥२॥
सासितूणधनुर्बाणपाणिं नक्तंचरान्तकम् ।
स्वलीलया जगत्त्रातुमाविर्भूतमजं विभुम् ॥३॥
रामरक्षां पठेत्प्राज्ञः पापघ्नीं सर्वकामदाम् ।
शिरो मे राघवः पातु भालं दशरथात्मजः ॥४॥
कौसल्येयो दृशौ पातु विश्वामित्रप्रियः श्रुती ।
घ्राणं पातु मखत्राता मुखं सौमित्रिवत्सलः ॥५॥
जिह्वां विद्यानिधिः पातु कण्ठं भरतवन्दितः ।
स्कन्धौ दिव्यायुधः पातु भुजौ भग्नेशकार्मुकः ॥६॥
करौ सीतापतिः पातु हृदयं जामदग्न्यजित् ।
मध्यं पातु खरध्वंसी नाभिं जाम्बवदाश्रयः ॥७॥
सुग्रीवेशः कटी पातु सक्थिनी हनुमत्प्रभुः ।
ऊरू रघूत्तमः पातु रक्षःकुलविनाशकृत् ॥८॥
जानुनी सेतुकृत्पातु जङ्घे दशमुखान्तकः ।
पादौ बिभीषणश्रीदः पातु रामोऽखिलं वपुः ॥९॥
एतां रामबलोपेतां रक्षां यः सुकृती पठेत् ।
स चिरायुः सुखी पुत्री विजयी विनयी भवेत् ॥१०॥
पातालभूतलव्योमचारिणश्छद्मचारिणः ।
न द्रष्टुमपि शक्तास्ते रक्षितं रामनामभिः ॥११॥
रामेति रामभद्रेति रामचन्द्रेति वा स्मरन् ।
नरो न लिप्यते पापैर्भुक्तिं मुक्तिं च विन्दति ॥१२॥
जगज्जैत्रैकमन्त्रेण रामनाम्नाभिरक्षितम् ।
यः कण्ठे धारयेत्तस्य करस्थाः सर्वसिद्धयः ॥१३॥
वज्रपञ्जरनामेदं यो रामकवचं स्मरेत् ।
अव्याहताज्ञः सर्वत्र लभते जयमङ्गलम् ॥१४॥
आदिष्टवान्यथा स्वप्ने रामरक्षामिमां हरः ।
तथा लिखितवान्प्रातः प्रबुद्धो बुधकौशिकः ॥१५॥
आरामः कल्पवृक्षाणां विरामः सकलापदाम् ।
अभिरामस्त्रिलोकानां रामः श्रीमान्स नः प्रभुः ॥१६॥
तरुणौ रूपसम्पन्नौ सुकुमारौ महाबलौ ।
पुण्डरीकविशालाक्षौ चीरकृष्णाजिनाम्बरौ ॥१७॥
फलमूलाशिनौ दान्तौ तापसौ ब्रह्मचारिणौ ।
पुत्रौ दशरथस्यैतौ भ्रातरौ रामलक्ष्मणौ ॥१८॥
शरण्यौ सर्वसत्त्वानां श्रेष्ठौ सर्वधनुष्मताम् ।
रक्षःकुलनिहन्तारौ त्रायेतां नो रघूत्तमौ ॥१९॥
आत्तसज्यधनुषाविषुस्पृशावक्षयाशुगनिषङ्गसङ्गिनौ ।
रक्षणाय मम रामलक्ष्मणावग्रतः पथि सदैव गच्छताम् ॥२०॥
सन्नद्धः कवची खड्गी चापबाणधरो युवा ।
गच्छन्मनोरथोऽस्माकं रामः पातु सलक्ष्मणः ॥२१॥
रामो दाशरथिः शूरो लक्ष्मणानुचरो बली ।
काकुत्स्थः पुरुषः पूर्णः कौसल्येयो रघूत्तमः ॥२२॥
वेदान्तवेद्यो यज्ञेशः पुराणपुरुषोत्तमः ।
जानकीवल्लभः श्रीमानप्रमेयपराक्रमः ॥२३॥
इत्येतानि जपन्नित्यं मद्भक्तः श्रद्धयान्वितः ।
अश्वमेधाधिकं पुण्यं सम्प्राप्नोति न संशयः ॥२४॥
रामं दूर्वादलश्यामं पद्माक्षं पीतवाससम् ।
स्तुवन्ति नामभिर्दिव्यैर्न ते संसारिणो नराः ॥२५॥
रामं लक्ष्मणपूर्वजं रघुवरं सीतापतिं सुन्दरं
काकुत्स्थं करुणार्णवं गुणनिधिं विप्रप्रियं धार्मिकम् ।
