सूक्त 24: हे अग्नि, शत्रु सेनाओं को जीतो

अग्ने॒ सह॑स्व॒ पृत॑ना अ॒भिमा॑ती॒रपा॑स्य ।
दु॒ष्टर॒स्तर॒न्नरा॑ती॒र्वर्चो॑ धा य॒ज्ञवा॑हसे

agne sahasva pṛtanā abhimātīrapāsya |
duṣṭarastarannarātīrvarco dhā yajñavāhase

अग्न॑ इ॒ळा समि॑ध्यसे वी॒तिहो॑त्रो॒ अम॑र्त्यः ।
जु॒षस्व॒ सू नो॑ अध्व॒रम्

agna iḻā samidhyase vītihotro amartyaḥ |
juṣasva sū no adhvaram

अग्ने॑ द्यु॒म्नेन॑ जागृवे॒ सह॑सः सूनवाहुत ।
एदं ब॒र्हिः स॑दो॒ मम॑

agne dyumnena jāgṛve sahasaḥ sūnavāhuta |
edaṃ barhiḥ sado mama

अग्ने॒ विश्वे॑भिर॒ग्निभि॑र्दे॒वेभि॑र्महया॒ गिर॑ः ।
य॒ज्ञेषु॒ य उ॑ चा॒यव॑ः

agne viśvebhiragnibhirdevebhirmahayā giraḥ |
yajñeṣu ya u cāyavaḥ

अग्ने॒ दा दा॒शुषे॑ र॒यिं वी॒रव॑न्तं॒ परी॑णसम् ।
शि॒शी॒हि न॑ः सूनु॒मत॑ः

agne dā dāśuṣe rayiṃ vīravantaṃ parīṇasam |
śiśīhi naḥ sūnumataḥ