अध्याय 5: विद्या, अविद्या और सूक्ष्म जीव

द्वे अक्षरे ब्रह्मपरे त्वनन्ते विद्याविद्ये निहिते यत्र गूढे ।
क्षरं त्वविद्यां ह्यमृतं तु विद्या विद्याविद्ये ईशते यस्तु सोऽन्यः

dve akṣare brahmapare tvanante vidyāvidye nihite yatra gūḍhe |
kṣaraṃ tvavidyāṃ hyamṛtaṃ tu vidyā vidyāvidye īśate yastu so'nyaḥ

अविनाशी, अनंत परब्रह्म में विद्या और अविद्या दोनों छिपी हुई हैं। अविद्या नाशवान है और विद्या अमृत है। जो विद्या और अविद्या दोनों पर शासन करता है, वह इन दोनों से भिन्न है।

यो योनिं योनिमधितिष्ठत्येको विश्वानि रूपाणि योनीश्च सर्वाः ।
ऋषिं प्रसूतं कपिलं यस्तमग्रे ज्ञानैर्बिभर्ति जायमानं च पश्येत्

yo yoniṃ yonimadhitiṣṭhatyeko viśvāni rūpāṇi yonīśca sarvāḥ |
ṛṣiṃ prasūtaṃ kapilaṃ yastamagre jñānairbibharti jāyamānaṃ ca paśyet

वही एक प्रत्येक योनि के, सब रूपों और सब उत्पत्ति स्थानों के अधिष्ठाता हैं। आदि में उत्पन्न ऋषि कपिल को उन्होंने ज्ञान से भर दिया और जन्म लेते हुए उन्हें देखा।

एकैकं जालं बहुधा विकुर्वन्नस्मिन्क्षेत्रे संहरत्येष देवः ।
भूयः सृष्ट्वा पतयस्तथेशः सर्वाधिपत्यं कुरुते महात्मा

ekaikaṃ jālaṃ bahudhā vikurvannasminkṣetre saṃharatyeṣa devaḥ |
bhūyaḥ sṛṣṭvā patayastatheśaḥ sarvādhipatyaṃ kurute mahātmā

यह परमदेव एक एक जाल को अनेक प्रकार से फैलाकर इसी क्षेत्र में फिर समेट लेते हैं। फिर से प्रजापतियों को रचकर वे महात्मा ईश्वर सब पर आधिपत्य करते हैं।

सर्वा दिश ऊर्ध्वमधश्च तिर्यक्प्रकाशयन्भ्राजते यद्वनड्वान् ।
एवं स देवो भगवान्वरेण्यो योनिस्वभावानधितिष्ठत्येकः

sarvā diśa ūrdhvamadhaśca tiryakprakāśayanbhrājate yadvanaḍvān |
evaṃ sa devo bhagavānvareṇyo yonisvabhāvānadhitiṣṭhatyekaḥ

जैसे सूर्य ऊपर, नीचे और तिरछे सब दिशाओं को प्रकाशित करता हुआ चमकता है, वैसे ही वे एक वरेण्य भगवान सब योनियों और उनके स्वभावों के अधिष्ठाता हैं।

यच्च स्वभावं पचति विश्वयोनिः पाच्यांश्च सर्वान् परिणामयेद्यः ।
सर्वमेतद्विश्वमधितिष्ठत्येको गुणांश्च सर्वान्विनियोजयेद्यः

yacca svabhāvaṃ pacati viśvayoniḥ pācyāṃśca sarvān pariṇāmayedyaḥ |
sarvametadviśvamadhitiṣṭhatyeko guṇāṃśca sarvānviniyojayedyaḥ

विश्व के कारण परमेश्वर प्रत्येक वस्तु के स्वभाव को पकाते हैं और पकने योग्य सबको परिपक्व करते हैं। वही अकेले इस समस्त विश्व के अधिष्ठाता हैं और सब गुणों को उनके कार्य में लगाते हैं।

तद्वेदगुह्योपनिषत्सु गूढं तद्ब्रह्मा वेदते ब्रह्मयोनिम् ।
ये पूर्वं देवा ऋषयश्च तद्विदुस्ते तन्मया अमृता वै बभूवुः

tadvedaguhyopaniṣatsu gūḍhaṃ tadbrahmā vedate brahmayonim |
ye pūrvaṃ devā ṛṣayaśca tadviduste tanmayā amṛtā vai babhūvuḥ

वह वेदों के रहस्य रूप उपनिषदों में छिपा है। ब्रह्मा जी उसे वेद का उद्गम जानते हैं। जिन पूर्व देवताओं और ऋषियों ने उसे जाना, वे तन्मय होकर अमर हो गए।

गुणान्वयो यः फलकर्मकर्ता कृतस्य तस्यैव स चोपभोक्ता ।
स विश्वरूपस्त्रिगुणस्त्रिवर्त्मा प्राणाधिपः सञ्चरति स्वकर्मभिः

guṇānvayo yaḥ phalakarmakartā kṛtasya tasyaiva sa copabhoktā |
sa viśvarūpastriguṇastrivartmā prāṇādhipaḥ sañcarati svakarmabhiḥ