राजेन्द्रं सत्यसन्धं दशरथतनयं श्यामलं शान्तमूर्तिं
वन्दे लोकाभिरामं रघुकुलतिलकं राघवं रावणारिम् ॥२६॥
रामाय रामभद्राय रामचन्द्राय वेधसे ।
रघुनाथाय नाथाय सीतायाः पतये नमः ॥२७॥
श्रीराम राम रघुनन्दन राम राम
श्रीराम राम भरताग्रज राम राम ।
श्रीराम राम रणकर्कश राम राम
श्रीराम राम शरणं भव राम राम ॥२८॥
श्रीरामचन्द्रचरणौ मनसा स्मरामि
श्रीरामचन्द्रचरणौ वचसा गृणामि ।
श्रीरामचन्द्रचरणौ शिरसा नमामि
श्रीरामचन्द्रचरणौ शरणं प्रपद्ये ॥२९॥
माता रामो मत्पिता रामचन्द्रः
स्वामी रामो मत्सखा रामचन्द्रः ।
सर्वस्वं मे रामचन्द्रो दयालु-
र्नान्यं जाने नैव जाने न जाने ॥३०॥
दक्षिणे लक्ष्मणो यस्य वामे तु जनकात्मजा ।
पुरतो मारुतिर्यस्य तं वन्दे रघुनन्दनम् ॥३१॥
लोकाभिरामं रणरङ्गधीरं राजीवनेत्रं रघुवंशनाथम् ।
कारुण्यरूपं करुणाकरं तं श्रीरामचन्द्रं शरणं प्रपद्ये ॥३२॥
मनोजवं मारुततुल्यवेगं जितेन्द्रियं बुद्धिमतां वरिष्ठम् ।
वातात्मजं वानरयूथमुख्यं श्रीरामदूतं शरणं प्रपद्ये ॥३३॥
कूजन्तं रामरामेति मधुरं मधुराक्षरम् ।
आरुह्य कविताशाखां वन्दे वाल्मीकिकोकिलम् ॥३४॥
आपदामपहर्तारं दातारं सर्वसम्पदाम् ।
लोकाभिरामं श्रीरामं भूयो भूयो नमाम्यहम् ॥३५॥
भर्जनं भवबीजानामर्जनं सुखसम्पदाम् ।
तर्जनं यमदूतानां रामरामेति गर्जनम् ॥३६॥
रामो राजमणिः सदा विजयते रामं रमेशं भजे
रामेणाभिहता निशाचरचमू रामाय तस्मै नमः ।
रामान्नास्ति परायणं परतरं रामस्य दासोऽस्म्यहं
रामे चित्तलयः सदा भवतु मे भो राम मामुद्धर ॥३७॥
राम रामेति रामेति रमे रामे मनोरमे ।
सहस्रनाम तत्तुल्यं रामनाम वरानने ॥३८॥
इति श्रीबुधकौशिकविरचितं श्रीरामरक्षास्तोत्रं सम्पूर्णम् ॥
oṃ śrīgaṇeśāya namaḥ |
asya śrīrāmarakṣāstotramantrasya budhakauśika ṛṣiḥ |
śrīsītārāmacandro devatā | anuṣṭup chandaḥ | sītā śaktiḥ |
śrīmaddhanumān kīlakam | śrīrāmacandraprītyarthe jape viniyogaḥ ||
atha dhyānam |
dhyāyedājānubāhuṃ dhṛtaśaradhanuṣaṃ baddhapadmāsanasthaṃ
pītaṃ vāso vasānaṃ navakamaladalaspardhinetraṃ prasannam |
vāmāṅkārūḍhasītāmukhakamalamilallocanaṃ nīradābhaṃ
nānālaṅkāradīptaṃ dadhatamurujaṭāmaṇḍanaṃ rāmacandram ||
iti dhyānam |
caritaṃ raghunāthasya śatakoṭipravistaram |
ekaikamakṣaraṃ puṃsāṃ mahāpātakanāśanam ||1||
dhyātvā nīlotpalaśyāmaṃ rāmaṃ rājīvalocanam |
jānakīlakṣmaṇopetaṃ jaṭāmukuṭamaṇḍitam ||2||
sāsitūṇadhanurbāṇapāṇiṃ naktaṃcarāntakam |
svalīlayā jagattrātumāvirbhūtamajaṃ vibhum ||3||
