सूक्त 43: यह वही सोम है, पियो

यस्य॒ त्यच्छम्ब॑रं॒ मदे॒ दिवो॑दासाय र॒न्धय॑ः ।
अ॒यं स सोम॑ इन्द्र ते सु॒तः पिब॑

yasya tyacchambaraṃ made divodāsāya randhayaḥ |
ayaṃ sa soma indra te sutaḥ piba

यस्य॑ तीव्र॒सुतं॒ मदं॒ मध्य॒मन्तं॑ च॒ रक्ष॑से ।
अ॒यं स सोम॑ इन्द्र ते सु॒तः पिब॑

yasya tīvrasutaṃ madaṃ madhyamantaṃ ca rakṣase |
ayaṃ sa soma indra te sutaḥ piba

यस्य॒ गा अ॒न्तरश्म॑नो॒ मदे॑ दृ॒ळ्हा अ॒वासृ॑जः ।
अ॒यं स सोम॑ इन्द्र ते सु॒तः पिब॑

yasya gā antaraśmano made dṛḻhā avāsṛjaḥ |
ayaṃ sa soma indra te sutaḥ piba

यस्य॑ मन्दा॒नो अन्ध॑सो॒ माघो॑नं दधि॒षे शव॑ः ।
अ॒यं स सोम॑ इन्द्र ते सु॒तः पिब॑

yasya mandāno andhaso māghonaṃ dadhiṣe śavaḥ |
ayaṃ sa soma indra te sutaḥ piba