जो गुणों से बँधा है, वह फल के लिए कर्म करता है और अपने किए का फल स्वयं भोगता है। अनेक रूपों वाला, त्रिगुणमय, तीन मार्गों वाला, प्राणों का स्वामी वह जीव अपने कर्मों के अनुसार भटकता है।

अङ्गुष्ठमात्रो रवितुल्यरूपः सङ्कल्पाहङ्कारसमन्वितो यः ।
बुद्धेर्गुणेनात्मगुणेन चैव आराग्रमात्रोऽप्यपरोऽपि दृष्टः

aṅguṣṭhamātro ravitulyarūpaḥ saṅkalpāhaṅkārasamanvito yaḥ |
buddherguṇenātmaguṇena caiva ārāgramātro'pyaparo'pi dṛṣṭaḥ

वह अंगूठे के बराबर, सूर्य के समान तेजस्वी, संकल्प और अहंकार से युक्त है। बुद्धि और देह के गुणों के कारण वह आर की नोक जितना सूक्ष्म भी दिखता है, मानो कोई अलग ही हो।

बालाग्रशतभागस्य शतधा कल्पितस्य च ।
भागो जीवः स विज्ञेयः स चानन्त्याय कल्पते

bālāgraśatabhāgasya śatadhā kalpitasya ca |
bhāgo jīvaḥ sa vijñeyaḥ sa cānantyāya kalpate

बाल की नोक के सौवें भाग को फिर सौ भागों में बाँटने पर जो अंश बचे, जीव को उतना सूक्ष्म जानना चाहिए। फिर भी वह अनंत होने में समर्थ है।

नैव स्त्री न पुमानेष न चैवायं नपुंसकः ।
यद्यच्छरीरमादत्ते तेन तेन स युज्यते

naiva strī na pumāneṣa na caivāyaṃ napuṃsakaḥ |
yadyaccharīramādatte tena tena sa yujyate

यह न स्त्री है, न पुरुष, न नपुंसक। जो जो शरीर यह ग्रहण करता है, उसी उसी से यह जुड़ जाता है।

सङ्कल्पनस्पर्शनदृष्टिमोहैर्ग्रासांबुवृष्ट्यात्मविवृद्धिजन्म ।
कर्मानुगान्यनुक्रमेण देही स्थानेषु रूपाण्यभिसम्प्रपद्यते

saṅkalpanasparśanadṛṣṭimohairgrāsāṃbuvṛṣṭyātmavivṛddhijanma |
karmānugānyanukrameṇa dehī sthāneṣu rūpāṇyabhisamprapadyate

जैसे अन्न, जल और वर्षा से शरीर बढ़ता है, वैसे ही संकल्प, स्पर्श, दृष्टि और मोह के द्वारा देही अपने कर्मों के अनुसार क्रम से भिन्न भिन्न स्थानों में अनेक रूप ग्रहण करता है।

स्थूलानि सूक्ष्माणि बहूनि चैव रूपाणि देही स्वगुणैर्वृणोति ।
क्रियागुणैरात्मगुणैश्च तेषां संयोगहेतुरपरोऽपि दृष्टः

sthūlāni sūkṣmāṇi bahūni caiva rūpāṇi dehī svaguṇairvṛṇoti |
kriyāguṇairātmaguṇaiśca teṣāṃ saṃyogaheturaparo'pi dṛṣṭaḥ

देही अपने गुणों के अनुसार बहुत से स्थूल और सूक्ष्म रूप धारण करता है। कर्मों और मन के गुणों से उनके संयोग का एक और कारण भी दिखाई देता है।

अनाद्यनन्तं कलिलस्य मध्ये विश्वस्य स्रष्टारमनेकरूपम् ।
विश्वस्यैकं परिवेष्टितारं ज्ञात्वा देवं मुच्यते सर्वपाशैः

anādyanantaṃ kalilasya madhye viśvasya sraṣṭāramanekarūpam |
viśvasyaikaṃ pariveṣṭitāraṃ jñātvā devaṃ mucyate sarvapāśaiḥ

जो अनादि और अनंत हैं, अव्यवस्था के बीच स्थित हैं, अनेक रूपों में विश्व के रचयिता हैं और अकेले विश्व को घेरे हुए हैं, उन परमदेव को जानकर मनुष्य सब पाशों से मुक्त हो जाता है।

भावग्राह्यमनीडाख्यं भावाभावकरं शिवम् ।
कलासर्गकरं देवं ये विदुस्ते जहुस्तनुम्

bhāvagrāhyamanīḍākhyaṃ bhāvābhāvakaraṃ śivam |
kalāsargakaraṃ devaṃ ye viduste jahustanum

जो शुद्ध भाव से ग्रहण किए जाते हैं, जिन्हें अशरीरी कहा जाता है, जो भाव और अभाव के कर्ता हैं, जो कल्याणमय शिव हैं और कलाओं की सृष्टि करते हैं, उन देव को जो जानते हैं, वे शरीर के बंधन को सदा के लिए त्याग देते हैं।