rāmarakṣāṃ paṭhetprājñaḥ pāpaghnīṃ sarvakāmadām |
śiro me rāghavaḥ pātu bhālaṃ daśarathātmajaḥ ||4||
kausalyeyo dṛśau pātu viśvāmitrapriyaḥ śrutī |
ghrāṇaṃ pātu makhatrātā mukhaṃ saumitrivatsalaḥ ||5||
jihvāṃ vidyānidhiḥ pātu kaṇṭhaṃ bharatavanditaḥ |
skandhau divyāyudhaḥ pātu bhujau bhagneśakārmukaḥ ||6||
karau sītāpatiḥ pātu hṛdayaṃ jāmadagnyajit |
madhyaṃ pātu kharadhvaṃsī nābhiṃ jāmbavadāśrayaḥ ||7||
sugrīveśaḥ kaṭī pātu sakthinī hanumatprabhuḥ |
ūrū raghūttamaḥ pātu rakṣaḥkulavināśakṛt ||8||
jānunī setukṛtpātu jaṅghe daśamukhāntakaḥ |
pādau bibhīṣaṇaśrīdaḥ pātu rāmo'khilaṃ vapuḥ ||9||
etāṃ rāmabalopetāṃ rakṣāṃ yaḥ sukṛtī paṭhet |
sa cirāyuḥ sukhī putrī vijayī vinayī bhavet ||10||
pātālabhūtalavyomacāriṇaśchadmacāriṇaḥ |
na draṣṭumapi śaktāste rakṣitaṃ rāmanāmabhiḥ ||11||
rāmeti rāmabhadreti rāmacandreti vā smaran |
naro na lipyate pāpairbhuktiṃ muktiṃ ca vindati ||12||
jagajjaitraikamantreṇa rāmanāmnābhirakṣitam |
yaḥ kaṇṭhe dhārayettasya karasthāḥ sarvasiddhayaḥ ||13||
vajrapañjaranāmedaṃ yo rāmakavacaṃ smaret |
avyāhatājñaḥ sarvatra labhate jayamaṅgalam ||14||
ādiṣṭavānyathā svapne rāmarakṣāmimāṃ haraḥ |
tathā likhitavānprātaḥ prabuddho budhakauśikaḥ ||15||
ārāmaḥ kalpavṛkṣāṇāṃ virāmaḥ sakalāpadām |
abhirāmastrilokānāṃ rāmaḥ śrīmānsa naḥ prabhuḥ ||16||
taruṇau rūpasampannau sukumārau mahābalau |
puṇḍarīkaviśālākṣau cīrakṛṣṇājināmbarau ||17||
phalamūlāśinau dāntau tāpasau brahmacāriṇau |
putrau daśarathasyaitau bhrātarau rāmalakṣmaṇau ||18||
śaraṇyau sarvasattvānāṃ śreṣṭhau sarvadhanuṣmatām |
rakṣaḥkulanihantārau trāyetāṃ no raghūttamau ||19||
āttasajyadhanuṣāviṣuspṛśāvakṣayāśuganiṣaṅgasaṅginau |
rakṣaṇāya mama rāmalakṣmaṇāvagrataḥ pathi sadaiva gacchatām ||20||
sannaddhaḥ kavacī khaḍgī cāpabāṇadharo yuvā |
gacchanmanoratho'smākaṃ rāmaḥ pātu salakṣmaṇaḥ ||21||
rāmo dāśarathiḥ śūro lakṣmaṇānucaro balī |
kākutsthaḥ puruṣaḥ pūrṇaḥ kausalyeyo raghūttamaḥ ||22||
vedāntavedyo yajñeśaḥ purāṇapuruṣottamaḥ |
jānakīvallabhaḥ śrīmānaprameyaparākramaḥ ||23||
ityetāni japannityaṃ madbhaktaḥ śraddhayānvitaḥ |
aśvamedhādhikaṃ puṇyaṃ samprāpnoti na saṃśayaḥ ||24||
rāmaṃ dūrvādalaśyāmaṃ padmākṣaṃ pītavāsasam |
stuvanti nāmabhirdivyairna te saṃsāriṇo narāḥ ||25||
rāmaṃ lakṣmaṇapūrvajaṃ raghuvaraṃ sītāpatiṃ sundaraṃ
kākutsthaṃ karuṇārṇavaṃ guṇanidhiṃ viprapriyaṃ dhārmikam |
rājendraṃ satyasandhaṃ daśarathatanayaṃ śyāmalaṃ śāntamūrtiṃ
vande lokābhirāmaṃ raghukulatilakaṃ rāghavaṃ rāvaṇārim ||26||
rāmāya rāmabhadrāya rāmacandrāya vedhase |
raghunāthāya nāthāya sītāyāḥ pataye namaḥ ||27||
śrīrāma rāma raghunandana rāma rāma
śrīrāma rāma bharatāgraja rāma rāma |
śrīrāma rāma raṇakarkaśa rāma rāma
śrīrāma rāma śaraṇaṃ bhava rāma rāma ||28||
śrīrāmacandracaraṇau manasā smarāmi
śrīrāmacandracaraṇau vacasā gṛṇāmi |
śrīrāmacandracaraṇau śirasā namāmi
śrīrāmacandracaraṇau śaraṇaṃ prapadye ||29||
mātā rāmo matpitā rāmacandraḥ
svāmī rāmo matsakhā rāmacandraḥ |
sarvasvaṃ me rāmacandro dayālu-
rnānyaṃ jāne naiva jāne na jāne ||30||
dakṣiṇe lakṣmaṇo yasya vāme tu janakātmajā |
purato mārutiryasya taṃ vande raghunandanam ||31||
lokābhirāmaṃ raṇaraṅgadhīraṃ rājīvanetraṃ raghuvaṃśanātham |
kāruṇyarūpaṃ karuṇākaraṃ taṃ śrīrāmacandraṃ śaraṇaṃ prapadye ||32||
manojavaṃ mārutatulyavegaṃ jitendriyaṃ buddhimatāṃ variṣṭham |
vātātmajaṃ vānarayūthamukhyaṃ śrīrāmadūtaṃ śaraṇaṃ prapadye ||33||
kūjantaṃ rāmarāmeti madhuraṃ madhurākṣaram |
āruhya kavitāśākhāṃ vande vālmīkikokilam ||34||
āpadāmapahartāraṃ dātāraṃ sarvasampadām |
lokābhirāmaṃ śrīrāmaṃ bhūyo bhūyo namāmyaham ||35||
bharjanaṃ bhavabījānāmarjanaṃ sukhasampadām |
tarjanaṃ yamadūtānāṃ rāmarāmeti garjanam ||36||
rāmo rājamaṇiḥ sadā vijayate rāmaṃ rameśaṃ bhaje
rāmeṇābhihatā niśācaracamū rāmāya tasmai namaḥ |
rāmānnāsti parāyaṇaṃ parataraṃ rāmasya dāso'smyahaṃ
rāme cittalayaḥ sadā bhavatu me bho rāma māmuddhara ||37||
rāma rāmeti rāmeti rame rāme manorame |
sahasranāma tattulyaṃ rāmanāma varānane ||38||
iti śrībudhakauśikaviracitaṃ śrīrāmarakṣāstotraṃ sampūrṇam ||
Meaning
Viniyoga: Of this Rama Raksha stotra-mantra the rishi is Budha Kaushika, the deity Shri Sita-Ramachandra, the metre anushtubh, the shakti Sita, the kilaka Shri Hanuman; it is recited for the pleasure of Shri Ramachandra.
Dhyana: Meditate on Ramachandra, his arms reaching to his knees, holding bow and arrows, seated in the lotus posture, wearing yellow cloth, his eyes rivalling fresh lotus petals, serene, his gaze meeting the lotus face of Sita seated on his left, dark as a rain cloud, shining with many ornaments, his great matted locks his crown.
1. The story of the Lord of the Raghus spreads over a hundred crore verses, and every single syllable of it destroys a person's gravest sins.
2–3. Meditating on Rama, dark as the blue lotus, lotus-eyed, with Janaki and Lakshmana, crowned with matted hair, holding sword, quiver, bow and arrow, destroyer of the night-wanderers, the unborn, all-pervading Lord who appeared by his own will to protect the world,
4. the wise should recite the Rama Raksha, which destroys sin and grants every wish. May Raghava protect my head, the son of Dasharatha my forehead,
5. Kausalya's son my eyes, Vishvamitra's beloved my ears, the protector of the sacrifice my nose, he who loves Lakshmana my mouth,
6. the treasury of learning my tongue, he whom Bharata bows to my throat, the bearer of divine weapons my shoulders, the breaker of Shiva's bow my arms,
7. Sita's lord my hands, the conqueror of Parashurama my heart, the slayer of Khara my middle, the refuge of Jambavan my navel,
8. the lord of Sugriva my hips, Hanuman's master my thighs, the best of the Raghus, destroyer of the rakshasa clan, my upper legs,
9. the builder of the bridge my knees, the slayer of the ten-headed one my shins, he who gave sovereignty to Vibhishana my feet. May Rama protect my whole body.
10. The fortunate one who recites this protection, filled with Rama's strength, will be long-lived, happy, blessed with children, victorious and humble.
11. Beings that roam the underworld, the earth and the sky, and those that move in disguise, cannot even look at one guarded by the names of Rama.
12. One who remembers "Rama", "Ramabhadra" or "Ramachandra" is not touched by sin, and gains both worldly joy and liberation.
13. Whoever wears on his throat this protection, guarded by Rama's name, the one mantra that conquers the world, holds every siddhi in his hand.
14. Whoever remembers this Rama Kavacha called the "Vajra-panjara", the diamond cage, has his word obeyed everywhere and gains victory and good fortune.
15. As Hara (Shiva) told this Rama Raksha in a dream, so Budha Kaushika wrote it down on waking in the morning.
16. He is the garden of wish-fulfilling trees, the end of all troubles, the delight of the three worlds: that glorious Rama is our Lord.
17–19. Young, handsome, tender yet mighty, with eyes wide as lotuses, wearing bark and black deerskin, living on fruit and roots, self-controlled, ascetics, brahmacharis, these two sons of Dasharatha, the brothers Rama and Lakshmana, refuge of all beings, foremost of all archers, destroyers of the rakshasa clan: may these two best of the Raghus protect us.
20. With bows strung, hands on their arrows, with quivers of unending arrows, may Rama and Lakshmana always walk ahead of me on the road to protect me.
21. Armed, armoured, bearing sword, bow and arrows, youthful, may Rama with Lakshmana, our heart's desire, go with us and protect us.
22–23. Rama, son of Dasharatha, the hero, followed by Lakshmana, the mighty, of Kakutstha's line, the complete Purusha, Kausalya's son, best of the Raghus, known through Vedanta, lord of sacrifice, the ancient Supreme Person, beloved of Janaki, glorious, of measureless valour:
24. my devotee who chants these names daily with faith gains merit greater than the ashvamedha, without doubt.
25. Those who praise with divine names Rama, dark as durva grass, lotus-eyed, clad in yellow, are no longer bound to worldly existence.
26. I bow to Rama, elder brother of Lakshmana, best of the Raghus, Sita's lord, beautiful, of Kakutstha's line, ocean of compassion, treasury of virtues, dear to the learned, righteous, king of kings, true to his word, son of Dasharatha, dark, the form of peace, delight of the world, jewel of the Raghu clan, Raghava, Ravana's foe.
27. Salutations to Rama, Ramabhadra, Ramachandra, the Creator, Lord of the Raghus, the Lord, the husband of Sita.
28. Shri Rama, Rama, joy of the Raghus; Shri Rama, Rama, Bharata's elder brother; Shri Rama, Rama, fierce in battle; Shri Rama, Rama, be my refuge.
29. I remember the feet of Shri Ramachandra with my mind, praise them with my speech, bow to them with my head, and take refuge in them.
30. Rama is my mother, Ramachandra my father; Rama is my master, Ramachandra my friend; compassionate Ramachandra is my all. I know no other, no, I know none other.
31. I bow to the joy of the Raghus, with Lakshmana on his right, Janaki on his left and Maruti before him.
32. I take refuge in Shri Ramachandra, delight of the world, steady on the battlefield, lotus-eyed, lord of the Raghu line, compassion in form, the doer of mercy.
33. I take refuge in the messenger of Shri Rama, swift as the mind, fast as the wind, master of his senses, foremost of the wise, son of the Wind, leader of the vanara hosts.
34. I bow to the cuckoo Valmiki who, perched on the branch of poetry, sings "Rama, Rama", sweet and of sweet syllables.
35. Again and again I bow to Shri Rama, remover of calamities, giver of every wealth, delight of the world.
36. The roar "Rama, Rama" roasts the seeds of rebirth, earns happiness and wealth, and drives off the messengers of Yama.
37. Rama, the jewel among kings, is ever victorious; I worship Rama, lord of Lakshmi; by Rama the night-wanderers' army was slain; to that Rama I bow. There is no refuge higher than Rama; I am Rama's servant. May my mind ever dissolve in Rama. O Rama, lift me up.
38. (Shiva to Parvati:) "Rama, Rama, Rama": O lovely one, I delight in Rama, the delightful. The name of Rama equals the thousand names.
About this bhajan
The fifteenth verse tells how this kavacha came to be: Hara, Bhagwan Shiva, recited it to the rishi Budha Kaushika in a dream, and he wrote it down when he woke. Families in Maharashtra, Karnataka and across the land say it at dusk, children first learning the body-verses, "shiro me Raghavah patu", where each limb is placed under one name of Rama. The last verses have become prayers in their own right: "Lokabhiramam ranarangadhiram", the Hanuman shloka "Manojavam", and the final line, which Shiva speaks to Parvati, that one name of Rama equals the thousand names of Vishnu.
Śrīrāmarakṣāstotram of Budhakauśika, Sanskrit Wikisource (रामरक्षास्तोत्रम्), viniyoga, dhyāna and verses 1–38